1 TIMOTIUS 2:13 - KITAB NU TUMPU ALLA LELE MA'IMAI'

¹³ Kalana anu momona pinotimbali aijo'mo i Adam, lapas aijo' atina'je ka' i Hawa.

1 TIMOTIUS 2:13 ပူးပေါင်းရင်းမြစ်များ

KAJADIAN 1:27

Sumo aijo'mo na Tumpu nombau manusia ka' aha binau-Nyomo susumo butong-Nyo. Binau-Nyomo na aha mo'ane ka' boune.

KAJADIAN 2:18

Lantas Tumpu Allah notataemo, “Madi' ma'ima' na manusia tumuu' sausa'nyo. Ku-bauje na anu timbali sangalunyo anu mompahakona ka' montulungi ia.”

KAJADIAN 2:22

Buku nu has aijo' binontukmo nu Tumpu Allah tinimbali samian na boune, lantas binee'nyomo hi manusia aijo'.

KAJADIAN 2:7

Lapas aijo' Tumpu Allah nongalamo sangkiding na tano', lantas kinompon-Nyomo ka' tinimbalimo samian na manusia, lantas pinuhakon-Nyomo na sawo anu mompotumuu' i uno nu bolo' nu sungnyo; sahingga tinumuu'mo na manusia aijo'.

KAJADIAN 3:16

Lantas Tumpu notataemo hi boune aijo', “Ku paka posakit na beleyum de beleyum poboamo ka' de beleyum mohampeakonmo. Panyo mau mule' sumo aijo', beleyum daagi' saja' ko kinyonyoa moduhus tiba langkai' nu beleyum, ka' mule' beleyum tionyo tulu-tulutan hi ia.”

KAJADIAN 3:20

I Adam nonsanggohimo bengkele'nyo i Hawa, kalana boune aijo' tina nu iwi-iwi' na manusia.