1 TIMOTIUS 5:11 - KITAB NU TUMPU ALLA LELE MA'IMAI'

¹¹ Boli oposoop i uno nu daputan aijo' to balu-balu anu ma'isa talalo bengkele'. Kalana de aha ko kinyonyoamo moduhus tiba mo'ane talalomo kosuhu-suhut aha mongkahanda'imo, da po'ule' mule' mo'osoa ka' mompala'imo i Kristus.

1 TIMOTIUS 5:11 ပူးပေါင်းရင်းမြစ်များ

YESAYA 3:16

Tumpu notatae, “Buulon hondo na to bou-boune nu Yerusalem! Aha saja' honbagaya ka' saja mata kalajang ka' mule' aha lumajang saja' kotige-tige. Aha lu majang sumo anu obau-bau ka' gilinsingan na galang nu tengkenyo.

HOSEA 13:6

Panyo salatan belemiu jinojoongmo i lipu' anu ma'ima ka' belemiu nobosumo ka' na osamo, belemiu tinakabunmo lantas nongkolilimimo mae Aku.

PO'ULE' INGULIT 32:15

Mian anu pinalesayamo hi Tumpu kayamo, panyo saja' moto'idek, aha to lompo-lompo', nobosumo nu kaanon. Lantas aha nompala'imo Tumpu Allah, anu Nompotimbalimo aha ka' madi'mo nongala anu nomposalamatmo aha anu daka' hondo na kuasanyo.

1 TIMOTIUS 4:3

Aha mongajan mian da boli mo'osoa ka' boli mongkaan kaanon anu tinantukanmo. Padahan kaanon aijo' pinotimbalimo nu Tumpu Allah da okaan ka' montalima kase hi Ia nu to mia-mian anu pinalesayamo hi Kristus, ka' nonsumbu'mo pangajalan anu totu'u lengkat mae hi Tumpu.

1 TIMOTIUS 5:12

Sahingga aha sala'mo, kalana aha nolanggaimo janji' anu binee'mo hi aha.

1 TIMOTIUS 5:14

Aijo' na sababnyo ku kahanda'i da to balu-balu anu ma'isa pe'e bengkele' po'ule' pe'e mo'osoa, mohumpak anak ka' mongulus auwan da sampo bali'to madi' mohumpak kasampatan mongide-idei sanggonto.

1 TIMOTIUS 5:9

Ola balu anu sosokmo i atulan haha aiya yo, timbali oposoop i uno nu daputan nu to balu-balu: Umunnyo tionyo madi' maga'a lengkat i anompulu' na taun, u'utu mae ola minsan na no'osoa,

YAKOBUS 5:5

Komiu tinumuu'mo molabi-labi ka' nongoa'imo kasanangan nu dunia aiya. Komiu sumomo anu hau-haunyo mompilompo'imo butong miu da o kolot toka i sinaanyo.

2 PETRUS 2:18

Aha saja' monsisik anu toto ima-ima' ka' madi' ko kaliangannyo, napisu da masala' nupake nu aha bau pontua to mia-mian anu sala'je montampu'uni mae mompala'i to mia-mian anu tumuu' ginumpomo.

ANU PINOTO'I HI YOHANES 18:3

Kalana iwi-iwi na bansa nonginummo anggur napisu anu binaunyo nasala'. To tomu-tomundo nu dunia nasala'mo tiba ia, ka' to daga-dagang i dunia kinayamo nu napisu anu madi'mo opoko bali'i aijo'.”

ANU PINOTO'I HI YOHANES 18:7

Bee'mo hi ia na kasansala'an ka' kasusa'an anu pokakana na konjoo'nyo tiba katalasanggoan ka' kasanangan anu binee'nyomo hi posi butongnyo. Kalana ia ola saja' motatae hi posi butongnyo, ‘Aku aiya tomundo boune anu mompalentah! Aku misa' balu; aku madi' mongoa'i kasusa'an!’

ANU PINOTO'I HI YOHANES 18:9

To tomu-tomundo i dunia anu suele nombaumo han masala' aijo' ka' napisu nu boune aijo' mohangije ka' montando'imo kota aijo' de aha montoamo tibuk ko puha-puha lengkat i apu anu montoyo'ije ia.