1 TIMOTIUS 4:8 - KITAB NU TUMPU ALLA LELE MA'IMAI'

⁸ Mompobiasa mongajan kantumuu'an nu butong ola sangkiding na gunanyo, panyo mompobiasa mongajan rohani mingguna i uno nu iwi-iwi' na han, kalana daagi' ko anu jinanji'mo ola bau kantumuu'an i tempo' uuka aiya ka' i tempo' anu tokaje mae imihinyo.

1 TIMOTIUS 4:8 ပူးပေါင်းရင်းမြစ်များ

AYUB 36:11

De aha montulutimo Tumpu Allah ka' monsombahmo Ia, aha tumuu'mo dame ka' mohumpakmo kabilahian sampe toka na tempo'nyo aha silakamo.

MAZMUR 145:19

Ia momposanang kinyonyoa nu to mia-mian anu tulu-tulutan; Ia mompotombihing apaa na nu kakase nu aha ka' momposalamatmo aha.

MAZMUR 37:11

Mian anu madi' buulon na saidi' mae mompusaka'i tano' aijo', ka' monta'up kantumuu' anu ma'ima' ka' molabi-labi.

MAZMUR 37:29

Mian anu bala iman hondo na mompusaka'i tano' aijo' ka' monjojoongi sampe toka sidu-sidutu'.

MAZMUR 37:9

Salana mian anu mombau palabuatan anu ma'idek saidi' mae ogalisimo, panyo mian anu montaha'imani Tumpu ia na mompusaka'i tano' aijo'.

MAZMUR 84:11

Maumo 1.000 na sinaa na jojoong i tampat sangga'at panyo lebe ma'ima' maumo ola sansinaa na jojoong i Laigan nu Belento. Anu nompile'imo da timbali bau ponjagai sabatan Laigan nu Tumpu-ngku asan boli jojoong i laigan nu mian anu ma'idek na kinyonyoanyo.

AMSAL 19:23

Oholomati na Tumpu, da kantumuu'an nu beleyum mohumpak kabilahian beleyum timbali ma'osa ka' madi' ko balaa' montokai mae.

AMSAL 22:4

Mian anu tulu-tulutan hi Tumpu ka' madi' buulon, saidi mae mohumpak kabilahian, ka' oholomati.

ANU MOMPOLELE POTATAE NU TUMPU 8:12

Mau sa'atumo na palabuatan ma'idek binau nu mian baladosa', ia tataap tumuu' ka' mantan na umunnyo. De ihe na tulu-tulutan hi Tumpu Allah tantu kantumuu'annyo madi' susa'.

YESAYA 3:10

Tumpu notatae, “Poto'i hi mian anu tulu-tulutan hi beleng-Ku, saba aha mohumpakmo kantumuu'an ma'ima' ka' salamatmo. Nu lasaimo nu aha na lawe nu pakalaja'an nu aha.

YESAYA 33:16

Sahingga belemiu olindungimo ka' madi'mo ko anu mompoposia madi' sala' sumomo ahi' i uno nu benteng anu mahoson hondo. Anu okaan tiba anu o, inum memang pinosadiamo da bau bagi nu belemiu.

YEREMIA 6:20

Bau apaa na kamangian anu nu boa mae nu aha hi beleng-Ku lengkat mae i Syeba, kabai santo lampa-lampa anu lengkat mae ilipu' anu majo'on? Madi' sanang na Aku montalima palasombahan nu aha. Madi' Ku ka'ima'i na koloban-koloban nu aha anu opotunu.

MATIUS 12:32

De mian montaloakon hahan anu mombahakon Anak nu Mian, ia timbali o ampuni, panyo de ia mongambangimo Roh nu Tumpu, ia madi'mo o ampuni, mau tempo' uuka, mau pe'e i sinaa anu imihinyo mae!”

MATIUS 19:29

Ka' batu-batu mian anu nompala'imo laigan, kabai utus mo'ane, kabai utus boune, kabai tina tuuma, kabai to ana-anak, kabai ale', kalana Aku, mian aijo' montalimaje mule' pinsa'atu lipat. Ka' ia montalimaje mule' kantumuu'an anu talakana' ka' sampe toka sidu-sidutu'.

MATIUS 6:33

Jadi, o usahakon pe'e da Tumpu mompalentah i kantumuu'anum, ka' o bau na kahanda'-Nyo. Sahingga iwi-iwi' anu sangga'at nubee'je nu Tumpu suele hi beleyum.

MARKUS 10:30

mian aijo' montalimaje lebe manjoo' i tempo' u'uka aiya. Ia mohumpakje pinsa'atu lebe manjoo', utus mo'ane, utus boune, tina, to ana-anak, sawah ale'nyo, – ka' osakisa mule'. Ka' tempo' saidi'mae, mian aijo' montalimaje kantumuu'an ma'ima' toka sidu-sidutu'.

LUKAS 5:38

Anggur anu bu'ou tionyo olana'akon i botutu anu singkona bu'ou.

ROMA 8:28

Osumbu'to Tumpu monsipatakon iwi-iwi' na han sahingga mohasinakon anu ma'ima' bau bagi nu to mia-mian anu mongkalibosi Ia, ka' anu ilaga-Nyomo pokakana tiba tanga'an-Nyo.

1 KORINTUS 3:22

I Paulus, i Apolos, i Petrus, dunia aiya, kantumuu'an tiba kasilakan, tempo' uuka, kabai tempo' anu tokaje mae, iwi-iwi' beleyumo na tumpunyo.

1 KORINTUS 8:8

Sabenannyo de ola kaanon madi' monsabapi pompahasumbu'anto tiba Tumpu timbali lebe ma'ima'. De kita mongkaan kaanon aijo', kita madi' mohumpak ka'untungan apa-apaa. Panyo mule' de kita madi' mongkaan kaanon aijo', kita mule' madi' ko lugi'nyo apa-apaa.

1 TIMOTIUS 4:7

Patikojo'oni na to sisi-sisik nu tominuat anu madi' ko gunanyo. Opobiasa ahi' o'ajan na butongum i kantumuu'an mongka'ima'i mogreja.

1 TIMOTIUS 6:3

Ihehe na mongajanakon ajalan sangga'at anu madi' pokakana aijo' ka' madi' mompahakona tiba ajalan anu totu'u lengkat mae hi Tumpunto i Yesus Kristus, ka' tiba ajalan nu agamanto,

1 TIMOTIUS 6:5

ka' po'uwalian anu madi'mo ko kamingkotannyo. Jalan pikilan nu mian haha aijo' pinu'otmo ka' madi'mo daagi' totu'u. Aha monsangka de bala agama moko timbali kaya.

1 TIMOTIUS 6:6

Hondo-hondomo agama mombee'i ka'untungan anu daka', de mian mongoa'imo sukup apaa na anu daagi'mo hi ia.

2 TIMOTIUS 3:5

Mau mule' otoa aha tulu-tulutan mompojalan apaa na koonyo nu agama panyo madi' montalima isinyo nu agama anu sahondo-hondonyo aijo'. Opimpali na to mia-mian anu sumo aijo'.

TITUS 3:8

Potatae aiya totu'u ka' kona. Ku kahanda'i da beleyum sabole-bole mompoteteng han haha aiya, da to mia-mian anu palesayamo hi Tumpu totu-totu'u bala usaha da mombau pakalaja'an-pakalaja'an anu ma'ima' ka' mingguna hi mian iwi-iwi'.

IBRANI 13:9

Boli mompojohok iwi-iwi na ngahan nu pangajalan anu madi' minsoop i akan aijo' ola mompokalilu komiu. Kinyonyoanto tionyo ahi' opohoson nu kanonongan nu Tumpu, aijo' na ma'ima'; boli ola kalana atulan haha aijo' mongkona anu o kaan. To mia-mian anu naipuan mae nombatukimo totu-totu'u atulan haha aijo' madi' nohumpak apa-apaa anu ko gunanyo.

1 YOHANES 2:25

Ka' aiyamo na anu jinanji'mo i Kristus hi kita: Tumuu' kopian ka' sampe toka sidu-sidutu'.

ANU PINOTO'I HI YOHANES 3:12

Mian anu inguntungmo, Ku potimbali sumo ahi' i uno nu Laigan Susi' nu TumpungKu, ka' ia jojongje i tampat aijo' sampe toka sidu-sidutu'. Sanggo nu TumpungKu, ka' sanggo nu kota nu TumpungKu – aijo'mo Yerusalem bu'ou anu mintatau'je mae lengkat i suluga', lengkat hi TumpungKu – Ku tulisje i butong nu mian aijo'. Suele sanggong-Ku anu bu'ou Ku tulisje i butongnyo.

ANU PINOTO'I HI YOHANES 3:21

Aha anu inguntungmo i uno nu kasabalan, Ku pobee'je sumuhang i kasuhangan-Ku tiba Aku, pokakana sumo Aku suele inguntungmo i uno nu kasabalan ka' uuka aiya sinumuhangmo tiba Tuumang-Ku i kasuhangannyo.

1 SAMUEL 15:22

Panyo notatae na i Samuel, “Iya na anu talalo nu ka'ima'i nu Tumpu, tulu-tulutan hi Tumpu kabai koloban anu osombahkon? Montuluti Tumpu na lebe ma'ima' nu lingkudui na monsombahkon koloban. Tulu-tulutan hi Tumpu na lebe ma'ima nu lingkudui na lompo'nyo nu domba.