1 TIMOTIUS 5:18 - KITAB NU TUMPU ALLA LELE MA'IMAI'

¹⁸ Kalana i uno nu Kitab nu Tumpu tinulismo, “Sapi' anu hau-haunyo mongutut gandum da mohudu' na batunyo nu gandum anu aijo' i pangkoengnyo, boli ahi' osoku' na nganga'nyo,” suele mule', “Mian anu mokalaja, ko hak montalima tambonyo.”

1 TIMOTIUS 5:18 ပူးပေါင်းရင်းမြစ်များ

IMAMAT 19:13

Boli mongala anu nu sangalu nu belemiu, kabai mongagoi balangnyo. Tambonyo nu mian anu mokalaja hi belemiu sabole-bole ahi' obee' nu belemiu, boli montahan mau ola sampahu.

MATIUS 10:10

Boli mule' momboa botutu nu sadaka', kabai ohua' na paan na pakean bau kapalaluan nu lumambanannum, kabai sapatu, kabai tokon. Sabab mian anu mokalaja kakonannyomo na mohumpak tambo de ia palalumo.

LUKAS 10:7

Jojoong ola i sa'angu' na laigan. Talima apaa na anu nubagiakon i kiijo' hi komiu, kalana mian mokalaja ko hak montalima tamboonyo. Bolimo molali-lalin lengkat i laigan sa'angu' mamba i laigan sangga'at.

ROMA 10:11

I uno nu Kitab nu Tumpu tinulis, “Mian anu palesaya madi' mompele-pele'.”

ROMA 11:2

Madi'! Tumpu madi' mongalin mian-Nyo anu palesayamo, anu pinile'an-Nyomo salatanmo pe'e i moona. To Utu-utus monsumbu' apaa na anu tinulis i uno nu Kitab nu Tumpu mongkona i Elia, tempo'nyo ia nompotoka han anu tinimbali i Israel hi Tumpu Allah. I Elia notatae,

ROMA 4:3

I Kitab nu Tumpu tinulis, “I Abraham palesaya hi Tumpu, ka' kalana palesayanyo aijo' ia tinalima nu Tumpu Allah salaku mian anu momposanang kinyonyoa nu Tumpu.”

ROMA 9:17

Kalana i Kitab nu Tumpu tinulis, “Tumpu notatae hi Tomundo' nu Mesir, ‘Aku mompotimbali beleyum Tomundo' ola sa'angu' na kahanda' aiya, da kalana beleyum, Aku mompotoa kuasang-Ku, ka' mompotimbali sanggong-Ku talasanggo i songko-songko na dunia.’ ”

1 KORINTUS 9:14

Sumo aitu mule' na Tumpu nontantukanmo, te mian anu mompolele Lele Ma'ima' aijo' tionyo mohumpak kaanon lengkat i kalaja mompolele aijo'.

GALATIA 3:8

Kitab nu Tumpu nontoamo momonanyo saba' Tumpu mompobee' to mia-mian misa' Yahudi mompo'ule'mo ma'ima' tiba Tumpu Allah, de aha palesaya hi Ia. Lele Ma'ima' aijo' pinoto'imo momonanyo hi Abraham i uno nu anu jinanji'mo sumo uuka, “Kalana beleyum, Tumpu mombalakatije iwi-iwi' na manusia i dunia aiya.”

PO'ULE' INGULIT 25:4

Boli monsoku' nganga' nu sapi' anu hau-haunyo opake mongutut gandum.”

YAKOBUS 4:5

Boli monsangka Kitab nu Tumpu notatae madi' ko sababnyo, “I uno nu butongto Tumpu nompojoongmo roh anu madi' opoko gagakon na pongka'oho'nyo.”