1 TIMOTIUS 3:13 - KITAB NU TUMPU ALLA LELE MA'IMAI'

¹³ To mia-mian anu ma'ima' na timbali pabantun nu jama'at, saidi' mae o'angga'i ka' timbali kobabaaninyo na motatae mongkona kapalesaya'an nu aha hi Kristus.

1 TIMOTIUS 3:13 ပူးပေါင်းရင်းမြစ်များ

MATIUS 20:28

Pokakana sumo Anak nu Mian aijo' suele Ia toka misa' da okalibosi, panyo da mongkalibosi, ka' mombee' nyawa-Nyo bau pompobebas mian da'isan.”

MATIUS 25:21

‘Ma'ima'mo’, koonyo nu tuan aijo', ‘beleyum posaihon anu ma'ima' ka' mohongo-hongo. Kalana beleyum timbali o palesaya i hahan anu sangkiding, manjoo'je na kubee' hi beleyum. Pinsoop ka' batuki na aku, basana-sanang tiba aku!’

LUKAS 19:17

‘Ma'ima',’ tukoonyo nu Tuan aijo', ‘beleyum pokauhon anu ma'ima'! Kalana i hahan anu toto ise-ise' beleyum timbali opalesaya. Beleyum kupotimbali mongkuasai sampulu' na kota.’

SISIKON NU TO RASUL-RASUL 21:35

Salatan aha nomboa ia tinokamo kiijo' i ojan, anu mompokalangkabut aijo' noto idek'mo hondo, sahingga i Paulus jinagaanmo nu to sulu-suludadu na mamba momoya.

SISIKON NU TO RASUL-RASUL 6:15

Iwi-iwi' mian anu tinokamo i uno nu ulusan Mian Kopian Daka' nu Agama aijo' nontoa i Stefanus. Ka' tempo'nyo aitu ohup i Stefanus tinoa sumomo ohup nu malaikat.

SISIKON NU TO RASUL-RASUL 6:5

Iwi-iwi' na mian aijo' situju tiba pongka'oho' nu to rasul-rasul aijo'. Lantas aha nompile'i i Stefanus, samian na anu palesaya hondo hi Yesus ka' nukuasai nu Roh nu Tumpu. Suele tinompile'i: i Filipus, i Prokhorus, i Nikanor, i Timon, i Parmenas, ka' i Nikolaus lengkat i Antiokhia; ia misa' mian nu Yahudi, panyo ninsoopmo agama nu Yahudi.

SISIKON NU TO RASUL-RASUL 6:8

I Stefanus talalo nu balakati nu Tumpu sahingga ia nombaumo manjoo' na anu okabangangi ka' hahan anu talalo hondo hi aha mian da'isan.

1 KORINTUS 16:15

Kita Utus tantu monsumbu' i Stefanus ka' aha sa'anakan; aha na momonanyo tinimbali Kristen i Akhaya. Buke-buke' na kinyonyoa nu aha nokalaja samata-mata mongatun mian anu palesayamo hi Tumpu Allah.

FILIPI 1:14

Ka' aku tinalungku' nonsaduakonmo manjoo' na to mia-mian Kristen i kota aiya nompaka palesayamo mule' hi Tumpu, sahingga aha nompaka baanimo na mombebakon potuunon nu Tumpu, ka' madi'mo maha pabuhukan.

1 TESALONIKA 2:2

Komiu monsumbu' saba' ma'isa pe'e kami tinoka hi komiu i Tesalonika, kami po'ule'mo kinabisa'an ka' pinopo'ambang kiijo' mae i Filipi. Panyo mau mule' manjoo' na mian mombahakon kami, Tumpunto nombee'imo kami kabaanian da mompolele hi komiu Lele Ma'ima' anu lengkat mae hi Ia.

1 TIMOTIUS 3:14

Aku nontantomo madi'mo daagi' pin aku mambaje molenga beleyum. Mau mule' sumo aijo', aku nontulismo ahi' sulat aiya toka hi beleyum,

2 TIMOTIUS 2:1

O Timotius, anakku! Pahosonmo ahi' na beleyum nu balakat anu binee'mo hi kita, kalana kita nosa'angu'mo tiba i Kristus Yesus.

IBRANI 6:10

Tumpu misa' Tumpu anu madi' adin. Ia madi' mongkolilimi apaa na anu kinalajamo miu hi Ia, ka' kalibosan anu pinotoamo miu hi Ia, tempo'nyo komiu nontulungimo to utu-utus anu sa'a-sa'angu' na kapalesaya'an, tu'utu mae ka' uuka aiya.