1 TIMOTIUS 3:7 - KITAB NU TUMPU ALLA LELE MA'IMAI'

⁷ Ia tionyo ahi' mian anu ko kalakuan ma'ima' hi mian da'isan; kalana de madi' sumo aijo', dumo ia saidi' mae nu alumo nu mian, sahingga nukonamo nu ponggoda'an nu Ibilis.

1 TIMOTIUS 3:7 ပူးပေါင်းရင်းမြစ်များ

MARKUS 4:11

Sahingga i Yesus notatae hi aha, “Komiu binee'anmo balakat da monsumbu' lahasia mongkona mosia na Tumpu mompalentah. Panyo to mia-mian anu i sambiha'nyo ingajan nu kantuang,

SISIKON NU TO RASUL-RASUL 10:22

Tinaaman nu aha, “Kapiteng Kornelius nonsai mae kami toka mae i uuka. Ia samian anu ma'ima' ka' mabuhuk hi Tumpu, tiba talalo otabea'i nu iwi-iwi' mian Yahudi. Samian na malaikat nu Tumpu nonsai ia mompoita i Tuan toka pe'e i laigannyo kalana, salaku bau pontaami do'anyo, ia sinai mohongo apaa na anu otaloakon i Tuan hi ia.”

SISIKON NU TO RASUL-RASUL 22:12

I kiijo' daagi' ko samian sanggonyo i Ananias. Ia samian na anu pa' agama ka' mohongo-hongo montuluti palentah i Musa. Iwi-iwi' mian nu Yahudi anu jojoong i Damsyik mongadati hondo ia.

SISIKON NU TO RASUL-RASUL 6:3

Jadi, sahanyo kita to Utu-utus mompile'i anu atina' hi komiu aha popitu' na anu kinyonyoanyo ma'ima' ka' nu kuasai nu Roh nu Tumpu tiba pande, anu timbali opokalaja mami mongulus hahan aiya;

1 KORINTUS 10:32

Tumuu'mo sumo aitu na baunyo da kita Utus madi' monsaduakon mian sangga'at mombau dosa'; pa' aha mian nu Yahudi kabai misa' mian nu Yahudi, kabai jama'at nu Tumpu.

1 KORINTUS 5:12

Memang momputusi kasala'an nu to mia-mian anu misa' Kristen misa' ulusanku. Panyo posi Tumpuje na momputusi kasala'an nu aha. Panyo mongkona to mia-mian Kristen i jama'at miu, te misa' posi komiu ahi' na anu tionyo momputusi kasala'an nu aha? I uno nu Kitab nu Tumpu tinulismo, “O laa' na mian anu ma'idek itina' hi komiu.”

2 KORINTUS 6:3

Kami madi' mongka'oho' kalaja mami opisala'i. Kalana aijo' kami bala usaha madi' mombee'i pikilan hi samian pe'e da mombau han aijo'.

2 KORINTUS 8:21

Kami mongka'oho' mokalaja hodi-hodi' misa' ola i ahop nu Tumpu, panyo mule' suele i ahop nu mian.

KOLOSE 4:5

I uno nu poboboan miu tiba to mia-mian anu madi' palesaya pande-pande ahi' na komiu tumuu', ka' opake iwi-iwi' na kasampatan ma'i-ma'ima'.

1 TESALONIKA 4:12

De komiu tumuu' sumo aijo', komiu madi' ola taha'iman maumo pa'hihe, ka' to mia-mian anu madi' palesaya hi Kristus, mongadatimo komiu.

1 TESALONIKA 5:22

Opatikojo'oni iwi-iwi' na ngangahan nu ka'idekan.

1 TIMOTIUS 3:6

Samian na anu montoongi jama'at madi' timbali mian anu sala'je tinimbali Kristen, kalana saidi' mae ia timbalimo kobubuun, lantas okutukimo sumo Ibilis naipuan mae.

1 TIMOTIUS 5:14

Aijo' na sababnyo ku kahanda'i da to balu-balu anu ma'isa pe'e bengkele' po'ule' pe'e mo'osoa, mohumpak anak ka' mongulus auwan da sampo bali'to madi' mohumpak kasampatan mongide-idei sanggonto.

1 TIMOTIUS 6:9

Panyo mian anu mongka'oho' timbali kaya, tagodamo ka' nusegotimo nu sagala lupa na anu oka'ima'i, anu ponga' ka' mongidei. Anu oka'ima'i haha aijo' mombau mian timbali magalis ka' silaka.

2 TIMOTIUS 2:26

Tiba jalan anu sumo aijo' aha po'ule'mo sinsumbu' ka' nolapasmo i ponggoda'an nu Ibilis anu nonsale'imo aha ka' nompakisamo aha mombatuki pongka'oho'nyo.

TITUS 2:5

timbali pande, tumuu' susi' ka' timbali tina nu auwan anu ma'ima', anu tulu-tulutan hi langkai'nyo. Tiba jalan anu sumo aijo' madi'mo ko mian anu mompisala'i lele lengkat mae hi Tumpu.

TITUS 2:8

Potatae nu anu sinsumbu' na opake da madi' nupoko ala nu pisala'i nu mian, da sampo bali'um timbali ma'ambang kalana madi' ko hahan anu ma'idek, anu timbali tewa' nu sisik nu aha na kita.

3 YOHANES 1:12

Iwi-iwi' na mian mompuji' i Demetrius. Maumo Tumpu suele mompuji' ia. Kami suele mompuji' ia, ka' osumbu' nu kita Utus saba' apaa na anu pinotokakonmo mami timbali opalesaya.

1 SAMUEL 2:24

Boli daagi mombau sumo aijo', belemiu anakku. Ma'idek hondo apaa na anu lewa' nu sisik nu mian anu pinalesayamo hi Tumpu mongkona belemiu!