1 TIMOTIUS 1:13 - KITAB NU TUMPU ALLA LELE MA'IMAI'

¹³ mau mule' u'utu mae aku bapitana' ka' mongkabisa'i, ka' mule' mongalu Ia. Panyo Tumpu nongkalibosimo aku, kalana tempo'nyo aitu aku ma'isa pinalesaya, jadi madi' kusumbu' apaa na anu binaungkumo.

1 TIMOTIUS 1:13 ပူးပေါင်းရင်းမြစ်များ

HOSEA 2:23

Ku bauje na mian-Ku anu palesayamo da tumuu'mo sanang, ka' tataapmo ilipu' nu aha. Kona hi aha anu osanggohi ‘Anu Madi' Okalibosi’ ku potoaje saba aha Kukalibosi ahi', ka' hi aha anu osanggohi ‘Misa' mian-Ku anu palesayamo’ Ku taloakonje, ‘Belemiu mian-Ku anu palesayamo’. Aha montaamije sumo uuka, ‘Beleyumo na Tumpu mami!’ ”

IMAMAT 13:16

Panyo de kumahut aijo' na'alinmo ka' po'ule' mule' mopute', mian aijo' tionyo ahi' mangadap hi imam

NOMBILANGMO 15:30

Panyo de aha mian Israel kabai mian anu lengkat mae i salipu'an ototonggolakonmo na mombau dosa' ia monteemo Tumpu. Mian aijo' tionyo ahi' o hukumo mate,

LUKAS 12:47

Posaihon anu monsumbu' pongka'oho' nu tuannyo, panyo madi' mosadia ka' madi' mombau kahanda' nu tuannyo aijo', o doke maho-mahoson.

LUKAS 23:34

Lantas i Yesus binalado'a, “Tuuma, ampuniakon na aha! Madi' sinumbu' nu aha pa' apaa na anu binau nu aha.”

SISIKON NU TO RASUL-RASUL 22:4

Aku nongkabisa'i sampe i nate na anu saja' mombatuki ajalan bu'ou aijo'. Aha iwi-iwi' mo'ane mau pe'e boune, i hakopku ka' pinosoopku i uno nu talungku'.

SISIKON NU TO RASUL-RASUL 3:17

To Utu-utus! Uuka sinumbu'kumo saba' apaa na anu binaumo miu ka' to pola-polaya' miu mongkona i Yesus, aijo' binaumo miu kalana komiu madi' monsumbu' apaa na anu hau-haunyo binaumo miu.

SISIKON NU TO RASUL-RASUL 8:3

Panyo i Saulus saja'mo binala usaha mongkabisa'i jama'at. Ia namba lengkat i sa'angu' na laigan mokiijo' i laigan sa'angu' ka' mohela' monsabatakon to mia-mian palesaya, lantas momposoop aha i uno nu talungku'.

SISIKON NU TO RASUL-RASUL 9:1

Hau-haunyo i Saulus saja'mo mongkahanda'i mompatei anu saja' mombatuki Tumpu Yesus. Ia namba hi imam daka',

SISIKON NU TO RASUL-RASUL 9:13

Tinaaman i Ananias, “Kita Tumpu, aku nohongomo da'isan na mian notatae mongkona mian aiya, anu talalo hondo binaunyo, hahan lewa' mongkabisa'i mian anu palesayamo hi Kita Tumpu kiijo' i Yerusalem.

SISIKON NU TO RASUL-RASUL 9:5

“Ihe na Kita Tuan?” pinokilawa i Saulus. Lewo' aijo' nontaami, “Akumo na i Yesus, anu osakisa nu beleyum.

1 KORINTUS 15:9

Aku te Rasul nu Tumpu anu talalo i aluknyo. Aku misa' konanyo na osanggohi rasul, kalana aku nonsakisamo jama'at nu Tumpu.

1 KORINTUS 7:25

Uuka aiya mongkona to mia-mian anu ma'isa no'osoa. Mongkona han aijo', aku madi' nontalima palentah apa-apaa lengkat mae hi Tumpu. Panyo sumo mian anu kalana balakat nu Tumpu, patut opalesaya, aku mongka'oho' mombee'i pokinde'ku.

GALATIA 1:13

Tantu komiu nohongomo mongkona kantumuu'anku u'utu mae salaku mian anu montoongi agama Yahudi. Komiu nonsumbu'mo mosia na kosigonyo na aku nongkabisa'i jama'at nu Tumpu ka' mosia na kobaaninyo na aku nompagala nombahangusa'i aha.

FILIPI 3:6

Aku binaani hondo, sahingga aku nonsakisa jama'at. De o'ala i atulan nu agama Yahudi, aku mian anu ma'ima', anu madi' ko kasala'annyo.

1 TIMOTIUS 1:16

Panyo ola mule' ahi' kalana aijo' sahingga Tumpu nongkalibosimo aku, da i Kristus Yesus timbali mompotoa iwi-iwi' na kasabalannyo hi belengku, mian anu talalo baladosa' aiya. Ka' aiyamo na timbali sa'angu' na sonto' hi iwi-iwi' na mian anu saidi' mae palesaya hi Ia da mohumpak kantumuu'an anu ma'ima' ka' sampe toka sidu-sidutu'.

IBRANI 4:16

Kalana aijo' imbo' na kita babaani na mangadap hi Tumpu Allah anu ma'ima' hondo na mompalentah. Tumpu mongkalibosije kita ka' mombalakati kita da kita nu tulungi de tokamo na tempo'nyo anu tinantukanmo.

1 PETRUS 2:10

Naipuan mae belemiu misa' mian anu pinalesayamo hi Tumpu, panyo uuka aiya belemiu mian anu pinalesayamo hi Tumpu. Naipuan mae belemiu madi' okalibosi nu Tumpu, panyo uuka aiya belemiu montalimamo pongkalibosi-Nyo.