1 TIMOTIUS 1:9 - KITAB NU TUMPU ALLA LELE MA'IMAI'

⁹ Tantu tionyo o inau' saba' atulan anu binau misa' toka hi mian ma'ima', panyo toka hi anu molanggai atulan, to mia-mian anu ma'idek, mian anu palaganta, toka hi mian anu baladosa', mian anu madi' ko agamanyo, mian anu ola mongka'ima'i dunia, toka hi mian anu mompatei tuuma kabai tinanyo, anu saja' mompatei mian,

1 TIMOTIUS 1:9 ပူးပေါင်းရင်းမြစ်များ

2 SAMUEL 16:11

Lantas i Daud po ule' mule' notatae hi Abisai ka' hi iwi-iwi' na posaihonnyo, “Posi anaku pe'e ko gia'mo mompatei aku; yo kadaka' na belemiu na ko banga-bangangmo na montoa mian nu Benyamin aiya? Tantu Tumpu na nompokau mae ia montotobi'akon aku; kalana aijo' boli opoposia na ia ka' pojohokmo na ia montotobi'akon mae aku.

2 TOMU-TOMUNDO' 19:37

Daagi' kino sansinaan hau-haunyo ia monsombah i uno nu kuil pilogot Nisrokh, ia natemo tinabas i Adramelekh nu bajak tiba i Sarezer, tiba to ana-anaknyo momo'ane. Lapas aijo' aha nalaimo i lipu' Arafat. Sahingga i Esarhadan, anaknyo mo'ane sangga'at na tinimbali tomundo' nombolosakon ia.

2 TAWARIKH 32:21

Lantas sinaimo nu Tumpu na nabi samian nompatei to sulu-suludadu nu aha Asyur ka' mule' to sulu-suludadu anu toto tangka-tangkas na pangkatnyo nu aha Asyur haha aijo'. Kalana talalomo hondo na'ambang na i tomundo Asyur sahingga ia ninsusule'mo i lipu'nyo. Daagi' kino sansinaan ia hau-haunyo kiijo' i laigan nu pilogotnyo, pa' aha sangkuka na anaknyo tinokamo mae nompatei ia nu bajak.

NOSABATMO 20:13

Boli mompatei.

NOSABATMO 21:14

Panyo de ihe-he na talalomo puuson ka' montotonggolakonmo mompatei mian sangga'at, lapas aijo' malai mamba i mezbah-ngKu da boli opatei, mian aijo' tionyo mamba o ala ikiijo' i mezbah ka' obee'i hukuman opatei.

AMSAL 20:20

Mian anu montotobi'akon tu'anyonyo, kantumuu'annyo madi'tuusan, sumomo sulu' anu mompoho' mo i pihi anu pinikatmo.

AMSAL 28:17

Samian na anu saja' mompatei mian, saja' nu oa'i ololoi' sampe ia silaka, madi' ko samian pe'e na moko ala montahan ia.

AMSAL 28:24

Ihe na buling hi tu'anyonyo ka' monsangka aijo' misa' dosa', pokakana mo tiba anu lewa' mombuling sangga'at.

AMSAL 30:11

Daagi' ko mian anu montotobi'akon tuumanyo; ka' madi' moholomati tinanyo.

AMSAL 30:17

Mian anu lewa' mongalu tuumanyo kabai tinanyo anu i langkai'mo ka' binengkele'mo, pantasmo ahi' na o'alin i sambiha'nyo da matanyo nu tungkugi nu papaa' ka' bangke'nyo nu kaanmo nu bonyia'.

YEREMIA 23:11

Tumpu notatae, “Nabi tiba imam madi'mo mongka'oho' tulu-tulutan hi beleng-Ku. Pakalaus mule' i uno nu Laigan-Ku ihumpak-Kumo na aha nombaumo palabuatan anu ma'idek.

YEHEZKIEL 21:25

Ka' hi tomundo' nu Israel Ku poto'i, ‘O, tomundo' anu ma'idek na kinyonyoanyo ka' palaganta! Sinaa anu pupusnyomo na beleyum ohukum malia'mo mae toka.

IMAMAT 20:9

Tumpu nombee'mo atulan haha aiya, “Mian anu montotobi'akon tuumanyo ka' tinanyo tionyo ahi' o hukum mate. Ia mate kalana posi kasala'annyo.

MATIUS 10:21

Saidi' mae timbalije saba' mian posi utusnyo mombee' da o patei. Ka' aitu mule' na saidi' mae timbali hi tuumanyo tiba anaknyo. To ana-anak tionyo mongewa tina ka' tuumanyo, ka' mombee' aha da o patei.

ROMA 1:30

mongka'ima'i mombusi-busiki sanggo nu mian sangga'at; aha sombong ka' madi' ko adatnyo, anu mongka'ideki Tumpu, ka' mongka'ima'i monsisik anu madi' ko kaliangannyo. Aha pande molio hahan anu bu'ou da timbali mombau anu ma'idek. Aha madi' mompajuli tu'anyonyo;

ROMA 4:13

Tumpu binajanji' hi Abraham tiba anu ilee'akonnyo, tukoonyo dunia aiya i Abraham na tumpunyo. Tumpu binajanji' sumo aijo' misa' kalana i Abraham tulu-tulutan i atulan nu agama Yahudi, panyo kalana ia palesaya hi Tumpu, sahingga Ia tinalima nu Tumpu salaku mian anu momposanang kinyonyoa-Nyo.

ROMA 5:20

Anu nombee' atulan nu agama Yahudi aijo' posi Tumpu. Panyo lebe mian makeke montapali atulan aijo', lebe mule' aha molanggai ka' baladosa' hi Tumpu. Mau mule' mian lebe mombau dosa', Tumpu lebe mule' mongkalibosi aha.

ROMA 6:14

Dosa' madi'mo timbali mongkuasai komiu, kalana komiu madi'mo tumuu' i 'aluk nu atulan nu agama Yahudi, panyo i balakatmo nu Tumpu.

GALATIA 3:19

Desumo aitu, bau apaa na atulan nu agama anu binee'mo? Salaku bau pontaami, saba' atulan aijo' pinotuangmo da bau momponyata' manusia sinala'mo. Atulan nu agama aijo' opake ola, de ma'isa pe'e toka na samian anu lee' mae i Abraham, anu sinanggo i uno nu janji' nu Tumpu hi Abraham. Atulan nu agama aijo' pinotokakon nu to mala-malaikat nompake samian na manusia.

GALATIA 5:18

Panyo de Roh nu Tumpu na mompotiju' komiu, saba' komiu madi'mo nukuasai nu atulan nu agama.

GALATIA 5:21

ka' madi' sanang hi samian, saja' malangu, saja' mombau bau-bauon, ka' sangga-sangga'atnyo. Mongkona iwi-iwi' aijo' ku pokinde'i na komiu uuka aiya susumo aku nompokinde'imo komiu u'utu mae, tukoongku to mia-mian anu nombaumo hahan anu sumo aijo', madi'mo timbali oposoop mian anu palesayamo hi Tumpu.

GALATIA 5:23

aha madi' takabun, ka' saja' moko ala mongkuasai anu nu ka'ima'i nu butong. Madi' ko atulan nu agama anu montewa' hahan anu sumo aijo'.

PO'ULE' INGULIT 27:16

‘Kinutukan na mian anu madi' mongadati tu'anyo nu aha ka' mompojohokmo aha madi'mo opalakai.’ ‘Amin!’

2 TESALONIKA 2:8

atina'je ka' kantoan na Mian anu Ma'idek aijo'. Saba' de Tumpu Yesus tokamo Iaje na mompatei Mian anu Ma'idek aijo' nu napas-Nyo anu lengkat mae i nganga'nyo, ka' mompateimo nu kalonyingkabannyo salaku tandanyo Ia tokamo.

1 TIMOTIUS 4:7

Patikojo'oni na to sisi-sisik nu tominuat anu madi' ko gunanyo. Opobiasa ahi' o'ajan na butongum i kantumuu'an mongka'ima'i mogreja.

1 TIMOTIUS 6:20

Apaa na anu pinalesayakonmo hi beleyum, ojagai na aijo' ma'i-ma'ima', Timotius! Opatikojo'oni na to sisi-sisik anu madi' mingkaliangan ka' painggagan mongkona hahan anu madi' totu'u, osanggohimo “Sa'angu' na Ilimu'.”

2 TIMOTIUS 2:16

Opimpali na to sisi-sisik anu madi' ko gunanyo, ka' anu mongise-ise' Tumpu. Sisi-sisik sumo aijo' ola mombau mian mompaka pa'idek.

2 TIMOTIUS 3:2

Mian mosi pentingkanmo butongnyo, me saja' mongkamata doi, kobubuun ka' mongka'ima'i sisik anu madi' kogunanyo. Aha mongka'ima'i mompopo'ise' mian, panggaga hi tuumanyo, madi' monsumbu' montalima kase ka' mongka'ideki hahan rohani.

TITUS 1:10

Kalana manjoo' na mian anu moto muhukmo, lebe-lebe to mia-mian anu u'utunyo mae montoongi agama Yahudi; aha mongakali mian sangga'at nu potatae nu aha anu madi' ko gunanyo.

TITUS 1:16

Aha notatae, tukoonyo aha monsumbu' nu Tumpu, padahan palabuatan nu aha madi' totu'u. Aha monsaduakon da mongkahumimi'i ka' madi' mongka'oho' tulu-tulutan; aha aijo'mo na to mia-mian anu madi' moko ala mombau apa-apaa na anu ma'ima'.

TITUS 1:6

Samian na polaya' nu jama'at tionyo ahi' samian anu madi' ko kasala'annyo; ia tionyo ko bengkele' ola samian; to ana-anaknyo tionyo ahi' pinalesayamo hi Kristus ka' misa' sumo to ana-anak anu lausala ka' anu madi' opoko ala o atun.

TITUS 3:3

Kalana naipuan mae kita suele ponga', sala' na jalan, ka' madi' tulu-tulutan. Kita binotuananmo nu ngangahan na napisu tiba anu o ka'ima'i; kita tumuu' ko makisut ma'idek ka' madi' sanang hi sangalu, tiba mule' mompaha ka'i-ka'ideki.

IBRANI 11:31

Ola kalana bala'iman, sahingga i Rahab, boune anu lewa-lewa' masala' aijo', madi' pinatean hingga-hinggat tiba to mia-mian anu madi' tunduk hi Tumpu; kalana ia na nontalima ima-ima' mian nu Israel anu namba nondoyoni.

IBRANI 12:16

Obala'ingati da boli ko anu tumuu' lewa' masala' kabai madi' mongangga'i hahan rohani, susumo anu binaumo i Esau. Pinobaluknyomo na haknyo salaku anak tumpe, ola kalana samangko' na anu o kaan.

1 PETRUS 2:7

Batu aijo' ko angga'nyo hondo hi belemiu anu pinalesaya. Panyo bele nu to mia-mian anu madi' pinalesayamo, nukonamo nu to aya-ayat nu Kitab nu Tumpu anu sumo uuka, “Batu anu madi' opake nu to tuka-tukang nu laigan aijo', batumo ahi' ai-aijo' na anu talalo penting,”

1 PETRUS 3:20

aijo'mo roh nu to mia-mian anu madi' tulu-tulutan hi Tumpu Allah tempo'nyo daagi' i Nuh. Tempo'nyo aijo' Tumpu sinabaan na nontanda'i sampe i Nuh noko baumo kapannyo. Ola to mia-mian anu i uno nu kapan – iwi-iwi' uwalu' na mian – anu pinosalamat madi' sinilakan nu iaba' pasawe' daka' aijo'.

1 PETRUS 4:18

I uno nu Kitab nu Tumpu tinulismo sumo uuka, “De to mia-mian anu ma'ima' susa'mo na oposalamat, pa' mosiaje na katimbaliannyo tiba to mia-mian anu baladosa' anu madi' monsumbu' Tumpu!”

YUDAS 1:15

kalana kahanda'mo momputusi mian iwi-iwi'. Tumpu mohukumo to mia-mian anu mombau anu ma'idek kalana hahan anu binaumo nu aha mian anu palaganta. Ka' Ia mohukumje mian anu baladosa' ka' anu uesan kalana iwi-iwi' na potatae anu mompopo ambang tinaloakonnyomo.”

ANU PINOTO'I HI YOHANES 21:8

Panyo mian anu madi' sabaan, geguan, mian anu palaganta pampatei, mian masala', mian anu ko ajimat, monsombah pilogot, ka' iwi-iwi' na anu baleko' o'alin i uno nu apu anu sumo ndalangon ka' belelang anu lewa' moak, aijo'mo na kapatean anu kopinduannyo.”

ANU PINOTO'I HI YOHANES 22:15

Panyo to mia-mian anu mombau han anu mahumimi', anu mompake to aji-ajimat, to mia-mian anu mombau to kala-kalakuan masala'; anu mompatei, anu monsombah pilogot, ka' to mia-mian anu baleko', mau anu otaloakon, mau apa-apaa na palabuatan ma'idek, iwi-iwi' na mian aijo' tampatnyo i sambiha' nu kota aijo'.