1 TIMOTIUS 5:13 - KITAB NU TUMPU ALLA LELE MA'IMAI'

¹³ Ka' mule' aha ola lewa' mongingkoti tempo' kalana lewa'mo mosabat ka' minsoop i laigan nu mian. Ka' anu lebe ma'idek mule', aijo'mo saba' aha lewa'mo mompitana'i sanggo nu mian sangga'at ka' monggalo'imo ulusan nu mian tiba lewa'mo monsisik hahan anu madi' palalu lewa' osisik.

1 TIMOTIUS 5:13 ပူးပေါင်းရင်းမြစ်များ

AMSAL 11:13

Anu moleleakon lele anu madi' totu'u madi' moko ala montoongi lahasia; panyo mian anu timbali opalesaya timbali molahasiakon palakala.

AMSAL 20:19

Mian anu sanang lewa' monsisik mian sangga'at, madi' moko ala monguna' lahasia; boli mogandi-gandi tiba mian anu ola' manjoo na potatae.

AMSAL 31:27

Ia makeke hondo na mokalaja; ka' mompalahatikan ulusan nu aha salaigan.

IMAMAT 19:16

Boli lewa' mombebakon sisik anu madi' totu'u hi to mia-mian sangko bansa nu belemiu, da belemiu boli monsaduakon kapatean hi bubuu' belemiu manusia. Akumo na Tumpu.

LUKAS 10:7

Jojoong ola i sa'angu' na laigan. Talima apaa na anu nubagiakon i kiijo' hi komiu, kalana mian mokalaja ko hak montalima tamboonyo. Bolimo molali-lalin lengkat i laigan sa'angu' mamba i laigan sangga'at.

SISIKON NU TO RASUL-RASUL 20:20

Kita utus monsumbu' saba' saja'mo pinoto'ingku hi komiu apaa na anu ko gunanyo hi komiu. Aku mongajan komiu i posa'angu'an-posa'angu'an nu mian da'isan i to lai-laigan.

SISIKON NU TO RASUL-RASUL 20:30

Aitu pe'e anu atina' hi to Utu-utus saidi' mae totinjomo na to mia-mian anu mompolele lele anu madi' totu'u. Aha mombau sumo aijo' da to mia-mian anu pinalesayamo hi Yesus timbali ponga' ka' mombatuki aha.

1 TIMOTIUS 5:12

Sahingga aha sala'mo, kalana aha nolanggaimo janji' anu binee'mo hi aha.

TITUS 1:11

Mian anu susumo haha aijo' tionyo ogintumi na nganga'nyo, kalana aha mompotasibu manjoo' na auwan kalana to panga-pangajalan anu madi' ko gunanyo. Aha mombau sumo aijo' ola kalana mongka'oho' molio kauntungan anu madi' pantas!

YAKOBUS 3:10

Lengkat i nganga' anu sa'a-sa'angu'nyomo aijo' mosabat mae na potatae talima kase ka' mule' potatae mongkutuki. Sabenannyo madi' sumo aitu!

1 PETRUS 4:15

Boli ko samian itina' hi komiu mongoa'i kasansala'an kalana ia topo patei, kabai pambuling, kabai anu saja' mombau idek, kabai kalana ia monggalo'i ulusan nu mian sangga'at.

3 YOHANES 1:10

Bakas, aku po'ule'je toka, ku sisikje iwi-iwi' na anu binaunyomo, aijo'mo hahan anu ma'idek, ka' anu madi' totu'u na anu tinaloakonnyomo mongkona kami! Panyo iwi-iwi' aijo' ma'isa sukup hi ia. Tempo'nyo to sanga-sangalu sangko mian Kristen aijo' tinoka mae, ia madi' mongka'oho' montalima aha. Panyo ola mule' ahi' ia nontewa' to mia-mian anu mongka'oho' montalima to Utu-utus haha aijo', ka' ia nonsaimo mian haha aijo' da mosabatmo bolimo jojoong i jama'at!