1 TIMOTIUS 4:12 - KITAB NU TUMPU ALLA LELE MA'IMAI'

¹² Boli mompojohok maumo ola samian na monsangka beleyum madi' kogunanyo kalana beleyum daagi' olitau. Panyo ola ahi' tionyo beleyum timbali bau sonto' hi to mia-mian anu palesayamo i sisik nu beleyum ka' kalakuan nu beleyum i uno nu han beleyum mongkalibosi sangko mian ka' palesaya hi Yesus Kristus, ka' kantumuu'anum mule' ma'ima'.

1 TIMOTIUS 4:12 ပူးပေါင်းရင်းမြစ်များ

ZAKHARIA 2:4

Malaekat anu u'uka momona notataemo hi malaekat anu ko ohu'nyo, “Lako'mo lia-lia' hi olitau aijo', ka' poto'iakon hi ia na Yerusalem po ule'mo da'isan na miannyo tiba potuu'on sahingga madi'mo bisa na po ule' obau na pagan mesennyo titikup.

MATIUS 18:10

“Jaga! Boli mompopo'ambang sala'samian na to mia-mian anu ise' aijo'. Kalana, o inau'mo, na to mala-malaikat, aha saja' i ahop nu Tuumang-Ku i suluga'. [

1 KORINTUS 11:1

Obatuki na sonto'ku, sumo aku suele nombatukimo sonto' i Kristus.

FILIPI 4:8

Ahennyo to Utu-utus, isii na pikilan miu nu hahan anu mingkaliangan, anu pantas o puji', aijo'mo hahan anu totu'u, anu o'angga'i, anu adin, lomas, matami' ka' ma'ima'.

1 TESALONIKA 1:6

Komiu mombatukimo sonto' mami, ka' sonto' nu Tumpu. Mau mule' komiu talalo mongoa'i sansala, otalima miu nu lame' na lele anu opolele hi komiu. Kalame'an aijo' binee' nu Roh nu Tumpu.

1 TESALONIKA 2:10

Kami tumuu' susi', totu'u ka' madi' ko kasala'an hi komiu anu pinalesayamo hi Kristus. Komiumo na to saki-sakisi mami, ka' suele mule' Tumpu.

1 TIMOTIUS 1:14

Ka' aku pinaka bee'an mule' balakat nu Tumpunto. Ia nombee'imo aku da moko ala palesaya hi Ia ka' mongkalibosi sangko manusia. Da moko ala sumo aijo' binee'mo hi kita iwi-iwi' anu nosa'angu'mo tiba i Kristus Yesus.

2 TIMOTIUS 2:15

Tionyo ahi' beleyum bala usaha totu-totu'u da nu akui nu Tumpu sumo mian anu pantas na mokalaja hi Ia. Bala usaha da beleyum madi' ma'ambang na molakukan pakalaja'anum, panyo o'ajanakon ahi' na aja-ajalan anu totu'u lengkat mae hi Tumpu Allah.

2 TIMOTIUS 2:22

Pimpali na kasanangan nu mian anu daagi' olitau. Bala usaha da kantumuu'an mombatuki pongka'oho' nu Tumpu, tulu-tulutan i pangajalan-Nyo ka' mongkalibosi sangko mian, ka' mule' kinyonyoa sanang. Tumuu'mo sumo aijo' tiba aha anu mongkakase momoita tulung hi Tumpu i uno nu kinyonyoa anu ma'ima'.

2 TIMOTIUS 2:7

Potutugakon ima-ima' apaa na anu pinopohimoonakonkumo aijo', saba' Tumpu mombee'ije hi komiu da moko ala monsumbu' iwi-iwi'.

TITUS 2:15

Ajanakon na iwi-iwi' aijo', ka' opokinde'i, ka' otewa' na anu ma'idek hi batu-batu mian anu mohongo beleyum ka' da nupajuli nu aha. Boli mompojohok samian pe'e montoa beleyum madi' ko angga'nyo.

TITUS 2:7

I uno nu iwi-iwi na han, tionyo ahi' beleyum timbali sonto' nu kalakuan anu ma'ima'. De beleyum mongajan, beleyum tionyo ahi' jujun ka' totu-totu'u na kinyonyoa.

YAKOBUS 3:13

De itina' hi komiu daagi' ko mian anu pande ka' manonong, tionyo ahi' anu ma'ima' aijo' nu potoa i uno nu kantumuu'annyo, ka' mombau ahi' hahan anu ma'ima', anu ososapi'i nu kinyonyoa madi' ko bubuun ka' pande.

YAKOBUS 3:17

Panyo mian anu daagi' ko kapandean anu nolengkat mae kiita' i bawo, ia na anu momona hondo lomas, lapas mule' mongka'ima'i dame, ma'ima' na kinyonyoa hi sangko mian, mohongo-hongo. Ia saja' mongkalibosi ka' kalakuannyo saja' ma'ima'. Ia madi' montinjohi sangga'at ka' madi' mimpula-pula.

1 PETRUS 5:3

Boli mompalentah sumo anu mongkuasai aha anu pinalesayakonmo hi komiu, panyo timbali ahi' sonto' hi aha.