1 TESALONIKA 4:16 - KITAB NU TUMPU ALLA LELE MA'IMAI'

¹⁶ Malaikatje anu talasanggo hondo atina'je na motatae daka-daka', ka' tolompet nu Tumpu opo onyi'mo salaku bau sa'angu' na tanda. Lantas i Tumpu Yesus mintatau'mo lengkat mae i suluga', ka' to mia-mian Kristen anu sinilakamo na po'ule' opotumuu' momona.

1 TESALONIKA 4:16 ပူးပေါင်းရင်းမြစ်များ

MAZMUR 47:1

Mazmur nu aha sa'anakan i Korah. Anu mongkapalai panyanyi.

MAZMUR 47:5

Ia nompile'iakonmo mae tano' bau baginto da bau pusaka'to, da bau katalasanggoan nu bansa anu Nu kalibosi.

NOSABATMO 19:16

I sinaa kino itolunnyomo daagi' subu, kino gohungmo ka' kilat. Kundom anu butolu hondo tinoamo aita' i bungkutnyo ka' i hongomo na onyi'nyo nu tolompet anu ma'onyi' hondo. Iwi-iwi' na mian kiijo' i kemah i lakatnyomo ka' nabuhukmo hondo.

NOSABATMO 20:18

Salatan to mia-mian nohongomo gohung ka' onyi' nu tolompet, tiba mule' nontoamo kilat ka' bungkutnyo anu nintibukmo, aha i lakatnyomo ka' nabuhukmo ka' tinuminjomo aijo' mae jo'o-jo'on.

YESAYA 27:13

Tempo'nyo aijo' opo onyi'mo na tolompet daka-daka' bau polaga mule' da minsusule'mo mae na aha mian nu Israel anu binoamo i Asyur tiba i Mesir. Aha tokamo mae i Yerusalem da monsombahmo Tumpu aita' i puge'-Nyo anu susi'.

YOËL 2:11

Potatae nu Tumpu sumomo gohung mombee'i tanda hi to sulu-suludadunyo. Talalo ahi' manjoo' na suludadunyo! Talalo ahi' mahoson na suludadunyo anu mombau palentah-Nyo! Talalo ahi' okabuhuk ka' hebat hondo na Sinaa nu Tumpu Madi' ko samian pe'e na moko ala mongewa.

ZAKHARIA 4:7

Maumo ko anu molewot anu ko daka'nyo sumo bungkutnyo timbali molinggin da madi'mo ko anu atina i ahop nu beleyum. Beleyum po ule'mo mombau Laigan-Ku, ka' de beleyum mompotimpasmo batu pundasi i tampatnyo to mia-mian motataemo, ‘Ebeh na kino ima'nyo!’ ”

ZAKHARIA 9:14

Tumpu mompotoamo butong-Nyo, hi aha mian anu palesayamo hi Ia, sumomo ahi' kilat na hihis nu pana'-Nyo pineletakon-Nyo. Tumpu Anu Matangkas na Kuasanyo saidi' mae mompuhimo tolompet salaku tanda montumbuhimo, lantas mambamo montumbuhi i uno nu tombusisi' anu lengkat mae i sasu salatan.

ZAKHARIA 9:9

O, mian anu jojoong i Sion, balame-lame'mo! O, mian anu jojoong i Yerusalem pontaligalaimo! Toamo! Tomundo' nu beleyum tinokamo ka' inguntungmo mae na nahampate! Ia tomundo' anu adin momomboamo mae kasalamatan. Panyo madi' bakadaka'an na ia toka mae monsake'i keledai, sa'angu' na keledai anu daagi' bata'nyo.

NOMBILANGMO 23:21

Hi Yakub madi' tinoa na hahan anu ma'idek; hi Israel madi' tinoa na kasusa'an. Tumpu, Tumpu Allah nu aha, monsangalui aha. Aha lewa'mo noloboo'akon; Iamo na Tomundo!

MATIUS 16:27

Madi'mo pin Anak nu Mian, mohingga-hinggatmo tiba to mala-malaikat-Nyo tokamo mae tiba kuasa nu Tuuma-Nyo. Tempo'nyo aitu Ia mombalosimo toto samian sitimbang tiba i palabuatannyo.

MATIUS 16:28

Da osumbu' anu daagi' aiya hi komiu, daagi' ko anu madi' silaka, de ma'isa pe'e montoa Anak nu Mian toka mae sumo Tomundo.”

MATIUS 25:31

“De Anak Mian toka sumo Tomundo nu sampo jaalan nu malaikat-Nyo iwi-iwi', Ia sumuhang i kasuhangan-Nyo anu opopodaka'.

MATIUS 26:64

I Yesus nontaami, “Sumo itina' anu tinaloakonumo. Panyo palesayamo: Mulai uuka, aiya komiu montoaje Anak nu Mian sumuhangmo i sasu koanan nu Tumpu Anu Talalo ko Kuasa, ka' toka mae aita' i kundom, i langit!”

SISIKON NU TO RASUL-RASUL 1:11

“Hee, to mia-mian nu Galilea,” koonyo nu ua'aha na mian haha aijo', “kadaka' komiu ola tuminjo atina' monsinda langit? I Yesus anu tinoa miu tinalahangkatmo nokiita' i suluga' atina' i ahop miu, po'ule'je minsusule' mae susumo atina' anu tinoamo miu u'uka aiya.”

1 KORINTUS 15:18

Aijo' alati'nyo mule' taalu' to mia-mian Kristen anu sinilakamo sumo aijo', suele madi' ko anu opitaha-taha'imani.

1 KORINTUS 15:20

Panyo nanasamo i Kristus sinilaka po'ule' pinotumuu'. Aijo'mo na katantuannyo taalu' to mia-mian anu sinilakamo po'ule' ahi' opotumuu'.

1 KORINTUS 15:23

Panyo toto samian po'ule' opotumuu' ko posi tempo-tempo'nyo; momonanyo i Kristus; lapas aijo' de po'ule'mo Ia toka mae, sueleje to mia-mian anu i Kristusmo na tumpunyo.

1 TESALONIKA 1:10

Aha notatae mule' mongkona mosia na komiu montaha'imani katokaan nu Anak nu Tumpu lengkat mae i suluga', aijo'mo i Yesus, anu sinilakamo po'ule'mo pinotumuu' nu Tumpu. I Yesusmo ai-aijo' na anu momposalamat kita i tambuha' nu Tumpu anu saidi' mae toka.

1 TESALONIKA 3:11

O amalakon hi Tumpu Tuumanto ka' Tumpunto, i Yesus mombee'i kasampatan hi kami da singkabot tiba komiu!

2 TESALONIKA 1:7

Ka' hi komiu anu uuka aiya nongoa'imo kasansala'an – sumo aitu mule' hi kami – Tumpu mombee'je kasanangan de Sinaanyomo nu Tumpu Yesus minsusule'mo mae lengkat i suluga' ka' mompotoamo butong-Nyo tiba to mala-malaikat-Nyo anu to babaani

2 TESALONIKA 2:1

Mongkona katokaan nu Tumpunto i Yesus Kristus, ka' mongkona kita saidi' mae Nu pisihukmo da jojoongmo tiba Ia, aiyamo na anu ku poita sabole-bole hi komiu:

2 PETRUS 3:10

Panyo Sinaa katokaan nu Tumpu, toka sumo mian tomang. I Sinaa aijo', langit ma'idekmo sahingga lewa'mo poli-polintup sumo gohung, ka' to apa-apaa aita' i langit mingkotmo motoyo', ka' tano' tiba iwi-iwi na anu i unonyo ma'idekmo.

YUDAS 1:9

I Mikhael pe'e, anu mongkapalai to mala-malaikat, madi' toho' nombau sumo aijo'. Tempo'nyo ia pinainggaga tiba Ibilis i uno nu pahantuda'an mompo'ago pa' ihe na anu mongala bangke' i Musa, i Mikhael madi' baani nompisala'i Ibilis nu potatae anu mompopo'ise'. I Mikhael ola notatae, “Nusegaije nu Tumpu na beleyum!”

ANU PINOTO'I HI YOHANES 1:10

I sinaa nu Tumpu, aku kinuasanmo nu Roh nu Tumpu, lantas aku nohongomo potatae anu daka' hondo – sumo onyi' nu tolompet – binasisik aitu mae i hikungku.

ANU PINOTO'I HI YOHANES 1:7

Toa, Ia toka mae nu saput nu kundom! Iwi-iwi' na mian montoa Ia, ka' suele aha anu nonjalo'mo Ia. Iwi-iwi' na bansa i dunia mohangi Ia. Memang, totu-totu'u! Amin!

ANU PINOTO'I HI YOHANES 14:13

Lantas aku nohongo potatae lengkat mae i suluga' nontaloakon, “O tulis na aiya: Otampu'uni uuka aiya, mohumpakmo ka'ima'an na to mia-mian anu sinilakamo tempo'nyo saja' nombau anu pinalentahkonmo nu Tumpu!” “Totu'u!” tinaaman nu Roh nu Tumpu. “Aha madi'mo pagala mokalaja, kalana hasin nu kalaja nu aha aijo'mo na nomboa aha nohumpak ka'ima'an.”

ANU PINOTO'I HI YOHANES 8:13

Lantas aku nontoa, ka' aku nohongo sa'angu' na bonyia' anu hau-haunyo laha-lahap matangkas aita' i langa, nontaloakon, “Silakamo! Silakamo! Silakamo iwi-iwi' na mian i dunia de mohongomo totolu' na malaikat sangga'at mompuuhimo tolompetnyo saidi' mae!”

ANU PINOTO'I HI YOHANES 8:2

Lantas aku nontoa malaikat ko popitu'nyo tinuminjomo i ahop nu Tumpu, ka' aha binee'anmo popitu' na tolompet.