1 TIMOTIUS 4:4 - KITAB NU TUMPU ALLA LELE MA'IMAI'

⁴ Iwi-iwi na anu pinotimbalimo nu Tumpu, aijo' ma'ima' ka' madi' ko sa'angu' pe'e na anu tionyo osangka anu madi' toho' okaan de tinalimamo ka' nontalima kasemo hi Tumpu.

1 TIMOTIUS 4:4 ပူးပေါင်းရင်းမြစ်များ

KAJADIAN 1:31

Tumpu nontoa iwi-iwi' apaa na anu binau-Nyomo aijo', ka' sinanangmo hondo na Ia. Tinomboliu na malom tinimbalimo na sinaa daagi subu. Aijo'mo na sinaa anu ko anomnyo.

SISIKON NU TO RASUL-RASUL 10:15

Panyo lewo' aijo' notatae mule' hi ia, “Apaa na anu tinaloakonmo nu Tumpu timbali o kaan, bolimo nu sangka aijo' madi' timbali o kaan.”

SISIKON NU TO RASUL-RASUL 15:29

Boli mongkaan kaanon anu pinosombahkonmo hi pilogot; boli mongkaan baso', boli mongkaan ponoha' anu tinekok, ka' patikojo'oni na to pala-palabuatan anu masala'. De komiu mompojo'on butong lengkat i hahan aijo', komiu nombaumo anu ma'ima'. Olamo pe'e sumo uuka, higahi mae!”

SISIKON NU TO RASUL-RASUL 21:25

Panyo mongkona misa' mian nu Yahudi anu pinalesayamo hi Yesus, kami mompakatumo sulat hi aha mongkona kaputusan mami saba' aha madi' timbali mongkaan kaanon anu sinombahkonmo hi pilogot, madi' timbali mongkaan baso' kabai mongkaan binatang anu mate tinekok; ka' madi' timbali mombau to kala-kalakuan anu ma'idek.”

ROMA 14:14

Kalana aku nosa'angu'mo tiba i Tumpu Yesus, sahingga ku palesaya hondo taalu' madi' ko apa-apaa na anu sabenannyo mahenyu; panyo han aijo' mahenyu hi toto samian de mian aijo' monsangka mahenyu.

ROMA 14:20

Boli ola kalana kaanon, kita Utus mongideimo apaa na anu binaumo nu Tumpu. Iwi-iwi na kaanon memang halala' okaan; panyo de apaa na anu okaan nu kita Utus monsaduakon mian sangga'at baladosa', tantu kita Utus sala'mo.

ROMA 14:6

Mian anu mompentingkan sinaa-sinaa anu tinantukanmo, mian aijo' mombau sumo aijo' da mompopodaka' Tumpu. Mian anu mongkaan mau mule' pa' apaa, mombau sumo aijo' da mompopodaka' Tumpu, kalana ia montalima kaseh hi Tumpu, saba' nohumpakmo kaanon aijo'. Sumo aijo' mule' tiba mian anu mongkaan ola kaanon anu tinantukanmo; mian aijo' mule' mompopodaka' Tumpu ka' montalima kaseh hi Tumpu.

1 KORINTUS 10:23

Koonyo nu mian, “Kita timbali mombau mau mule' apaa na okahanda'into.” Totu'u! Panyo madi' iwi-iwi' na oka'oho'to aijo' mingguna. “Kita timbali mombau mau mule' apaa na oka'oho'to” – panyo madi' iwi-iwi' na oka'oho'to aijo' mombangonakon kantumuu'anto.

1 KORINTUS 10:25

Komiu timbali mongkaan maumo apaa na anu opobaluk i pasan pompobalukan ponoha'. Boli pilenje oleleki imoonanyo, mau mule' ko kabalatan i uno nu kinyonyoaum.

1 KORINTUS 10:26

Kalana i uno nu Kitab nu Tumpu tinulismo, “Dunia aiya tiba iwi-iwi' na isinyo anu nu Tumpu.”

1 KORINTUS 10:30

De aku mongkaan kaanon ka' montalima kaseh hi Tumpu, kadaka' mian mongalumo aku kalana kaanon aijo', padahan aku nontalima kaseh hi Tumpu kalana kaanon aijo'?”

PO'ULE' INGULIT 32:4

Tumpu anu baani hondo na Monsangaja'i belemiu, apaa na anu binau-Nyomo na'ima'mo hondo, ka' iwi-iwi' na atulannyo adin hondo. Tumpu Allah nu belemiu madi' baleko' ka' madi' geguan na Ia, Ia saja' mombau anu ma'ima' ka' madi' toho' sala'.

1 TIMOTIUS 4:3

Aha mongajan mian da boli mo'osoa ka' boli mongkaan kaanon anu tinantukanmo. Padahan kaanon aijo' pinotimbalimo nu Tumpu Allah da okaan ka' montalima kase hi Ia nu to mia-mian anu pinalesayamo hi Kristus, ka' nonsumbu'mo pangajalan anu totu'u lengkat mae hi Tumpu.