1 TESALONIKA 4:6 - KITAB NU TUMPU ALLA LELE MA'IMAI'

⁶ I uno nu han anu sumo aijo' boli ko samian na mombau kasala'an hi utusnyo kabai mongakali ia. U'utu mae kami nompo'ingatmo totu-totu'u hi komiu, kalana Tumpu mohukumo to mia-mian anu mombau kasala'an-kasala'an anu sumo aijo'.

1 TESALONIKA 4:6 ပူးပေါင်းရင်းမြစ်များ

MAZMUR 140:12

Bakas da mian anu talalomo buhingison na mompalentah nutokai mae nu balaa', boli opobee' na mian anu lewa' mompobau-bau jojoong i dunia aiya.

MAZMUR 94:1

O Tumpu, Belentomo na Tumpu anu mombalosi, potoamo mae na pombalasi nu Belento o, Tumpu.

NOSABATMO 20:15

Boli montomang.

NOSABATMO 20:17

Boli mongkamilui anu nu mian sangga'at: laigannyo, bengekele'nyo, to posa-posaihonnyo, potuu'onnyo, keledainyo, kabai mau mule' pa' apaa na anunyo.”

AMSAL 11:1

Tumpu mongka'ideki mian anu mompake timbangan anu mongakali; panyo Ia sanang hi mian anu mompake timbangan anu totu'u.

AMSAL 16:11

Tumpu mongkahanda'i mian anu madi' tageo' na kinyonyoanyo ihan badagang; ka' mule' monggunakon timbangan ka' ihan monsukat.

AMSAL 20:14

Anu mongoli saja' motusa' kalana halaga'nyo mahan. Panyo salatan ingolinyomo sanangmo na ia ihalaganyo nu balang anu ihumpaknyomo aijo'.

AMSAL 20:23

Timbangan ka' batu timbangan anu madi' totu'u madi' nu talima nu Tumpu.

AMSAL 28:24

Ihe na buling hi tu'anyonyo ka' monsangka aijo' misa' dosa', pokakana mo tiba anu lewa' mombuling sangga'at.

ANU MOMPOLELE POTATAE NU TUMPU 5:8

Ka' mule' kantumuu'an nu tomundo' suele ola montaha'imani hasin nu anu opadak.

YESAYA 5:7

Kalana ale' nu anggur nu Tumpu Anu Daka na Kuasanyo aijo'mo aha mian nu Israel, ka' aha mian nu Yehuda aijo'mo na anggur anu sisinu'an-Nyomo. Aijo'mo hi aha na pontaha'imanian-Nyo ka'adilan panyo ola mule' ahi' kabuhingison. Aha na Nu taha'imani montoongi totu-totu'u anu hondo padahan ola mule' ahi ko anu aijo' hi aha na momoita ka'adilan.

YEREMIA 7:6

Bolimo daagi' sola' monsuka-sukai mian anu lengkat mae isalipu'an, anak anu madi'mo ko tuumanyo tiba tinanyo ka' mule' to balu-balu. Boli mompatei mian anu madi' kosala'nyo ilipu' aiya. Boli monsombah to pilo-pilogot sangga'at, kalana han aijo' saidi' mae monsilakaimo belemiu.

YEREMIA 9:4

Maumo ahi' sangalu, panyo batu-batu mian na saja' ahi' balajaga-jaga ka' mau mule' utus sa'a-sa'angu' na ma'alum madi'mo timbali opalesaya. Kalana, susumo i Yakub sumo aijo'mo na aha, toto samian nongakalimo utusnyo. Batu-batu mian mambamo iyaya mae da sola' monsisik pitana' hi mian ka' sola' baleko'.

YEHEZKIEL 22:13

Panyo uuka aiya Ku pateimo na to tolo-tololang tiba anu saja' mompatei.

IMAMAT 19:11

Boli mombuling, mongakali kabai baleko'.

IMAMAT 19:13

Boli mongala anu nu sangalu nu belemiu, kabai mongagoi balangnyo. Tambonyo nu mian anu mokalaja hi belemiu sabole-bole ahi' obee' nu belemiu, boli montahan mau ola sampahu.

IMAMAT 25:14

Jadi de belemiu mompobaluk tano' hi bubu' belemiu mian Israel, kabai mongoli tano' hi ia, boli mompaha poba-pobaluki padahan kinyonyoanyo tageo'.

IMAMAT 25:17

Boli mongakali bubu' belemiu mian nu Israel, panyo tionyo ahi' belemiu mabuhuk hi Tumpu, Tumpu Allah nu belemiu.

MIKHA 2:2

De aha mongka'ima'imo sa'angu' na ale' nu mian nu agoimo nu aha. De aha mongka'ima'imo sa'angu' na laigan nu mian nu alamo nu aha. Mau halata' mau pe'e poto'utusan madi'mo ko anu mompaha kona.

ZEFANYA 3:1

Kinutukanmo na Yerusalem kota' anu palaganta anu saja' motomuhuk hi Tumpu ka' anu saja' nomposansala mian anu jojoong ikiijo'!

ZEFANYA 3:5

Panyo Tumpu daagi kiijo' i kota' aijo'; Ia saja' mombau anu mingkona ka' madi' toho' sala'. De subu-subumo Ia mombee'imo ka'adilan hi mian-Nyo anu pinalesayamo. Panyo mian anu madi' monsumbu' ka'adilan i kota' aijo' tataap mombau anu ma'idek madi'mo monsumbu' ambang.

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

MARKUS 10:19

Beleyum nonsumbu'mo palentah-palentah nu Tumpu, ‘Boli mompatei, boli masala', boli montomang, boli bau sakisi baleko', boli mongakali, adati na tuuma tinaum.’ ”

LUKAS 12:5

Sahanyo Ku potiju' hi belemiu ihe na tionyo okabuhuk miu. Pabuhuk hi Tumpu! Kalana nu poko patei, Ia ko kuasa mule' mongalin i uno nu nalaka! Palesayamo, Ia na anu tionyo okabuhuk miu.

LUKAS 16:28

Daagi' olima' na utusku i kiijo' mae. Saiakon na i Lazarus mompokinde'i aha, da boli sampe aha mule' manabu' i tampat kasansala'an sumo aiya.’

ROMA 1:18

Lengkat mae i suluga' Tumpu nompotoamo tambuha'-Nyo hi iwi-iwi' na dosa' tiba ka'idekan nu mian, kalana ka'idekan mongompo' mian da madi' monsumbu' pokinde' anu totu'u mongkona Tumpu.

ROMA 12:19

To Utu-utusku! Boli hondo-hondo mombalosi ka'idekan, bakas da Tumpuje na mohukum. Kalana i uno nu Kitab nu Tumpu tinulismo, “Akuje na mombalosi. Akuje na mohukum na koonyo nu Tumpu.”

ROMA 13:4

Kalana pamalentah posaihon nu Tumpu anu mokalaja bau ka'ima'an. Panyo de kita Utus mombau anu ma'idek, memang kita Utus tionyo mabuhuk hi ia, kalana madi' ola palasuma na ia ko kuasa mohukum mian. Ia posaihon nu Tumpu anu monabu'akon hukuman nu Tumpu hi to mia-mian anu mombau anu ma'idek.

2 KORINTUS 7:11

Soba po'inau'akon miu apaa na hasinnyo hi komiu nu kalibosan anu mo'imboa kahanda' nu Tumpu! Hasinnyo aijo'mo komiu totu-totu'u bala usaha da mompokopiani anu ma'idek! Komiu mongka'idekimo dosa', komiu mabuhukmo, komiu molibosmo, komiu timbalimo bikas, komiu halala'mo na mohukum anu ko sala'nyo! I uno nu iwi-iwi' na han aiya komiu mompotoamo saba' komiu madi' ko sala'nyo.

GALATIA 5:21

ka' madi' sanang hi samian, saja' malangu, saja' mombau bau-bauon, ka' sangga-sangga'atnyo. Mongkona iwi-iwi' aijo' ku pokinde'i na komiu uuka aiya susumo aku nompokinde'imo komiu u'utu mae, tukoongku to mia-mian anu nombaumo hahan anu sumo aijo', madi'mo timbali oposoop mian anu palesayamo hi Tumpu.

EFESUS 4:17

Mokonyo aijo' tiba sanggo nu Tumpu, aiyamo na anu ka'oho' kutaloakon ka' kupokeman: bolimo daagi' tumuu' sumo to mia-mian anu madi' monsumbu' Tumpu, ka' mompopikilakon anu madi' mingkaliangan.

EFESUS 4:28

Mian anu biasa mombuling, bolimo daagi' ia mombuling. Sahanyo ia mokalaja keke-keke, da hasin nu kalajanyo ia mohumpak kaanon ka' timbali montulungi anu kakulangan.

EFESUS 5:6

Boli komiu nu akali nu to sisi-sisik anu madi' mimbatu. Kalana anu hahan aijo'mo na monsaduakon Tumpu montambuha'i to mia-mian anu madi' tulu-tulutan hi Ia.

PO'ULE' INGULIT 24:7

Mian anu mohakop bubuu' bansanyo ka' opalaihakonmo ka' opotimbalimo na ia susumo posaihon kabai mompobalukmo ia, tionyo ahi' o hukum mate. Tiba jalan anu sumo aijo' belemiu ko usahamo da bolimo ko anu ma'idek susumo aijo'.

PO'ULE' INGULIT 32:35

Tumpuje na mombalosakon ka' mohukum aha, madi'mo pin aha osilakaimo; aha osilakai madi'mo pin na tempo'nyo.

1 TESALONIKA 2:11

Komiu monsumbu' saba' kami mombau apa-apaa hi komiu sumomo samian na tuuma kona hi to ana-anaknyo.

2 TESALONIKA 1:8

ka' ko apunyo anu balea-leak. Ia mintau' da mohukum to mia-mian anu madi' mompajuli Tumpu, ka' anu madi' ka'oho' tumuu' sosok tiba Lele Ma'ima' mongkona i Yesus Tumpunto.

IBRANI 13:4

Iwi-iwi' na mian tionyo ahi' mompotoa kalakuan mongadati po'osoan, mokonyo aijo' tionyo ahi' mo'ane bengkele' mompaha hongo-hongo samian ka' samian. Mian anu mombau anu mahenyu ka' mian anu masala' nu putusije nu Tumpu.

IBRANI 2:6

Panyo mule', i sa'angu' na bahagian i uno nu Kitab nu Tumpu Allah tinulismo sumo uuka, “Mian aijo' apaa, o Tumpu, sahingga Belento mongka'oho' monginau' ia? Mian ola ahi' mian, panyo Belento mompalahatikan ia!

YAKOBUS 2:6

Panyo komiu ola mule' mompopo'ambang mian anu kasiasi, padahan to mia-mianmo anu kaya na mongkabisa'i komiu ka' momboa komiu hi mian kopian!

YAKOBUS 5:4

Komiu madi' nombayan tambonyo nu to mia-mian anu mokalaja i ale' nu belemiu. Uuka aiya potombihing na aha notusa'mo! To mia-mian anu nolimu'akon hasin nu ale' miu, noloobo'mo momoita tulung, ka' lobo' nu aha tinokamo i bihing nu Tumpu, Tumpu Anu Matangkas na Kuasanyo.