1 TESALONIKA 5:3 - KITAB NU TUMPU ALLA LELE MA'IMAI'

³ De mian motatae, “Iwi-iwi' aman ka' madi' ko anu mombau hengge',” sahingga aitumo na tempo'nyo anu madi' osumbu-sumbu' nu aha, nutokaimo nu bala, ka' madi' ko samian pe'e na anu moko popalai. Han aijo' toka madi' osumbu-sumbu', sumo mongoa'i sakit monganak kona hi samian na boune anu mompohampemo.

1 TESALONIKA 5:3 ပူးပေါင်းရင်းမြစ်များ

AYUB 15:21

Onyi' anu okabuhuk hondo momposiingmo bihingnyo; de madi'mo ko anu lewa' o'inau' na apa-apaa an mompopobuhuk, tololang tokamo mae montongkali.

AYUB 24:23

Tumpu Allah nombee'imo ia kantumuu'an anu ma'ima', panyo sabole-bole saja' nu potomatakon.

MAZMUR 35:8

Sahanyo aha nu tokai mae nu kasilaka'an anu madi' osangka-sangka. Sahanyo aha ohakop nu posi so'o nu aha lantas tombahangkangmo ka' silakamo.

MAZMUR 48:6

Panyo salatan nontoamo puge'nyo aijo' aha binangangmo; aha kinalangkabutmo ka' nalaimo kalana biningongmo.

MAZMUR 55:15

U'utu mae kita mompaha kanaya paing kali-kalibosian, ka' timbali monsombah Tumpu hingga-hinggat i Laigan nu Tumpu.

MAZMUR 69:22

Pakalaus mule' aku pinokanaannyomo mae nu aha lasung; salatan inegotmo aku binee'annyomo mae suka da o'inum.

AMSAL 29:1

Ihe na ola saja' monggagakon de opokinde'i, toka na tempo'nyo timbali hansun ka' madi' daagi' opoko ala opokopiani.

YESAYA 20:6

Tempo'nyo aijo' aha to mia-mian anu jojoong ibiwi nu ambai motataemo, ‘Soab toa apaa na anu jinadimo hi bansa anu ota-otakabunakonto monjagai mae kita da madi' nu poposia mae i tomundo' nu Asyur. Iyamule' na kita daagi' salamat?’ ”

YESAYA 29:5

Panyo iwi-iwi' na mian anu lengkat mae isalipu'an ka' talalo buhingison aijo' saidi' mae madi'mo daagi' otoa susumo abu' kabai ota' anu nu puhimo nu mombun. Anu saintotolo ahi' tobungmo mae ka' anu madi' osangka-sangka.

YESAYA 30:13

Kalana aijo' belemiu sinala'mo. Belemiu sumomo ahi' pagan mesen tangka-tangkas anu noleetmo lengkat mae aita' toka-toka akaong i aluknyo; monti-montiik ahi' belemiu motuamo.

YESAYA 47:11

Panyo beleyum nu tokaimo mae nu balaa', ilimu' ponsumbu'an nu beleyum madi' moko ala mompoluput beleyum. Beleyum saidi' mae nu tokaimo mae nu kasilaka'an, ka' madi' ahi' opoko ala opimpali nu beleyum. Balaa' aijo' monti-montiik ahi' tokamo mae ka' madi' pinoko ala sinangka-sangka nu beleyum na han aijo' pa' jadimo mae.

YESAYA 47:9

Panyo ola sasaingoni' i uno nu sansinaa, ohu-ohua' na han aijo' monsainjadi-jadimo hingga-hinggat. Maunyomo ahi' beleyum mompakemo ponsumbu'an tiba do'a-do'a, langkai' nu beleyum tiba anak nu beleyum ohahumbitakonmo ahi' hoso-hoson.

YESAYA 56:12

Anu topo palangu haha aijo' notatae, ‘Imbo' da kita monginum anggur ka' monginum sampe ma'osa! Dodop na lebe' mule' ma'ima' nulingkudui na sinaa uuka aiya!’ ”

YEREMIA 13:21

Daagi' apaa na anu otaloakon nu belemiu, de to mia-mian anu binaumo nu belemiu salaku sangalu nu belemiu, mompatundu'mo ka' mongkuasaimo belemiu? Memang belemiu mongoa'imo sakit susumo boune anu mohampeakon anak.

YEREMIA 14:19

O Tumpu, pa' memang Yehuda madi'mo tinalima nu Belento tiba mian anu jojoong i Sion kina'idekanmo nu Belento? Kadaka' talalomo nahoson na Belento nondoke mae kami sahingga kami madi'mo daagi' ma'alin? Ola palasuma na kami molio kadamean madi' kokaliangannyo na kami montaha'imani da ma'alin, kalana anu daagi' olanyomo ahi' kasinggian.

YEREMIA 22:23

Belemiu jojoong madi' ko anu mompoposia nu tikubi nu ohii' kau' lontio' lengkat mae i Libanon, panyo saidi' mae de belemiu nu tokaimo mae nu kasusa'an belemiu mongoa'imo kasansala'an susumo boune anu kahanda'mo monganak.”

YEREMIA 4:31

Ihongongkumo na mongkadede'akon sumomo boune anu kahanda'mo monganak; sumomo langkoyang anu ai-aituje na monganak, sumo aijo'mo na haang nu Yerusalem anu binusokmo na mingkinyonyoa. Limanyo maha kaweanmo ka' ia mompele-pele'mo, “Silakamo na aku – aku nu pateimo nu sampobali'!”

YEREMIA 6:14

Bela nu mian anu palesayamo hi beleng-Ku nu anggap nu aha ola bela ise-ise'. ‘Ah, madi' mongkuka,’ aha notatae, ‘iwi-iwi' ma'ima' ka' madi' ko apa-apaanyo.’ Pada han madi' ahi' hondo-hondo sumo aijo'.

YEREMIA 6:24

Nohongo lele aijo', anu jojoong i Yerusalem madi'mo daagi' noko ala nombau apa-apaa. Aha tinokanmo nu buhuk ka' nongoa'imo sansala susumo boune anu kahanda'mo mompohampe anak.

YEREMIA 8:11

Bela nu mian anu palesayamo hi beleng-Ku nu anggap nu aha ola bela ise-ise'. ‘Ah madi' mule' mongkuka,’ aha notatae, ‘iwi-iwi' ma'ima' ka' madi' ko anu mompoposia'.’ Padahan madi' ahi' sumo aijo'.

YEHEZKIEL 13:10

O, to nabi-nabi anu madi' totu'u! Belemiu nomposala'mo jalan nu mian anu palesayamo hi beleng-Ku kalana nontaloakonmo koonyo nu belemiu iwi-iwi' madi'mo momosia ka' na'ima'mo. Padahan imadi' ahi! Mian anu palesayamo hi beleng-Ku nombaumo pagan mesen madi' nahoson na nompokona batu, lapas aijo' belemiu tinokamo nonset nu tiilon.

HOSEA 13:13

Israel daagi ko kasampatan na tumuu' panyo aha talalo hondo ponga', sahingga madi' monggunakon kasampatan aijo'. Ia sumomo bunga mea' anu sasaidi' uuka hampemo, panyo madi' mongka oho' mosabat mae aijo' i ma'alum nu tinanyo.

NAHUM 1:10

Beleyum opapuimo susumo hat anu nanggasmo, susumo kuhat anu ko hii'nyo anu ningkalekotmo.

MATIUS 23:33

Komiu ma'idek ka' lee' nu mian ma'idek! Mosia na komiu timbali momposalamat butong i hukuman nu nalaka?

YOHANES 16:21

De samian na boune ohanimo na mohampeakon, ia susa' kalana tempo'nyomo na ia mongoa'i sansala. Panyo salatan anaknyo i hampemo, nukolilimimo nu boune aijo' na sansala anu ingoa'annyo, kalana lame' samian na bungamea' i hampemo i dunia.

SISIKON NU TO RASUL-RASUL 13:41

‘Palahatikan ima-ima', na komiu to mia-mian anu mongka'ima'i motatae anu moko kulang! Komiu bangang, lantas mate! Kalana tempo' uuka Aku hau-haunyo mombau apa-apaa anu madi' o palesaya miu, maupe'e daagi' ko mian anu monsisikakon hi komiu.’ ”

PO'ULE' INGULIT 29:19

Atina' hi belemiu anu nohongomo palentah anu maboat susumo aijo' boli ko anu bapikin tukoonyo sisi'nyo saja'mo na'ima' mau ia sabole-bole ahi' mombatuki posi pongka'oho'nyo. Han aijo' mongideimo belemiu iwi-iwi', to mia-mian anu ma'idek ka' mule' anu ma'ima'.

2 TESALONIKA 1:9

Mian haha aijo' montalimamo hukuman kapatean anu sampe toka sidu-sidutu', nu alinmo nu Tumpu i sambiha'nyo ka' nusabatakonmo i kuasa-Nyo anu talasanggo;

IBRANI 12:23

Komiu mongatuhimo tampat kasingkabotan anu lame' hondo – kasingkabotan nu to ana-anak tumpe nu Tumpu, anu tinulismo na sanggonyo i uno nu kitab kiita' i suluga'. Komiu tokamo mangadap hi Tumpu, Mian Kopian nu mian iwi-iwi'. Komiu mongahopimo to roh-roh nu to mia-mian ma'ima', anu pinotimbalimo da na'ima'mo.

IBRANI 2:3

Pakalaus mule' de kasalamatan anu lebe daka' na angga'nyo ka' anu molingkuduimo potuunon haha aijo'! De kita madi' saja' monginau' kasalamatan aijo', tantu kita madi' molapas i hukuman. Kalana Tumpu na momonanyomo nompoto'i kasalamatan aijo', ka' to mia-mian anu momonanyo nohongo nomponyata'mo anu totu'unyo hi kita.

2 PETRUS 2:4

To mala-malaikat pe'e anu baladosa' madi' nu pojohok nu Tumpu da opobebas madi' mohumpak hukuman, panyo o'alin i uno nu nalaka. Aha oposoopmo i uno nu bolo' anu pintung da opo'una' i kiijo' sampe toka i Sinaa Pomputusianmo.

TO MIA-MIAN KOPIAN 8:11

I Gideon nontusakonmo potempasan nu padang bone' i sasu kabete'an Nobah tiba Yogbeha lantas pinotolokengkengnyomo na nontumbuhi sampobali'nyo.