1 TIMOTIUS 2:1 - KITAB NU TUMPU ALLA LELE MA'IMAI'

¹ Momonanyo, kupoita totu-totu'u da apaa na anu opoita, sambayang, ka' mondo'akon mian da'isan, ka' mule' mompoita talima kase anu opotoka hi Tumpu kona hi mian iwi-iwi';

1 TIMOTIUS 2:1 ပူးပေါင်းရင်းမြစ်များ

EZRA 6:10

Bau na aijo' iwi-iwi' da aha monsombahkonmo koloban anu momposanaang Tumpu Allah anu mongkuasai suluga', da nupoitakon nu aha balakat na aku ka' to ana-anaku mo'ane.

MAZMUR 72:19

Opuji' na sanggo-Nyo anu talasanggo sampe toka sidu-sidutu'; o'amalakon da songko-songko na dunia mobuke nu anu mompotalasanggo Ia! Jadimo mae sumo uuka, Amin!

YEREMIA 29:7

Bakalaja da kokabilahian ahi' na kota' tampat anu pinomboan-Ku belemiu. Balado'a mae hi beleng-Ku bau kapalaluan nu kota' nu belemiu haha atina', kalana de kota' haha itina ma'ima'mo na kantumuu'an nu aha, belemiu suele ma'ima'mo ahi' na kantumuu'an nu belemiu.

SISIKON NU TO RASUL-RASUL 17:30

Jadi kaponga'anto aijo' kinolilimanmo nu Tumpu, panyo tempo' uuka Ia nompokaumo iwi-iwi' mian i songko-songko na dunia da bolimo mombau to dosa-dosa' nu aha.

ROMA 1:8

Momonanyo aku montalima kaseh hi Tumpu, kalana i Yesus Kristus ka' mule' hi to Utu-utus iwi-iwi'; kalana songko-songko na dunia nohongomo saba' komiu pinalesayamo hondo hi Kristus.

ROMA 6:17

Panyo talima kaseh hi Tumpu! Kalana u'utu mae komiu tinimbalimo botuan nu dosa', panyo uuka aiya komiu buke-buke' na kinyonyoa mohongo-hongomo pangajalan anu totu'u, anu binee'mo hi beleyum.

1 KORINTUS 15:3

Apaa na anu pinotokangkumo hi to Utu-utus, atina'mo na anu titinalimangkumo suele. Anu penting, sumo anu tinulismo i Kitab nu Tumpu, pinotokangkumo hi komiu saba' i Kristus sinilaka kalana to dosa-dosa'to;

2 KORINTUS 8:6

Mokonyo aijo' kami talalo hondo mompoto'i Titus – anu nontampu'unimo usaha aiya – da suele nubau na usaha anu ma'ima' aiya itina' hi komiu.

EFESUS 3:13

Mokonyo aijo', anu kupoita, aijo'mo: boli bata-bata mongkona apaa na anu ingoa'ankumo, aku sinansala kalana komiu, kalana iwi-iwi' aijo' da bau ka'ima'an miu.

EFESUS 5:20

Mau mule' pa' apaa tionyo komiu saja' montalima kase hi Tumpu Tuuma i uno nu sanggo i Yesus Kristus Tumpunto.

EFESUS 6:18

Bau na iwi-iwi' aijo' ka' balado'a salaku pompoita tulung hi Tumpu. Iwi-iwi' na kasampatan tionyo balado'a susumo anu pinotiju'mo nu Roh nu Tumpu hi komiu. Tionyo ahi' komiu saja' mogogau' ka' boli mangaku matundu'mo. Saja' odo'akon na mian iwi-iwi' anu palesayamo hi Tumpu.

FILIPI 1:3

De aku tonginau'mo hi komiu, aku montalima kase hi Tumpu Allah.

FILIPI 4:6

Boli bata-bata maumo pa'apaa. I uno nu iwi-iwi' na han, balado'a ka' potoka na poitaon miu hi Tumpu. Apaa na anu opalalui miu, saja' opoto'i na aijo' hi Tumpu, ka' montalima kase.

1 TESALONIKA 3:12

O amalakon hi Tumpu da mompotimbali komiu lebe saja' mongkalibosi samian ka' samian, sahingga kalibosanum ko pintu-pintuangnyo, pokakana sumo kalibosan mami hi komiu.

2 TESALONIKA 1:3

To Utu-utus, kami saja' tionyo montaloakon talima kase hi Tumpu kalana komiu. Ka' konanyomo na kami mombau sumo aijo', kalana komiu nompaka palesayamo hi Kristus, ka' komiu lebemo nompaha kali-kalibosimo samian ka' samian.

1 TIMOTIUS 2:4

Ia mongka'oho' da iwi-iwi' na mian oposalamat, ka' monsumbu' anu totu'u.

1 TIMOTIUS 5:5

Balu anu totu-totu'u me butong sausa', ka' madi'mo ko anu pa' ihe na anu timbali montombuati, ia me taha'iman hi Tumpu. Sinaa ka' pihi ia la saja' balado'a hi Tumpu momoita da Nu montulungi.

2 TIMOTIUS 2:24

Mian anu mokalaja bau kapentingan nu Tumpu, madi' patut painggaga; ia tionyo ahi' motatae ma'ima' hi iwi-iwi' na mian, ka' timbali mongajan mian ma'i-ma'ima' ka' sabaan.

TITUS 2:11

Kalana Tumpu nompotoamo balakat-Nyo kalana kahanda' momposalamat iwi-iwi' mian.

TITUS 3:2

Taloakon hi aha da boli mompitana' kabai painggaga mau mule' pa' hi he, panyo mingkalakuan manonong na kinyonyoa. Tionyo ahi' aha saja' tobos hi iwi-iwi' na mian.

IBRANI 6:11

Okahanda'i mami da komiu toto samian saja' bala usaha toka-toka imihinyo, sahingga komiu mohumpak apaa na anu o ima-imani miu aijo'.

YAKOBUS 5:16

Kalana aijo', tionyo ahi' komiu mompaha aku-akui kasala'an ka' mompaha do'a-do'akon, da komiu opa'alin. Do'a nu anu montuluti pongka'oho' nu Tumpu, ko kuasanyo Anu Matangkas.