1 TIMOTIUS 1:17 - KITAB NU TUMPU ALLA LELE MA'IMAI'

¹⁷ Tumpu, Tomundo sampe toka sidu-sidutu', tionyo o'angga'i ka' saja' o puji', kalana Iamo na anu tumuu' sampe toka sidu-sidutu' anu madi' otoa ka' ola sa'a-sa'angu'nyomo! Amin.

1 TIMOTIUS 1:17 ပူးပေါင်းရင်းမြစ်များ

1 TAWARIKH 29:11

Belento totu-totu'u talasanggo ka' daka' na kuasa nu Belento. Belento opopodaka' ka' talalo hondo o adati, anu mongkuasai iwi-iwi'.

NEHEMIA 9:5

Aha nonsombahmo Tumpu Allah nu aha i sinaa aitu tinampu'unan nu aha to mia-mian nu aha Lewi aijo'mo: i Yesua, i Kadmiel, i Bani, i Hasabneya, i Serebya, i Hodia, i Sebanya, ka' i Petanya. Aha notataemo: “Tinjomo ka' puji' na Tumpu Allah-nto! Opuji' na Ia sampe toka sidu-sidutu'! Opuji' na sanggo-Nyo anu saja' opopodaka', sanggo anu opalias molingkudui iwi-iwi' na bau pompuji'.”

MAZMUR 10:16

Tumpu mompalentah sampe toka sidu-sidutu' to bansa-bansa anu madi' monsumbu' Ia, saidi' mae madi'mo daagi' ko anu aijo' itano'-Nyo.

MAZMUR 106:48

O puji' na Tumpu, Tumpu nu aha Israel, uuka aiya sampe toka sidu-sidutu'. Da' iwi-iwi' na mian montaloakon, “Amin!” O puji' na Tumpu!

MAZMUR 145:13

Kapalentahan nu Belento sampe toka sidu-sidutu', kakuasa'an nu Belento tataap sampe molundu-lundu na tulunan. Tumpu saja' mongganapi iwi-iwi' apaa na anu jinanji'-Nyomo, Ia talalo hondo mongkalibosi iwi-iwi' apaa na anu binau-Nyomo.

MAZMUR 41:13

Belento nontulungimo mae aku kalana aku madi' tageo' na kinyonyoa, ka' nompobee'mo aku tumuu' hingga-hinggat tiba Beleyum sampe toka sidu-sidutu'.

MAZMUR 45:1

Mazmur nu aha sa'anakan i Korah. Nyanyian mongkalibosi. Anu mongkapali panyanyi. Ingala ilagu nu nyanyian; Bunga bakung.

MAZMUR 45:6

Pana' nu beleyum mata-matajom molampasmo sule nu mian anu mongewa mae beleyum, to bansa-bansa singkapmo motua' i ahop nu tengke nu beleyum.

MAZMUR 57:11

Kalana kalibosan nu Belento nolabi-labimo, sinundakmo i langit, ka' Belento monginau' mae aku tinoka-tokamo i kundom.

MAZMUR 90:2

Ma'isa pe'e bungkutnyo iwi-iwi' pinotimbali, ma'isa pe'e tano' ka' dunia tinali' nu Belento, Belentomo na Tumpu anu sampe toka sidu-sidutu', madi' ko katampu'unannyo ka' madi' ko ka'ahenannyo.

YEREMIA 10:10

Panyo Belento, Tumpu Allah anu totu'u Tumpu Allah anu mombee'i mae kantumuu'an, tomundo' anu sampe toka sidu-sidutu'. De Belento pusamo tano' gayu'anmo de Belento motambuha'mo to bansa-bansa madi' moko ala mongahopi. (

DANIEL 2:44

Tempo'nyo tomundo' haha aijo' mompalentah Tumpu i suluga' nompotinjomo sa'angu' na kalaja'an anu timbali totahan sampe toka sidu-sidutu' ka' anu madi' nu poko ala nu patundu' nu bansa maumo pa' iyamae. Kalaja'anmo ai-aijo' na mohansuni iwi-iwi' na kalaja'an sangga'at haha aijo'.

DANIEL 4:34

Salatan ilapasmo popitu' na taun, aku nonsindamo nokiita' i langit ka' po ule'mo sininsumbu' na aku. Sahingga pinuji'kumo na Tumpu Allah Anu Matangkas na Kuasanyo. Pinuji'kumo ka' pinopodaka'kumo na Ia anu tumuu' sampe toka sidu-sidutu'. “Tumpu timbalimo tomundo' sampe toka sidu-sidutu'. Ia balakuasa madi' kokamingkotannyo.

DANIEL 4:37

Jadi uuka aiya aku i Nebukadnezar mompuji'mo, mompopodaka'mo katalasanggoan nu Tomundo' nu Suluga'. Iwi-iwi' na anu binau-Nyomo totu'u ka' mule' adin ka' moko ala mompota'aluk mian anu kalakuannyo takabun.

DANIEL 7:14

Ia binee'anmo kaholomatan tiba kakuasa'an salaku tomundo' sahingga to mia-mian anu i iwi-iwi na bansa tiba tulunan nu bansa ka' mule' basa' tunduk hi Ia. Kakuasa'an-Nyo pin sampe toka sidu-sidutu', ka' Ia mompalentah madi'mo daagi' opobelenti.

MIKHA 5:2

Jadi nu pojohokmo nu Tumpu na mian-Nyo anu palesayamo da nu kuasaimo nu sampobali' nu aha, sampeje boune anu tinantukanmo da timbali tinanyo nu anu mongkuasai aijo' mompohampemo Ia anu mongkuasai Israel. Lapas aijo' to mia-mian anu bubu' bansanyo anu kiijo' mae i tampat pinomboan ka' pinompojoongan aha po ule'mo oposa'angu' tiba bansa nu aha.

MALEAKHI 1:14

Mohumpak kutuk na anu topo akali anu mompalasombahkon hi beleng-Ku binatang anu madi'mo mingkaliangan de memang ahi' hi aha aijo' daagi ko potuu'onnyo anu jinanji'nyomo binatang anu ma'ima na osombahkon hi beleng-Ku! Kalana Akumo na Tomundo' anu Talasanggo ka' mule' o adati nu iwi-iwi' na bansa.”

MATIUS 25:34

Lapas aijo', Tomundo aijo' notatae hi to mia-mian anu i sasu koanan-Nyo, ‘Imbo' na komiu anu binalakatanmo nu Tuumang-Ku. Pinsoopmo i uno nu Kalaja'an anu pinosadiakon hi komiu salatanmo pe'e dunia momona.

MATIUS 28:20

O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110

MATIUS 6:13

Boli mompojohok kami kakulangan palesaya tempo'nyo kami o sobai panyo lapasakon na kami i kuasanyo Anu Ma'idek. [Kitamo na Tomundo' anu balakuasa ka' opopodaka' toka sidu-sidutu'. Amin.]’

YOHANES 1:18

Madi' ko anu toho'mo nontoa Tumpu, de misa' anak nu Tuuma anu samba-sambatumo, anu pokakana tiba Tuuma ka' anu mompahakona hondo Ia. Ia na anu momponyata' Tuuma hi kita.

YOHANES 5:44

Mosia na komiu timbali palesaya, de komiu molio da o puji' nu bubu komiu ka' madi' bala usaha molio pompuji' anu lengkat mae hi Tumpu, anu ola-olamo Ia na Tumpu?

ROMA 1:20

Salatanmo pe'e Tumpu nompotimbali dunia, pikilan nu Tumpu anu madi' otoa-toa, aijo'mo salaku tandanyo Ia aijo' Tumpu tiba kuasa-Nyo anu sampe toka sidu-sidutu', timbalimo nu sumbu' nu mian de montoamo iwi-iwi' apaa na anu pinotimbali-Nyomo. Jadi mian madi' hondo-hondo ko pintoongan da mompototu'u butongnyo.

ROMA 1:23

Misa' Tumpu anu sampe toka sidu-sidutu' na anu osombah nu aha, panyo patong-patong anu montiho to bina-binatang anu timbali mate; aijo'mo mian, tomonsi, binatang anu ko tengkenyo opat, ka' binatang anu jumolo.

ROMA 11:36

Tumpu na nombau iwi-iwi' aijo'. Iwi-iwi' nolengkat mae hi Tumpu tiba mule' bau kapentingan nu Tumpu. Puji' na Tumpu sampe toka sidu-sidutu'! Amin.

ROMA 16:27

Olamo Ia sa'a-sa'angu'nyo na Tumpu, Ia talalo hondo pande. O amalakon da Ia saja' opopodaka' sidu-sidutu' hi Yesus Kristus! Amin. Tabea' mami, I Paulus, posaihon i Kristus Yesus 49

ROMA 2:10

Panyo iwi-iwi' mian anu mongka'oho' mombau anu ma'ima', tionyo obee'i anu opopodaka' ka' anu o adati tiba ka'ima'an lengkat mae hi Tumpu; momoonanyo hi mian Yahudi, sumo aitu mule' hi to mia-mian bansa sangga'at.

ROMA 2:7

Tumpu mombee'i kantumuu'an kopian ka' sidu-sidutu' hi aha anu sabaan mombau anu ma'ima' da pohumpakan anu ko angga'nyo, anu opopodaka' ka' toka sidu-sidutu'.

KOLOSE 1:15

I Kristus te gambalan nu butong nu Tumpu anu madi' kantoan; i Kristus te anak anu tumpe, lebe penting molingkudui iwi-iwi' apaa na anu pinotimbalimo.

IBRANI 11:27

Kalana bala'iman, sahingga i Musa nompala'imo Mesir ka' madi'mo mabuhuk maumo nu tambuha'i nu tomundo'. I Musa nolausakonmo patujunyo sumomo ia nontoamo Tumpu anu madi' otoa-toa.

IBRANI 2:7

I tempo' anu madi' pinin Belento nompotimbalimo ia gagana' tinau'akon i aluknyo nu malaikat. Belento nombee'mo pangkat hi ia anu opopodaka' ka' o'adati,

1 PETRUS 5:11

Iamo na anu mongkuasai sampe toka sidu-sidutu'! Amin.

2 PETRUS 3:18

Tionyo ahi' belemiu lebemo mongoa'i balakat i Yesus Kristus, Tumpu ka' Tomundo anu Momposalamat kita, ka' tionyo ahi' belemiu lebemo mule' monsumbu' Ia. O puji' na Ia, uuka aiya ka' sampe toka sidu-sidutu'! Amin. Tabea' mami, I Petrus 9

1 YOHANES 4:12

Madi' ko samian pe'e na anu toho'mo nontoa Tumpu, panyo de kita mompaha kali-kalibosi, Tumpu mosa'angu'mo tiba kita, ka' kalibosan-Nyo ganaapmo i butongto.

YUDAS 1:25

Olamo Ia sa'a-sa'angu'nyo na Tumpu anu Momposalamat kita nontului jalan hi Yesus Kristus Tumpunto. Iamo na Tumpu anu talasanggo, opopodaka', mongkuasai ka' anu o'angga'i salatanmo pe'e naipuan mae sampe tempo' uuka aiya ka' sampe toka sidu-sidutu'. Amin. 1

ANU PINOTO'I HI YOHANES 15:3

Ka' aha nonyanyiakon nyanyian i Musa, posaihon nu Tumpu Allah, ka' nyanyian nu Anak nu Domba. Sumo uuka na koonyo, “Tumpu, Tumpu Anu Matangkas na kuasanyo. Palias hondo na kodaka'nyo ka' okabangangi na iwi-iwi' anu binaumo nu Belento! Tomundo nu bansa iwi-iwi', palias na ko adinnyo ka' totu'u apaa na anu binaumo nu Belento!

ANU PINOTO'I HI YOHANES 17:14

Aha mahampateje mongewa Anak nu Domba aijo'. Panyo Anak nu Domba aijo' tiba anu saja' mombatuki Ia, anu tulu-tulutan hondo ka' anu ilaga-Nyomo ka' pinile'an-Nyomo aijo' na mompatundu' tomundo haha aijo', kalana Iamo na Tumpu nu iwi-iwi na Tuan, ka' Tomundo nu iwi-iwi na to tomu-tomundo.”

ANU PINOTO'I HI YOHANES 19:1

Lapas aijo', aku nohongomo apa-apaa, sumo potatae nu mian onyi'nyo sumo gohung lengkat mae i suluga' anu lewa' moloboo' daka-daka', “O puji' na Tumpu! Tumpunto atina'mo na Tumpu anu momposalamat; Iamo na Tumpu anu talasanggo ka' matangkas na kuasanyo!

ANU PINOTO'I HI YOHANES 19:16

I juba'-Nyo ka' i pa'anyo tuli-tulis na sanggo sumo uuka, “Tomundo nu tomundo iwi-iwi', ka' Tumpu nu tuan iwi-iwi'.”

ANU PINOTO'I HI YOHANES 19:6

Lapas aijo' aku nohongomo apa-apaa sumo potatae nu anu sanggombu na mian da'isan hondo; lewo'nyo sumo bokon anu mingkalulun ka' sumo gohung poli-polintup. Ku hongo aha notatae, “O puji' na Tumpu! Kalana Tumpu, Tumpunto anu Matangkas na kuasanyo aijo' tempo' uuka nompalentahmo!

ANU PINOTO'I HI YOHANES 7:12

Aha notatae, “Amin! O puji' na Tumpunto anu talasanggo ka' anu pande hondo. Ia patut saja' otaloakon talima kase, ka' o'adati. Ia matangkas na kuasanyo ka' mahoson sampe toka sidu-sidutu'! Amin.”