1 TESALONIKA 5:6 - KITAB NU TUMPU ALLA LELE MA'IMAI'

⁶ Kalana aijo' kita madi' timbali sahoyo-hoyotnyomo sumo mian sangga'at. Kita tionyo basadia ka' pikilanto tionyo matantu.

1 TESALONIKA 5:6 ပူးပေါင်းရင်းမြစ်များ

AMSAL 19:15

Ola saja' moluluk monsaduakon da mian hoyot bobogon, ka' ahennyo mae anu moluluk mo'ohopmo.

YESAYA 56:10

Koonyo nu Tumpu, “To pola-polaya' nu bansang-Ku atina'mo na to mia-mian anu mapisok! Aha madi' monsumbu' apa-apaa. Aha susumo dedeng anu momo' anu madi' mohu'akon panyo ola ahi' hoyot ka' mongipi. Sanang hondo na aha hoyot!

YUNUS 1:6

Tempo'nyo kapiten nu kapan aijo' nintatau' nintatau sasu akaong i lunasa'nyo tinoanyomo na i Yunus hau-haunyo hoyot. Lantas ia notataemo, “Tetimbali tohoyot na beleyum i unonu han anu sumo aiya? Dongan pobula! Balado'a hi pilogot nu beleyum ka' momoita tulung. Ihe na monsumbu', Ia mongkalibosi mae kita, sahingga kita madi' silaka.”

MATIUS 13:25

Daagi' kino sampahuan, salatan iwi-iwi' na mian ihoyotmo sampobali' nu topo ale' aijo' tinoka nonsau bine' nu padang i totonga' nu gandum aijo', ka' ia namba.

MATIUS 24:42

Jadi, obala'ingati, kalana komiu madi' monsumbu' hipian na Tumpu miu toka.

MATIUS 25:13

Lantas i Yesus nompopupus kantuang-Nyo sumo uuka: “Kalana aijo' balajaga-jagamo, sabab komiu madi' monsumbu' sinaanyo kabai jamnyo.”

MATIUS 25:5

Boting mo'ane aijo' madi' sampa' tinoka, jadi to lalangkoyang haha aijo' mulaimo natatundu' ka' tinohoyotmo.

MATIUS 26:38

Ia notatae hi anu saja' mombatuki Ia, “Kinyonyoang-Ku molibos hondo, Ku oa'i sumo sahanyo matemo. Jojoongmo na komiu i aiya, ka' bajaga-jagamo tiba Aku.”

MARKUS 13:37

Apaa na anu Ku taloakon aiya hi komiu, Ku taloakon suele hi iwi-iwi' na mian: balajaga-jagamo!”

LUKAS 12:37

Palias na ko untungnyo na to posa-posaihon anu tinokan hau-haunyo montanda'i tuannyo toka. Palesayamo: Tuan aijo' nosadia'imo, ka' nompokaumo posaihon haha aijo' sumuhang, lantas ia mombee'imo apaa na anu palalu hi aha.

LUKAS 12:39

O inau' na aiya! De nusumbu' nu tumpu nu bonua jam sangkuka na anu mombuling toka, nu jagaimo da anu mombuling toka madi' minsoop i uno nu laigannyo.

LUKAS 21:36

Saja' bajaga-jaga ka' balado'a, da komiu mahoson na mongahopi iwi-iwi' na anu saidi' mae timbali, ka' komiu moko ala mangadap hi Anak nu Mian.”

LUKAS 22:46

Lantas Ia notatae hi aha, “Kadaka' komiu hoyot? Bulamo ka' balado'a da boli komiu nukona nu ponsobai.”

SISIKON NU TO RASUL-RASUL 20:31

Kalana aijo' o bala'ingati! Inau' sabab totolu' na taun na kino pinnyo nonjujuhakon lolu', sinaa pihi aku madi' toho' milawe na mongajan komiu toto samian.

1 KORINTUS 15:34

Sinumbu'mo uuka aiya, ka' bolimo mombau dosa'. Sabenannyo pa'a-pa'ambangmo ahi' na komiu, kalana itina' hi komiu daagi' ko anu ma'isa nonsumbu' Tumpu.

1 KORINTUS 16:13

O jaga mae ahi' na komiu ka' opohoson na kapalesaya'an i uno nu kantumuu'an salaku mian Kristen. Obau babaani ka' boli mabuhuk na palesaya.

EFESUS 2:3

Naipuan mae kita iwi-iwi' suele pokakanamo tiba aha; kita tumuu' nombatukimo tabiat nu mian ka' nombaumo apaa na anu moko sanang butong ka' pikilanto. Tempo'nyo aitu kita singkona to mia-mian anu tinambuha'anmo nu Tumpu. Pokakanamo sumo to mia-mian sangga'at.

EFESUS 5:14

Kalana iwi-iwi' anu manasamo na otoa, aijo' majingka. Mokonyo aijo' tinaloakonmo, “Hee pobulamo na beleyum anu hoyot, ka' anu sinilakamo, po'ule'mo tumuu'! I Kristus monjingkaimo beleyum.”

EFESUS 6:18

Bau na iwi-iwi' aijo' ka' balado'a salaku pompoita tulung hi Tumpu. Iwi-iwi' na kasampatan tionyo balado'a susumo anu pinotiju'mo nu Roh nu Tumpu hi komiu. Tionyo ahi' komiu saja' mogogau' ka' boli mangaku matundu'mo. Saja' odo'akon na mian iwi-iwi' anu palesayamo hi Tumpu.

FILIPI 4:5

Opai-pai lio da iwi-iwi' na mian montoa kalakuan ka' kinyonyoa miu manonong. Kalana madi'mo daagi' pin na Tumpu tokamo.

KOLOSE 4:2

Tionyo ahi' komiu saja' tapakun na balado'a ka' saja' sadia ka' montalima kase hi Tumpu.

1 TESALONIKA 4:13

To Utu-utus, okahanda'i mami na komiu da monsumbu' anu sahondo-hondonyo kona hi aha to mia-mian anu sinilakamo; da komiu boli susa' na kinyonyoa sumo to mia-mian sangga'at anu madi' ko anu otaha'imani.

1 TESALONIKA 5:10

Ia sinilaka kalana kita, da de Ia mompo'ule'mo toka – pa' kita daagi' tutuu', pa' kita sinilakamo – kita timbali tumuu' hingga-hinggat tiba Ia.

1 TESALONIKA 5:8

Panyo kita aiya to mia-mian anu pinosoopmo i sinaa anu majingka; kalana aijo' pikilanto tionyo matantu. Kita tionyo tataap palesaya hi Tumpu ka' mongkalibosi to mia-mian sangga'at tiba taha'iman ahi' totu-totu'u saba' Tumpu momposalamatmo kita. Aijo'mo na toongon anu monjagai kita i uno nu usaha mongewa ka'idekan.

1 TIMOTIUS 2:15

Mau mule' sumo aijo', boune salamat na mohampeakon anak, asan ia ta'aluk na kinyonyoa tataap palesaya hi Kristus ka' tataap mongkalibosi mian sangga'at ka' tumuu' samata-mata kalana kapentingan nu Tumpu.

1 TIMOTIUS 2:9

Tionyo ahi' to bou-boune mompakei butongnyo babaanggan, ka' mompake pakean anu ma'ima' na otoa. Boli mompake potongan nu ubak ogunting anu talalo okabangangi kabai mai-mainan mosoni', kabai mutiara, kabai pakean anu to maha-mahan.

1 TIMOTIUS 3:11

Bengkele' nu aha suele tionyo ahi' mian anu tobos, misa' mian anu mongka'ima'i lewa' mombebakon sisik anu madi' totu'u. Aha tionyo monsumbu' boli mahasisikon ka' jujun i uno nu han iwi-iwi'.

1 TIMOTIUS 3:2

Samian na anu montoongi jama'at tionyo ahi' mian anu madi' ko kasala'annyo, ola sa'angu' na bengkele'nyo, monsumbu' sabaan, pande ka' anu montoongi atulan; ia mongka'ima'i montalima mian i laigannyo, ka' timbali mongajan mian,

2 TIMOTIUS 4:5

Maumo sumo aitu beleyum tionyo mongkuasai posi butongum i uno nu ka'ada'an maumo pa' mosia. Sabaalakon na kasansala'an, baumo na kalajaum salaku anu mompolele Lele Ma'ima' aijo', ka' opojalan ma'i-ma'ima' na kalajaum salaku mian monjalanakon palentah nu Tumpu.

TITUS 2:12

Balakat nu Tumpu aijo' mompogulu' kita da madi'mo daagi' kita tumuu' mompaha sala' tiba pongka'oho' nu Tumpu ka' madi'mo montuluti anu nu ka'ima'i nu dunia. Kita pinogulu' da tumuu' i uno nu dunia aiya, da monsumbu' boli sampa tagoda nu apa-apaa, jujun ka' tulu-tulutan hi Tumpu.

TITUS 2:6

Sumo aitu mule', pokinde'i na to oli-olitau da aha timbali sinsumbu'.

1 PETRUS 1:13

Kalana aitu, tionyo ahi' komiu saja' mosadia. Bajaga-jaga ka' otaha'imani ahi' totu-totu'u na balakat anu obee'je mae hi beleyum de i Yesus Kristus po'ule'mo toka saidi' mae.

1 PETRUS 4:7

Iwi-iwi na apaa mongahopi ka'ahenannyo, mokonyo aijo' okuasai ahi' na butong miu ka' balajaga-jaga, da belemiu moko ala timbali balado'a.

1 PETRUS 5:8

Balajaga-jaga ahi' na komiu ka' mosadia! Kalana Ibilis atina'mo na sampo bali' miu. Ia sumo singa lumajang mokiijo', mo'uuka, ka' molohuu' molio kaanonnyo.

ANU PINOTO'I HI YOHANES 16:15

“Potombihing mae! Aku toka mae sumo anu montomang! Mohumpak ka'ima'an na mian anu tataap mosadia ka' monjaga baju'nyo, sahingga ia madi' langgo' na lumajang, ka' ma'ambangmo i ahop nu mian da'isan!”

ANU PINOTO'I HI YOHANES 3:2

Kalana aijo', pobulamo ka' opohoson apaa na anu daagi' hi belemiu, da ma'isa pe'e aijo' mate totu-totu'u. Kalana i humpakumo apaa na anu binaumo miu, sa'angu' pe'e ma'isa ko anu na'ima' i ahop nu Tumpu.