1 TESALONIKA 5:13 - KITAB NU TUMPU ALLA LELE MA'IMAI'

¹³ Opalahatikan ka' o'adati hondo, ka' okanonongi kalana monginau' apaa na anu binaumo nu aha. Saja' tumuu' ma'i-ma'ima' i poboboan.

1 TESALONIKA 5:13 ပူးပေါင်းရင်းမြစ်များ

KAJADIAN 45:24

Lapas aijo' ia nompolengkatmo to utu-utusnyo, ka' nompoto'i hi aha, “Boli painggaga i jalan.”

MAZMUR 133:1

Nyanyian i Daud mamba i tampat anu ko balakatnyo. Talalo hondo ma'ima' ka' sanang, de mian anu palesayamo hi Tumpu saja' tumuu' dame ka' mompaha kano-kanonongi.

MATIUS 10:40

“Mian anu montalima komiu, montalima Aku. Ka' mian anu montalima Aku, montalima Ia anu nonsai Aku.

MARKUS 9:50

Timuson aijo' ma'ima', panyo de timbalimo matawas, apaa saidi' mae timbali po'ule' opo'asing? Jadi, kukahanda'i komiu sumo timuson – tumuu'mo hingga-hinggat ka' mompaha kali-kalibosi.

YOHANES 15:17

Aiyamo na palentah-ngKu hi komiu. Pompaha kali-kalibosi samian ka' samian.”

2 KORINTUS 13:11

Ahennyo, to Utu-utus, sabole-bole ahi' komiu lame', ka' bala usaha da timbali ganap. Ala na pokinde'ku iwi-iwi'. Sabole-bole ahi' komiu momposa'angu' kinyonyoa ka' mompaha hongo-hongo. Tumpu Allah Anu talalo Mongkalibosi ka' saja' mompodame, aijo' na saja' monjagai komiu.

GALATIA 4:14

Tempo'nyo aitu komiu madi' nongkahumimi'i aku, maumo ka'ada'an nu butongku sumomo salaku bau ponsobai anu talalomo hondo hi komiu. Komiu ola ahi' nontalimamo aku sumo montalimamo malaikat nu Tumpu kabai sumo nontalimamo i Kristus Yesus.

GALATIA 5:22

Sumo aitu mule' de to mia-mian nupotiju'mo nu Roh nu Tumpu Allah, kasawe'annyo aijo'mo: Aha mompaha kali-kalibosimo, aha lame'mo, aha madi'mo lewa' mombau apa-apaa; aha sabaanmo ka' monginau' sangalu, aha mongkanonongi mian sangga'at, aha tulu-tulutan,

GALATIA 6:6

Mian anu nontalimamo pangajalan i Kristus, tionyo ahi' mobagi hi gulu'nyo apaa na anu ma'ima' iwi-iwi', anu daagi'mo hi ia.

EFESUS 4:3

O'usahakon totu-totu'u da tumuu' saja' dame, da posa'angu'an anu pinodaagi'mo nu Roh nu Tumpu tataap ma'ima'.

KOLOSE 3:15

Anu oputusi miu, tionyo ahi' anu otantukan nu dame anu binee'mo i Kristus i uno nu kinyonyoa miu. Kalana Tumpu nolagamo komiu da timbali sa'angu' na butong, da komiu tumuu' i uno nu kadamean lengkat mae hi Kristus aijo'. Komiu tionyo ahi' montalima kase.

1 TESALONIKA 5:14

Opoita mami mule' hi to Utu-utus, pokinde'i ma'i-ma'ima' na mian anu madi' mongka'oho' mokalaja; posanang na kinyonyoa nu mian anu mabuhuk; tulungi na mian anu palalu otulungi, ka' sabaan kona hi mian iwi-iwi'.

2 TESALONIKA 3:16

Tumpu pinolengkatan nu ka'ima'anto. O amalakon hi Ia da saja' mombee'i komiu ka'ima'an i uno nu iwi-iwi' na han. O amalakon da Tumpu saja' monjagai to Utu-utus iwi-iwi'.

2 TIMOTIUS 2:22

Pimpali na kasanangan nu mian anu daagi' olitau. Bala usaha da kantumuu'an mombatuki pongka'oho' nu Tumpu, tulu-tulutan i pangajalan-Nyo ka' mongkalibosi sangko mian, ka' mule' kinyonyoa sanang. Tumuu'mo sumo aijo' tiba aha anu mongkakase momoita tulung hi Tumpu i uno nu kinyonyoa anu ma'ima'.

IBRANI 12:14

Bala usaha da tumuu' simbulu tiba to mia-mian. Ka' Bala usaha mule' da tumuu' susi', na palesaya hi Tumpu. Kalana madi' ko samian pe'e na moko ala montoa Tumpu de madi' ia tumuu' sumo aijo'.

YAKOBUS 3:18

Memang ka'ima'an atina' bua' nu bine' nu dame anu sinau nu mian anu mongka'ima'i dame!