1 TESALONIKA 5:4 - KITAB NU TUMPU ALLA LELE MA'IMAI'

⁴ Panyo komiu misa' mian anu tumuu' i uno nu pintung, sahingga sinaa aijo' mompotolokengkeng komiu sumo katokaan nu anu mombuling.

1 TESALONIKA 5:4 ပူးပေါင်းရင်းမြစ်များ

YEREMIA 42:16

“Pahampatean ka' kasusa'an i anu okaan oka-okabuhuk nu belemiu mololoi'mo belemiu toka-toka i Mesir ka' mule' belemiu silakamo ilipu' kiijo' mae.

HOSEA 10:9

Tumpu notatae, “Salatan kinokajadianmo kiijo' i Gilgal mian nu Israel madi'mo ahi' nontibahakon palabuatan dosa' ka' pinanggagamo hi belengku. Mokonyo aijo', kiijo' mae suele i Gibea aha nu pahampateakonmo nu bansa sangga'at.

ZAKHARIA 1:6

Aha to nabi-nabi posaihon-Ku haha aijo' pinoto'ing-Kumo na to pale-palentang-Ku ka' mule' to poki-pokinde'-Ku da opoto'i hi mompolee' nu belemiu. Panyo aha madi' nompajuli sahingga aha tionyo ahi' montanggung apaa na anu jadi saidi' mae imihinyo. Lantas aha nompele-pele'mo ka' mule' nongakuimo tukoonyo nu aha Akumo na Tumpu Anu Daka' na Kuasanyo mohukumo aha sitimbang tiba kasala'an nu aha ka' susumo ahi' anu tinantukan-Kumo.”

MATIUS 10:15

O inau'! I Sinaa Kakiamatan, to mia-mian nu Kota' Sodom ka' Gomora lebe dengke na o ampuni nu Tumpu, ka' de mule' to mia-mian nu kota' aijo'!”

LUKAS 21:34

“Ojagai na butongum, boli komiu talalo mongka'ima'i mombau bau-bauon ka' lewa' monginum inumon anu moko langu, kabai talalo mompotutugakon kapalaluan nu kantumuu'anum, sahingga komiu madi' mosadia sampe toka sinaanyo aijo' anu nu potolokengkeng mae.

SISIKON NU TO RASUL-RASUL 26:18

da aha mosabat lengkat i kapintungan ka' minsoop i uno nu jingka; da aha molapas i ponggodaan nu Ibilis, lantas nu kuasaimo nu Tumpu. Kalana palesaya hi beleng-Ku to dosa-dosa' nu aha o ampunimo ka' aha timbalimo mian anu palesayamo hi Tumpu, anu pinile'anmo na aha.’ ”

PO'ULE' INGULIT 28:15

“Panyo de belemiu madi' montuluti Tumpu Allah nu belemiu, ka' madi' mombau ima-ima' palentah iwi-iwi' ka' atulan-Nyo anu ku bee'mo hi belemiu sinaa aiya, saba' iwi-iwi' na kutuk aiya opokonamo hi belemiu:

PO'ULE' INGULIT 28:45

Iwi-iwi' na balaa' aijo' montuda'imo belemiu ka' saja'mo mongkabisa'i belemiu sahingga belemiu silakamo, kalana belemiu madi'mo nontuluti Tumpu Allah nu belemiu ka' madi'mo nombau apaa na koonyo nu atulan-Nyo, anu binee'-Nyomo hi belemiu.

KOLOSE 1:13

Ia nolapasakonmo kita i kuasa nu kapintungan ka' nolalinmo i uno nu kalaja'an nu Anak-Nyo anu Nu kalibosi.

1 TESALONIKA 5:2

Kalana posi komiu monsumbu'mo totu-totu'u te Sinaa Katokaan nu Tumpu aijo', toka sumo anu buling toka pihi.

2 PETRUS 3:10

Panyo Sinaa katokaan nu Tumpu, toka sumo mian tomang. I Sinaa aijo', langit ma'idekmo sahingga lewa'mo poli-polintup sumo gohung, ka' to apa-apaa aita' i langit mingkotmo motoyo', ka' tano' tiba iwi-iwi na anu i unonyo ma'idekmo.

1 YOHANES 2:8

Mau mule' sumo aijo', palentah anu tinuliskumo aiya suele ahi' sala'je, kalana katotu'uannyo timbalimo otoa hi butong i Kristus ka' hi butong miu. Kalana kapintungan ko lapu-lapusnyomo ka' jingka anu totu'u momtampu'unimo majingka.

ANU PINOTO'I HI YOHANES 16:15

“Potombihing mae! Aku toka mae sumo anu montomang! Mohumpak ka'ima'an na mian anu tataap mosadia ka' monjaga baju'nyo, sahingga ia madi' langgo' na lumajang, ka' ma'ambangmo i ahop nu mian da'isan!”

ANU PINOTO'I HI YOHANES 3:3

Jadi, po'ule' o inau' apaa na anu ingajanakonmo hi belemiu u'utu mae, ka' apaa na anu i hongomo miu. Pojalanmo na aijo' ka' balatobatmo i to dosa-dosa' miu. De belemiu madi' mobula, Akuje na toka hi belemiu sumo anu montomang; ka' madi' osumbu' miu hipian na tempo'nyo Aku tokamo mae.