1 TESALONIKA 5:20 - KITAB NU TUMPU ALLA LELE MA'IMAI'

²⁰ Boli osangka dengke na lele anu binee'mo nu Roh nu Tumpu Allah.

1 TESALONIKA 5:20 ပူးပေါင်းရင်းမြစ်များ

SISIKON NU TO RASUL-RASUL 13:1

I uno nu jama'at Antiokhia, daagi' ko nabi-nabi ka' to gulu-gulu', aitumo i Barnabas ka' i Simeon, anu o sanggohi mule' Si Hitam, i Lukius lengkat mae i Kirene, i Menahem anu pinotuu' hingga-hinggat i Tomundo Herodes, ka' i Saulus.

SISIKON NU TO RASUL-RASUL 19:6

Ka' tempo'nyo i Paulus nompotiik limanyo i buan nu ubak nu aha, Roh nu Tumpu nongkuasaimo aha, lantas aha mulaimo notatae i uno nu basa-basa' anu moko bangang ka' nompotoka lele lengkat mae hi Tumpu.

1 KORINTUS 11:4

De samian na mo'ane balado'a kabai tempo'nyo monsisikakon lele lengkat hi Tumpu i ahop nu mian da'isan, okukumbungi na ubak, saba' mian aijo' mongambangi i Kristus.

1 KORINTUS 12:10

Hi samian binee'an kuasa da timbali mombau anu okabangangi, ka' hi sangga'at binee'an balakat da mompoto'iakon tanga'an-tanga'an nu Tumpu. Hi sangga'at mule' Roh aijo' nombee'i balakat da moko ala mompotantu pompahasala'annyo iya na balakat anu lengkat mae hi Roh nu Tumpu, ka' iya na misa'. Daagi' ko anu binee'an balakat da motatae nu ngangahan na basa' anu okabangangi, ka' daagi' mule' ko anu binee'an balakat da monsisikakon poso'nyo nu basa' haha aijo'.

1 KORINTUS 12:28

Sumo aitumo i uno nu jama'at, Tumpu nontantukanmo tampat hi ngangahan nu mian: Momonanyo to rasul-rasul; ko ohua'nyo to nabi-nabi, ko totolu'nyo to gulu-gulu', lantas aha anu mombau hahan anu okabangangi, lapas aijo' aha binee'anmo balakat da nompa'alin mian, kabai montulungi mian sangga'at, kabai anu mongatun, kabai mule' da basisik tiba ngangahan nu basa' anu okabangangi.

1 KORINTUS 13:2

Mau mule' aku pande na mompotokakon lele lengkat mae hi Tumpu, ka' monsumbu' iwi-iwi' ilimu', ka' monsumbu' iwi-iwi na apaa, ka' mule' talalo palesaya hi Tumpu sahingga timbali moko ala molalin bungkutnyo, panyo aku madi' mongkalibosi to mia-mian sangga'at, saba' aku madi' ko alati'nyo apa-apaa!

1 KORINTUS 13:9

Kalana anu osumbu'to tiba anu opoko ala opotoka na lele lengkat mae hi Tumpu, ma'isa talalo sukup.

1 KORINTUS 14:1

Tionyo ahi' komiu bala usaha mongkalibosi to mia-mian sangga'at. Ka' bala usaha suele da mohumpak to bala-balakat anu nubee' nu Roh nu Tumpu, ka' anu talalo hondo, da moko ala monsisikakon tanga'an-tanga'an nu Tumpu hi mian.

1 TESALONIKA 4:8

Mian anu madi' montalima pangajalan aiya misa' madi' montalima mian, panyo madi' montalima Tumpu anu nombee'imo Roh-Nyo anu susi' hi komiu.

1 YOHANES 4:1

To Utu-utus anu okanonongi! Boli palesaya hi mian iwi-iwi' anu mangaku ko Roh nu Tumpu, panyo o uji' pe'e na aha da osumbu' pa' roh anu daagi' hi aha aijo' nolengkat mae hi Tumpu Allah kabai misa'. Kalana nabi anu madi' totu'u nanjoo'mo na namba noyaya.