1 TIMOTIUS 5:10 - KITAB NU TUMPU ALLA LELE MA'IMAI'

¹⁰ talasanggo salaku boune anu saja' nombaumo hahan anu ma'ima', salaku sonto'nyo: nompidaka'imo to ana-anaknyo sampe na'ima', sanang na montalima to mia-mian sonso' male' i bonuanyo, montoa kapalaluan nu mian anu pinalesayamo, montulungi to mia-mian anu susa', ka' mombau totu-totu'u iwi-iwi' na ngahan nu kalaja anu ma'ima'.

1 TIMOTIUS 5:10 ပူးပေါင်းရင်းမြစ်များ

KAJADIAN 18:4

Da aku mongala pe'e uee bau pombaso'i tengke nu to Tuan-tuan. Imbo' pe'e Tuan-tuan da milawe i patu nu kau' aiya.

KAJADIAN 19:2

ka' notatae, “To Tuan-tuan, ku poita da sonso' i laiganku. To Tuan-tuan timbali mombaso'i tengke ka' male'mo pe'e i laiganku. Dodop de mongka'oho', na to Tuan-tuan mobulaje subu-subu ka' po'ule'je mamba.” Panyo tinaaman nu aha, “Talima kase, bakas kami male'mo aiya i natan nu kota.”

KAJADIAN 24:32

Lantas nombatukimo na posaihon aijo' ka' ninsoopmo i uno nu laigan. I Laban nontau'akonmo boaon nu to unta-unta, ka' nombee'imo haat ka' bau pompakan binatang haha aijo'. Lapas aijo' binoannyomo uee pondudu'i tengke posaihon i Abraham ka' to mia-miannyo.

KAJADIAN 43:24

lantas binoanyo mo na aha i uno laigan. Binee'annyo na aha uee da bau pombaso'i tengke ka' suele anu pompakan keledai nu aha.

MAZMUR 119:4

Belento nombee'imo mae kami atulan nu Belento o Tumpu, da obau mami ma'i-ma'ima'.

YESAYA 1:17

o'ajan na mombau ka'ima'an. O toongi dodo-dodo na ka'adinan ka' boli obau na mongkabisa'i; bee'akon na hak nu aha anak anu madi'mo kotuumanyo ka'tinanyo ka'otinjohi na palakala nu anu balumo.”

IMAMAT 25:35

De mian sangko bansa nu belemiu anu atina' hi belemiu kasiasimo ka' madi'mo moko ala molio bau kantumuu'annyo, belemiu tionyo ahi' montulungimo ia sumo samian anu lengkat mae i salipu'an kabai mian anu lengkat mae i lipu' sangga'at da ia moko ala tumuu' atina' hi belemiu.

MATIUS 25:17

Sumo aitumo mule' na posaihon anu nontalima ohua' na madala na doi mosoni' aijo' nohumpak untung ohua' na madala mule'.

MATIUS 5:16

Sumo aitu mule' na jingkaum tionyo monjingkai ahop nu mian da aha montoa anu ma'ima', apaa na anu binau miu, lantas mompuji' Tuumaum i suluga'.”

LUKAS 7:38

Ia tinuminjo i hiku i Yesus koko tengke-Nyo, ka' i humaang ka' nohumpisi tengke i Yesus nu lolu'nyo. Lapas aijo' tengke i Yesus ingambu'annyomo nu ubaknyo, lantas ingookannyo ka' dinudu'annyo nu minya-minya' manohong.

LUKAS 7:44

Lantas i Yesus nontoa boune aijo' ka' notatae hi Simon, “Beleyum nontoamo boune aiya? Aku tinoka i laiganum, ka' beleyum madi' nontoukai uee da pombaso'i tengkeng-Ku; panyo boune aiya nombaso'imo tengkeng-Ku nu lolu'nyo, ka' ingambu'nyomo nu ubaknyo.

SISIKON NU TO RASUL-RASUL 10:22

Tinaaman nu aha, “Kapiteng Kornelius nonsai mae kami toka mae i uuka. Ia samian anu ma'ima' ka' mabuhuk hi Tumpu, tiba talalo otabea'i nu iwi-iwi' mian Yahudi. Samian na malaikat nu Tumpu nonsai ia mompoita i Tuan toka pe'e i laigannyo kalana, salaku bau pontaami do'anyo, ia sinai mohongo apaa na anu otaloakon i Tuan hi ia.”

SISIKON NU TO RASUL-RASUL 22:12

I kiijo' daagi' ko samian sanggonyo i Ananias. Ia samian na anu pa' agama ka' mohongo-hongo montuluti palentah i Musa. Iwi-iwi' mian nu Yahudi anu jojoong i Damsyik mongadati hondo ia.

SISIKON NU TO RASUL-RASUL 6:3

Jadi, sahanyo kita to Utu-utus mompile'i anu atina' hi komiu aha popitu' na anu kinyonyoanyo ma'ima' ka' nu kuasai nu Roh nu Tumpu tiba pande, anu timbali opokalaja mami mongulus hahan aiya;

SISIKON NU TO RASUL-RASUL 9:36

Kiijo' i Yope daagi' ko samian na boune sanggonyo i Tabita. Ia samian anu palesaya hi Yesus. (Sanggonyo i uno nu basa' nu Yunani, i Dorkas alati'nyo jonga.) Ia ola ahi' saja' mombau hahan anu ma'ima' ka' montulungi to mia-mian kasiasi.

SISIKON NU TO RASUL-RASUL 9:39

Lau-laus i Petrus tinuminjo ka' nombatuki aha. Potokanyo kiijo' mae, ia binoa i kaman anu i bawonyo. Iwi-iwi' balu anu i kiijo' nontikubi i Petrus galo-galo' humaang ka' nompotoa hi ia to baju-baju'nyo ka' juba-juba' anu kina'utakon i Dorkas hi aha tempo'nyo ia daagi' tumuu'.

ROMA 12:13

Otulungi ka' posukupakon na kapalaluan nu to mia-mian Kristen sangga'at, ka' olabot na to Utu-utus anu sangko agama, anu ma'isa osumbu'to nu kita Utus tiba kinyonyoa anu sanang i laigan beleyum.

EFESUS 2:10

Kita, Tumpu na nompotimbali, ka' kalana palesaya hi Kristus Yesus, Tumpu nompotimbalimo kita, da kita mombau hahan anu ma'ima', anu tinoukan-Nyomo da o baunto.

KOLOSE 1:10

Tiba jalan anu sumo aijo' komiu timbali tumuu' montuluti kahanda' nu Tumpu, ka' saja' momposanang kinyonyoa-Nyo, sahingga i uno nu iwi-iwi na apaa komiu moko ala mohasinakon hahan anu ma'ima'. Ka' mosia na komiu monsumbu' Tumpu mompaka pintuang suele.

1 TIMOTIUS 2:10

Panyo, ola ahi' to bouboune mompakei butongnyo nu palabuatan anu ma'ima' sumo anu patut hi boune de mogrejamo hi Tumpu.

1 TIMOTIUS 3:2

Samian na anu montoongi jama'at tionyo ahi' mian anu madi' ko kasala'annyo, ola sa'angu' na bengkele'nyo, monsumbu' sabaan, pande ka' anu montoongi atulan; ia mongka'ima'i montalima mian i laigannyo, ka' timbali mongajan mian,

1 TIMOTIUS 3:7

Ia tionyo ahi' mian anu ko kalakuan ma'ima' hi mian da'isan; kalana de madi' sumo aijo', dumo ia saidi' mae nu alumo nu mian, sahingga nukonamo nu ponggoda'an nu Ibilis.

1 TIMOTIUS 5:16

Panyo de daagi' ko boune mian Kristen ko utus anu binalumo, ia tionyo montulungi balu haha aijo'; boli mompojohok jama'atje na montanggungi aha. Tiba jalan anu sumo aijo' jama'at timbali montulungi balu haha aijo' anu madi' mohondo ko sampoto utusannyo.

1 TIMOTIUS 5:25

Sumo aitu mule' na kalakuan anu ma'ima' lau-laus kantoan. Ka' mau mule' anu madi' dengke na otoa, madi' saja'mo timbali opoko posuluk.

1 TIMOTIUS 6:18

Poita hi aha da mompotoa ka'ima'an, da manjoo' na mombau hahan anu ma'ima', manonong, ka' mongka'ima'i mobagi.

2 TIMOTIUS 1:5

Aku tonginau' i kapalesaya'anum anu totu-totu'u hi Kristus, pokakana sumo kapalesaya'an nu kele'um i Lois ka' tinaum i Eunike. Ka' kupalesaya hondo-hondo beleyum mule' palesaya sumo aijo'.

2 TIMOTIUS 2:21

Mian anu mompokopiani butongnyo i han iwi-iwi' anu ma'idek, mian aijo' opakeje da bau kapalaluan anu talalo penting. Ia samata-mata timbalimo anu nu tuannyo, ka' mingguna hi tuannyo. Ia pinosadiamo da opake iyayamae na pakalaja'an anu ma'ima'.

2 TIMOTIUS 3:15

Beleyum tionyo ahi' monginau', saba' daagi' pe'e ise' beleyum nonsumbu'mo Kitab nu Tumpu. Kitab nu Tumpu aijo' timbali mombee'i beleyum pangalati'an da mohumpak kasalamatan montului jalan palesaya hi Kristus Yesus.

2 TIMOTIUS 3:17

Tiba Kitab nu Tumpu aijo' mian anu mombau palentah nu Tumpu aijo' mohumpakmo ilimu' anu sukup anu ogunakon ingangahan nu pakalaja'an anu ma'ima'.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

TITUS 2:7

I uno nu iwi-iwi na han, tionyo ahi' beleyum timbali sonto' nu kalakuan anu ma'ima'. De beleyum mongajan, beleyum tionyo ahi' jujun ka' totu-totu'u na kinyonyoa.

TITUS 3:1

Opo'ingat na to mia-mian i jama-jama'at nu beleyum da aha tulu-tulutan hi to pola-polaya' ka' anu mongkuasai negara, ka' mule' tulu-tulutan mombau iwi-iwi na han anu ma'ima'.

TITUS 3:14

To mia-mian anu bubu' kita tionyo ahi' balajan mombau hahan anu ma'ima' da timbali mompodaagi' kapalaluan anu talalo opalalui; boli sampe aha tumuu' madi' mingguna.

TITUS 3:8

Potatae aiya totu'u ka' kona. Ku kahanda'i da beleyum sabole-bole mompoteteng han haha aiya, da to mia-mian anu palesayamo hi Tumpu totu-totu'u bala usaha da mombau pakalaja'an-pakalaja'an anu ma'ima' ka' mingguna hi mian iwi-iwi'.

IBRANI 10:24

Ka' kita tionyo ahi' mompaha toa-toa samian ka' samian da kita timbali mompaha kake-kakeha'i bau pongkalibosi sangalu ka' mombau hahan anu ma'ima'.

IBRANI 13:2

Boli bata-bata na montalima i laigan miu to mia-mian anu ma'isa osumbu' miu. Kalana de mombaumo anu sumo aijo' daagi' kino mian madi' sinumbu-sumbu'nyo, padahan ia nontalimamo malaikat i laigannyo.

IBRANI 13:21

O amalakon da Tumpu anu pinolengkatan mae nu kabilahian aijo' momposukup hi komiu iwi-iwi na han anu ma'ima' anu opalalui miu da moko ala mombau apaa na anu Nu kahanda'i. O amalakon da kalana i Yesus Kristus, Tumpu na mokalaja i uno nu butongto apaa na anu Nu kahanda'i. Tionyo ahi' i Kristus o puji' sampe toka sidu-sidutu'! Amin.

1 PETRUS 2:12

Kalakuan nu beleyum atina' hi mian anu madi' monsumbu' Tumpu, tionyo ahi' opokopiani ma'i-ma'ima' sahingga de aha mompitana' i belemiu tukoonyo mian anu ma'idek, panyo aha saidi' mae mongakuije kalakuan nu belemiu aijo' ma'ima', sahingga aha mompuji' Tumpu i sinaa katokaan-Nyo.

1 PETRUS 4:9

O talima ahi' na anu sonso' momoita male' i laigan nu belemiu toto samian, boli motusa'.

3 YOHANES 1:12

Iwi-iwi' na mian mompuji' i Demetrius. Maumo Tumpu suele mompuji' ia. Kami suele mompuji' ia, ka' osumbu' nu kita Utus saba' apaa na anu pinotokakonmo mami timbali opalesaya.