1 TIMOTIUS 3:11 - KITAB NU TUMPU ALLA LELE MA'IMAI'

¹¹ Bengkele' nu aha suele tionyo ahi' mian anu tobos, misa' mian anu mongka'ima'i lewa' mombebakon sisik anu madi' totu'u. Aha tionyo monsumbu' boli mahasisikon ka' jujun i uno nu han iwi-iwi'.

1 TIMOTIUS 3:11 ပူးပေါင်းရင်းမြစ်များ

MAZMUR 101:5

Mian anu lewa' mompobau-bau anu madi' totu'u maumo nu pohowini hi mian sangga'at ku pateimo. Mian anu mombuulakon butongnyo ka' saja' mingkinyonyoa da molingkudui sangalu madi' ola ku pojohok.

MAZMUR 15:3

anu madi' lewa' mompobau-bau sangko mian, madi' mombau anu ma'idek hi sangko sangalunyo, ka' madi' lewa' mongalu mian anu mompaha ohani na laigan;

MAZMUR 50:20

Beleyum monsisik anu madi' totu'u utus nu beleyum, ka' sola' mompobau-bau utus nu beleyum anu omput nu puso nu beleyum.

AMSAL 10:18

Mian anu mompohowini mongka'ideki mian aijo'mo na anu saja' mongakali. Mian anu lewa' mompitana'i aijo'mo na mian anu ponga' hondo.

AMSAL 25:13

Mian anu opokau tulu-tulutan momposanang kinyonyoa nu mian anu nompokau, sumomo uee anu molino na nu inum nu mian anu mompadak i ale.

YEREMIA 9:4

Maumo ahi' sangalu, panyo batu-batu mian na saja' ahi' balajaga-jaga ka' mau mule' utus sa'a-sa'angu' na ma'alum madi'mo timbali opalesaya. Kalana, susumo i Yakub sumo aijo'mo na aha, toto samian nongakalimo utusnyo. Batu-batu mian mambamo iyaya mae da sola' monsisik pitana' hi mian ka' sola' baleko'.

YEHEZKIEL 44:22

To ima-imam ola timbali mongosoai to lalangkoyang nu mian Israel anu ma'isa toho' no osoa kabai samian na balu nu samian na imam. Aha madi' timbali mongosoai boune anu gina'atakonmo nu langkai'nyo.

IMAMAT 21:7

Samian na imam madi' timbali mo'osoa tiba samian na langkoyang anu lewa'mo nasala' kabai samian na boune anu toho'mo no'osoa kabai anu noga'atmo kalana imam aijo' anung-Ku'mo.

MATIUS 4:1

Lapas aitu i Yesus binoa nu Roh nu Tumpu nokiijo' i padang bolaa da o sobai nu Ibilis.

YOHANES 6:70

I Yesus nontaami, “Te misa' Aku na nompile'i komiu sampulu' ohua' na mian aiya? Panyo samian anu aiya hi komiu te roh anu ma'idek!”

ROMA 1:29

Kinyonyoa nu aha nobuke'mo nu anu toto ma'i-ma'idek, anu madi' totu'u; nobuke'mo nu mangoa, kabusikan tiba saja' mongoa'i singgi; nobuke'mo nu kahanda' mompai patei, mahantuda', mongakali tiba mongingu. Aha mongka'ima'i solaa' monsisik mian sangga'at,

1 TIMOTIUS 1:12

Aku mompoita talima kase hi Kristus Yesus Tumpunto. Ia nombee'imo mae kahosonan hi belengku da mombau apaa na anu Nu palentahkon, ka' Ia nonanggapmo aku timbali mombau kalaja aijo',

1 TIMOTIUS 3:2

Samian na anu montoongi jama'at tionyo ahi' mian anu madi' ko kasala'annyo, ola sa'angu' na bengkele'nyo, monsumbu' sabaan, pande ka' anu montoongi atulan; ia mongka'ima'i montalima mian i laigannyo, ka' timbali mongajan mian,

1 TIMOTIUS 6:2

To posa-posaihon anu tuannyo mian Kristen, madi' timbali monte tuannyo kalana aha bubu' mian Kristen. Ola ahi' aha tionyo mohongo-hongo palentah nu tuan nu aha aijo' tiba lebe mule' ma'ima', kalana tuan anu ohongo-hongo ma'ima' na palentahnyo aijo' bubu' mian palesaya anu okalibosi. Iwi-iwi' aiya tionyo ahi' beleyum mongajanakon ka' opokinde'akon.

2 TIMOTIUS 3:3

Aha madi' mongkalibosi sangko mian, madi' mongka'ima'i mongampuni, aha mongka'ima'i mombusi-busiki sanggo nu mian sangga'at, mongka'ima'i mompakisa, aha masigo ka' madi' mongka'ima'i ka'ima'an.

2 TIMOTIUS 4:5

Maumo sumo aitu beleyum tionyo mongkuasai posi butongum i uno nu ka'ada'an maumo pa' mosia. Sabaalakon na kasansala'an, baumo na kalajaum salaku anu mompolele Lele Ma'ima' aijo', ka' opojalan ma'i-ma'ima' na kalajaum salaku mian monjalanakon palentah nu Tumpu.

TITUS 2:3

Sumo aitu mule' tionyo ahi' beleyum mompokinde'i to bou-boune anu bengkele'mo da kalakuan nu aha sosok tiba apaa na anu patut hi mian anu tumuu' samata-mata bau kapentingan nu Tumpu. Aha madi' timbali mompitana'i mian sangga'at ka' madi' timbali katagean i inumon anu moko palangu. Aha tionyo ahi' mongajanakon hahan anu ma'ima',

TITUS 3:2

Taloakon hi aha da boli mompitana' kabai painggaga mau mule' pa' hi he, panyo mingkalakuan manonong na kinyonyoa. Tionyo ahi' aha saja' tobos hi iwi-iwi' na mian.

1 PETRUS 5:8

Balajaga-jaga ahi' na komiu ka' mosadia! Kalana Ibilis atina'mo na sampo bali' miu. Ia sumo singa lumajang mokiijo', mo'uuka, ka' molohuu' molio kaanonnyo.