1 TIMOTIUS 4:1 - KITAB NU TUMPU ALLA LELE MA'IMAI'

¹ Roh nu Tumpu nontaloakonmo totu-totu'u, tukoonyo sinaa anu aiya mae o ahopi, sambagian na mian madi'mo palesaya, mombahakonmo i Kristus. Aha montulutimo to roh-roh anu sala'na ajalannyo ka' mombatukimo to aja-ajalan nu roh anu ma'idek,

1 TIMOTIUS 4:1 ပူးပေါင်းရင်းမြစ်များ

KAJADIAN 3:13

Tumpu Allah nompokilawamo hi boune aijo', “Kadaka' binau'mo nu beleyum na aijo'?” Tinaamannyo, “Aku ingakalanmo nu ulo, sahingga kinaankumo na bua'nyo nu kau' aijo'.”

1 TOMU-TOMUNDO' 13:18

Sahingga nabi anu i langkai'mo aijo' lengkat mae i Betel nombaleko'imo ia, ia notatae “Aku suele nabi susumo Belento. Tumpu nompalentahmo mae malaekat da mompokau aku molabot ka' mombee'i mongkaan Belento i laiganku.”

YESAYA 2:2

Isinaa anu aiya mae ihop puge'nyo tampat Laigan nu Tumpu matangkasmo ka' tuminjo'mo hodi-hodi' aita ito bungku-bungkutnyo ka' mule' to puge-puge'nyo. Iwi-iwi' na bansa moduyu-duyutmo mamba mokiijo',

YEREMIA 23:26

Sampe toka hipian na nabi haha aijo' mompotalas pikilan nu mian anu palesayamo hi beleng-Ku mompotokamo kaleba anu ola nu posi kuku nu aha ipala?

YEREMIA 48:47

Panyo sinaa anu aiya mae i ahop po ule'mo Ku sule'akon na kantumuu'an nu lipu' Moab. Aku, Tumpu notataemo!” Sumo aijo' na anu tionyo ahi' nu bau nu Tumpu hi aha mian nu Moab.

YEREMIA 49:39

Panyo saidi' mae imihinyo kantumuu'an nu aha Elam po ule'mo ahi' Ku potinjo. Aku, Tumpu, notataemo.”

YEHEZKIEL 38:16

Lantas nu tumbuhimo na mian Israel anu palesayamo hi beleng-Ku susumo antong anu daka' hondo montintipmo tano'. De tokamo na tempo'nyo, beleyum Ku saimo mae da monjojoongimo tano'-Ku. Tiba jalan sumo aiya Aku nonggunakonmo beleyum o, Gog, nusumbu'je nu to bansang-bansang ihe sabenannyo na Aku, aijo'mo Tumpu Allah anu susi'.

DANIEL 10:14

Aku tinoka mae da mompopangalati' beleyum da osumbu' pa' apaa na anu jadi saidi' mae hi bansa nu belemiu. Anu tinoa aijo' mongkona sinaa anu aiya mae i ahop.”

HOSEA 3:5

Panyo tokaje mae na tempo'nyo bansa Israel po'ule'mo ninsusule' hi Tumpu nu aha, ka' hi tomundo' nu aha anu lengkat mae hi lee' i Daud. Lantas aha mabuhukmo ka' moholomatimo Tumpu ka' montalimamo to bala-balakat-Nyo.

MIKHA 4:1

I sinaa anu aiya mae o ahopi puge'nyo pipinombauan Laigan nu Tumpu tuminjomo hodi-hodi' ka' matangkas hondo lebemo moliu-liu to bungku-bungkutnyo ka' to puge-puge'nyo. Iwi-iwi' na bansa mododuyutanmo mambamo mompanjolongi

NOMBILANGMO 24:14

Notatae na i Bileam hi Balak, “Uuka aiya aku minsusule'mo i bansangku. Panyo ma'isa pe'e aku mamba ku poto'imo hi belento Tuanku apaa na anu saidi' mae nubau nu bansa Israel hi bansa nu belento Tuanku i sinaa anu aiya mae o ahopi.”

MATIUS 18:7

Paya' na ko ideknyo na dunia aiya kalana hahan anu monsaduakon mian baladosa'. Totu'u hahan anu sumo aitu saja' daagi', panyo silaka na mian anu monsaduakon!

LUKAS 17:1

I Yesus notatae hi anu saja' mombatuki Ia, “Hahan anu monsaduakon mian mombau dosa' tantu daagi'. Panyo silaka na mian anu monsaduakon!

YOHANES 16:13

Panyo de Roh aijo' tokamo, aijo'mo Ia na momponyata' katotu'uan mongkona Tumpu, komiu nu potiju'je da monsumbu' iwi-iwi' anu totu'u. Ia madi' monsisik posi butong-Nyo, panyo montaeakon apaa na anu i hongo-Nyomo, ka' nu poto'ije hi komiu apaa na anu timbali i sinaimihi mae.

SISIKON NU TO RASUL-RASUL 13:2

Tempo'nyo aha hau-haunyomo mogaleja hi Tumpu ka' bapuasa', Roh nu Tumpu notatae hi aha, “Pile'imo na i Barnabas ka' i Saulus, da mokalaja hi beleng-Ku da aha mokalaja anu tinantukankumo hi aha.”

SISIKON NU TO RASUL-RASUL 17:18

To gulu-gulu' anu mombatuki pangajalan i Epikuros ka' mombatuki pangajalan i Stoa pinainggaga suele tiba ia. To pia-piangkuka lengkat hi aha notatae, “Apaa na nusumbu' nu mian aiya? Kapandeannyo ola sangkiding, panyo ia manjoo' na potatae!” To pia-piangkuka anu sangga'atannyo notatae, “Kugantang ia mompolele mongkona to pilo-pilogot nu bansa sangga'at.” Aha notatae sumo aitu, kalana i Paulus monsisik mongkona i Yesus ka' mongkona anu mate po'ule' tumuu'.

SISIKON NU TO RASUL-RASUL 20:23

Aku ola monsumbu' saba' i toto sa'angu' na kota' Roh nu Tumpu nompoto'imo totu-totu'u hi belengku, tukoonyo saidi' mae o talungku' ka' mongoa'i sansala.

SISIKON NU TO RASUL-RASUL 21:11

Ia tinoka hi kami lantas nongala pombutu' i Paulus. Tiba pombutu' aijo' ia nonsegoti tengke ka' limanyo lantas notatae, “Aiyamo na anu tinaloakon nu Roh nu Tumpu: Tumpunyo nu pombutu' aiya o puuti sumo aiya i Yerusalem nu to mia-mian Yahudi, ka' o bee' hi to mia-mian anu misa' Yahudi.”

SISIKON NU TO RASUL-RASUL 28:25

Kalana pikilan anu madi' mompahakona aha nompala'imo tampat aijo', salatan i Paulus nontaeakonmo sumo aijo' hi aha, “Memang kona hondo apaa na anu tinaeakonmo nu Roh nu Tumpu hi Nabi Yesaya kona hi mompolee' nu belemiu!

1 KORINTUS 10:20

Apaa na anu sinombahkonmo i tampat koloban bau bagi nu pilogot madi' sinombahkon hi Tumpu, panyo hi to roh-roh ma'idek. Ka' aku madi' mongka'oho' komiu mosa'angu'mo tiba roh ma'idek.

1 KORINTUS 11:19

Memang konamo na ko poga'a-ga'atan itina' hi komiu da otoaje saidi' mae ihehe na mian Kristen anu totu-totu'u.

1 KORINTUS 12:11

Iwi-iwi' aijo' kalaja nu Roh anu sa'a-sa'angu'nyomo aijo'; toto samian pinosi bee'anmo balakat anu madi' pokakana, iyaje ahi' pongka'oho' nu Roh aijo'.

1 KORINTUS 2:10

Panyo Roh nu Tumpu na nomponyata'mo hi kita. Roh nu Tumpu aijo' na nonselidiki iwi-iwi' apaa, toka-toka i tanga'an nu Tumpu pe'e anu talalo mapohowini.

2 KORINTUS 11:3

Panyo aku bata-bata mamanga pikilanum saidi' mae tagoda madi'mo daagi' tulu-tulutan hi Kristus, pokakana sumo i Hawa u'utu mae suele tinagoda kalana kapandean nu ulo.

PO'ULE' INGULIT 32:29

De aha pande, aha mangalati'mo, ka' mompopikilakonmo apaa na anu saidi' mae jadi i mihinyo hi aha.

PO'ULE' INGULIT 4:30

De belemiu nutokai nu balaa' aijo' iwi-iwi' ka' belemiu i uno nu kasusa'an, saba' belemiu minsusule'mo hi Tumpu Allah nu belemiu ka' tulu-tulutanmo hi Ia.

KOLOSE 2:18

Boli komiu mompojohok butong opolugi' nu mian anu mimpula-pula mati aluk, ka' anu monsombah to mala-malaikat. Mian aijo' mongkabubuulakon pikilannyo anu mombatuki dunia, ka' mompopodaka' anu saja' nutoa,

2 TIMOTIUS 3:13

sadangkan to mia-mian anu ma'idek ka' to mia-mian anu mongakali mompaka pa'idekmo. Aha mongakali mian sangga'at padahan posi aha suele o akali.

2 TIMOTIUS 4:4

Aha mompitimo bihing na mohongo anu totu'u, panyo mompotombihingmo to sisi-sisik anu baleko'.

YAKOBUS 3:15

Kapandean anu sumo aijo' madi' nolengkat mae i suluga'. Ia nolengkat mae i dunia, nolengkat mae i napisu nu mian, ka' lengkat mae i setan!

1 PETRUS 1:20

I Kristus pinile'anmo nu Tumpu ma'isa pe'e dunia aiya pinotimbali. Ka' i sinaa aiya tempo' nu mongahopimo kakiamatan, Ia tinokamo i dunia da belemiu oposalamat.

2 PETRUS 2:1

Tempo'nyo naipuan mae mian anu palesayamo hi Tumpu itina' hi komiu ko anumo tinimbali to nabi-nabi anu madi' totu'u. Sumo aijo' mule' itina' hi komiu saidi' mae ko anumo timbali to gulu-gulu' anu madi' totu'u. Aha mompogulu' to panga-pangajalan anu madi' totu'u, anu mombinasai mian. Ka' aha saidi' mae mompojalomo Anu Matangkas na kuasanyo anu nompobebasmo aha. Tiba jalan anu sumo aijo' aha mompotokamo kasilaka'an i posi butong, anu madi'mo pin nuta'upmo nu aha.

2 PETRUS 3:3

Momonanyo belemiu tionyo ahi' monsumbu' saba' sinaa anu i mihinyo mae, tokamo na to mia-mian anu kantumuu'annyo kinuasanmo nu napisu nu aha. Aha na saidi' mae monjojoamo belemiu

1 YOHANES 2:18

To ana-anakku, kakiamatan ohanimo! Pinoko poto'imo hi komiu i momonanyo tukoonyo Sampo Bali' i Kristus tokamo saidi' mae; ka' tempo' uuka aiya i lubatmo da'isan na mian anu monsampo bali' i Kristus. Aijo'mo na tandanyo saba' kakiamatan malia'mo toka.

1 YOHANES 4:6

Panyo kita to ana-anakmo nu Tumpu; ka' mian anu nonsumbu'mo Tumpu, nohongomo potataento. Mian anu misa' anu nu Tumpu, madi' nohongo potataento. Sumo aijo' na balu-balu'nyo kita monsumbu' pompahasala'an nu Roh anu mombee'i pangajalan anu totu'u, ka' roh anu madi' totu'u.

YUDAS 1:18

Aha nompoto'imo momona hi komiu tukoonyo de malia'mo toka na sinaa kakiamatan lubatmo na to mia-mian anu monjojoa komiu, aijo'mo to mia-mian anu tumuu' montuluti apaa na anu nu kamilui nu aha sahingga monsaduakonmo anu moko baladosa'.

YUDAS 1:4

Kalana madi' opoko ala osumbu-sumbu'to, daagi' ko to mia-mian anu madi' osumbu'to minsasuluk minsoop hi kita. Aha to mia-mian palaganta anu monggeo-geo'akon lele mongkona balakat nu Tumpunto, da mohumpak kasampatan pompotudunan nu aha napisu. Ka' aha madi' mongakui i Yesus Kristus, aijo'mo na anu Mongkuasai ka' Tumpunto. Salatanmo pe'e naipuan mae hukuman nu aha sinisikakonmo i uno nu Kitab nu Tumpu.

ANU PINOTO'I HI YOHANES 13:14

Ka' iwi-iwi' mian anu tumuu' i dunia ingakalannyomo nu hahan anu okabangangi anu nupoko ala nubau i ahop nu binatang anu i momona aijo'. Ka' aha iwi-iwi' pinokaunyomo nompotinjo sa'angu' na patong nu binatang anu binelanmo nu bajak, panyo tataap tumuu'.

ANU PINOTO'I HI YOHANES 16:14

Aha atina'mo na to roh-roh ma'idek anu nombau manjoo' na anu okabangangi. Toto-totolu' na roh ma'idek aijo' namba hi iwi-iwi' na tomundo i songko-songko na dunia ka' nomposihukmo aha da mahampate i Sinaa daka' anu olame'akon, aijo'mo Sinaa nu Tumpu Allah Anu Matangkas na kuasanyo.

ANU PINOTO'I HI YOHANES 18:2

Potataenyo daka' hondo ia noloboo'mo, “Nahungku'mo! Babel anu daka' nahungku'mo! Tempo' uuka ia tinimbalimo tampat nu to setan-setan ka' roh-roh ma'idek. I unonyo daagi' ko tomonsi' anu manjoo' na ngahanannyo anu mahenyu ka' anu nuka'ideki nu mian.

ANU PINOTO'I HI YOHANES 18:23

Mian madi'mo daagi' montoa jingka nu sulu' anu i unonyo; ka' madi'mo daagi' kahongoan na kalame'an nu bau-bauon po'osoan i kiijo'. To daga-dagang miu atina'mo to mia-mian anu talalo tongkoimona i dunia, ka' tiba to ili-ilimu' ka' ajimat miu, belemiu nongakalimo iwi-iwi' na bansa i dunia!”

ANU PINOTO'I HI YOHANES 19:20

Sahingga binatang aijo' i hakopmo hingga-hinggat tiba to nabi-nabi anu madi' totu'u anu nombaumo hahan anu okabangangi i ahop nu binatang aijo'. (Anu okabangangi haha aijo' atina'mo na binatang haha aijo' anu nongakalimo to mia-mian anu ko tandanyo binatang aijo', ka' to mia-mian anu monsombah patong nu binatang aijo'.) Lantas binatang aijo' ka' to nabi-nabi anu madi' totu'u aijo' ingalinmo tumu-tumuu' i uno nu ndalangon apu anu banyela-nyelak ka' ko belelangnyo.

ANU PINOTO'I HI YOHANES 2:11

Ihe na mohongo, tionyo ahi' mompalahatikan apaa na anu tinaloakon nu Roh nu Tumpu toka hi to jama-jama'at! Aha anu inguntungmo i uno nu kasabalan madi'mo sahondo-hondonyo mongoa'i kasansala'an apa-apaa nu kapatean anu kopinduannyo.”

ANU PINOTO'I HI YOHANES 2:17

Ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at! Aha anu inguntungmo i uno nu kasabalan, Ku pobee'je na mongkaan manna anu ma'isa nusumbu' nu aha, ka' toto samian mohumpakje hi beleng-Ku sambatu na batu mopute'. I batu aijo' tinulis sa'angu' na sanggo anu sala'je, anu madi' nu sumbu' nu mian mau pe'e pa' ihe, de misa' mian anu memang mohumpak.”

ANU PINOTO'I HI YOHANES 2:29

Ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at!”

ANU PINOTO'I HI YOHANES 2:7

Ihe na mohongo, tionyo ahi' mompalahatikan apaa na anu nutaloakon nu Roh nu Tumpu hi to jama-jama'at! Aha anu noko alamo sinabaan ka' nontahan soba'an, Ku pobee'je mongkaan bua' nu kau' kantumuu'an anu tinumuu' i Kalaja'an Suluga' nu Tumpu.”

ANU PINOTO'I HI YOHANES 20:10

Lapas aijo' Ibilis anu nongakalimo aha aijo', i lumbu'akonmo i uno nu apu anu sumo ndalangon ka' belelang. I kiijo'mo na tampatnyo nu binatang ka' nabi anu madi' totu'u aijo' ingalin momonanyo. Aha sinakisamo sinaa ka' malom sampe toka sidu-sidutu'.

ANU PINOTO'I HI YOHANES 20:8

ka' ia mambamo mongakali to bansa-bansa anu nololomo i songko-songko na dunia, atina'mo i Gog ka' i Magog. Ibilis momposihukmo aha da mahampatemo, manjoo' hondo, sumo konjoo'nyo nu bone' i ambai.

ANU PINOTO'I HI YOHANES 3:13

De ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at!”

ANU PINOTO'I HI YOHANES 3:22

De ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at!”

ANU PINOTO'I HI YOHANES 3:6

De ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at!”

ANU PINOTO'I HI YOHANES 9:20

Panyo tuha' nu mian anu madi' pinatean nu balaa' haha aijo' suele madi' ahi' mompala'i pakalaja'an nu lima nu aha. Aha sabole-bole ahi' monsombah to roh-roh ma'idek, ka' to pilo-pilogot mosoni', salaka, tambaga, batu ka' kau' anu madi' moko ala montoa kabai mohongo, kabai pe'e lumajang.