1 TESALONIKA 4:13 - KITAB NU TUMPU ALLA LELE MA'IMAI'

¹³ To Utu-utus, okahanda'i mami na komiu da monsumbu' anu sahondo-hondonyo kona hi aha to mia-mian anu sinilakamo; da komiu boli susa' na kinyonyoa sumo to mia-mian sangga'at anu madi' ko anu otaha'imani.

1 TESALONIKA 4:13 ပူးပေါင်းရင်းမြစ်များ

KAJADIAN 37:35

Iwi-iwi' na to ana-anaknyo, to momo'ane, kabai to bou-boune toka mongindeko'. Ia notatae, “Sidutu' silaka na aku, aku saja' mohangi anakku.” Sumo aijo'mo na ia saja'mo nolibos monginau', kalana i Yusuf anaknyo sinilakamo.

2 SAMUEL 18:33

Nohongo aijo' i tomundo' sinusa'mo hondo ka' nolibosmo lantas ia noliba'mo no kiita iloteng nu sabatan daka' nu kota' itampat anu lewa' kasuhangan ka' lewa'mo hangi ka' nontando'i, “O, anaku! Anaku Absalom! Absalom anaku! Sahanyo aku na sinilaka pinombolosi beleyum, anaku! Absalom anaku!”

1 TOMU-TOMUNDO' 1:21

De belento Tomundo' madi' malia-lia' monuju' ihe na mombolosakon tantu de belento Tomundo' silakamo, aku tiba anaku momo'ane obuamo nu aha susumo mian anu nombaumo gau' anu ma'idek.”

1 TOMU-TOMUNDO' 2:10

Lapas aijo' i Daud sinilakamo ka' i lamunmo i Kota Daud.

AYUB 1:21

“Aku ihampeakon ola lima sampulu' sumo aitu mule' na aku de silakamo ola butong hondo-hondo. Tumpu na nombee'mo, Tumpu mule' na mongala. Ku puji' na sanggo-Nyo.”

AMSAL 14:32

Mian anu ma'idek na kinyonyoanyo mohumpak kabinasa'an kalana palabuatannyo anu ma'idek; panyo mian anu manonong madi' opoposia kalana hodi' na kinyonyoanyo.

YEHEZKIEL 37:11

Tumpu Allah notataemo mae hi belengku, “O manusia anu madi' tumuu' batu, buku haha aiya molambangakon bansang Israel. Aha nososonmo koonyo nu aha, aha nanggasmo madi'mo daagi' ko anu otaha'imani isinaa aiya mae i ahop.

DANIEL 12:2

Manjoo' na anu sinilakamo anu aijo' hi aha panyo po ule'mo opotumuu'; sambagian na molasai kantumuu'an anu sampe toka sidu-sidutu' ka' sambagian mule' na molasaimo kasansala'an ka' apa-apaa na anu okabuhuk hondo, sampe toka sidu-sidutu'.

IMAMAT 19:28

Boli momboyo-boyot kilit nu belemiu kahanda' bau pontandai kabai mombelai butong nu belemiu salaku tanda sinusa'mo kalana ko anumo sinilaka. Akumo na Tumpu.

IMAMAT 21:2

ola anu timbali de tinanyo na silaka, tuumanyo, anaknyo, utusnyo mo'ane,

MATIUS 27:52

To kubu-kubulan tinabuka', ka' manjoo' na mian anu pinalesayamo hi Tumpu anu natemo po'ule' pinotumuu'.

YOHANES 11:24

I Marta nontaami, “Kusumbu' i Lazarus po'ule'je tumuu' de mian mate po'ule'mo opotumuu' i Sinaa Kakiamatan.”

SISIKON NU TO RASUL-RASUL 13:36

I Daud sinilakamo ka' kinubun mule' nohingga-hinggat tiba mompolee'nyo, noko bau na ia apaa na anu sinaiyakonmo nu Tumpu Allah. Bangke' i Daud suele nahutakmo ka' ningkotmo iwi-iwi'.

SISIKON NU TO RASUL-RASUL 7:60

Lantas ia dinumaladupumo ka' noloboo' daka-daka' ka' notatae, “Kita Tumpu, boli dosa' aiya opokona hi aha!” Noko taloakonnyo sumo aijo' ia sinilaka.

SISIKON NU TO RASUL-RASUL 8:2

To mia-mian anu mabuhuk hi Tumpu nolamunmo i Stefanus ka' nohangimo ia talalomo hondo nolibos.

ROMA 1:13

To Utu-utusku! Ku indi da osumbu' miu taalu' saja'mo na aku mompai kahanda'i montoa komiu, panyo saja' ko anu monsalempodi. Ku indi da itina' hi komiu suele kalajangku ko hasinnyo susumo kalajangku anu kinohasinnyomo hi to mia-mian anu misa' Yahudi i tampat-tampat sangga'at.

1 KORINTUS 10:1

To Utu-utus! Kita Utus saja' ahi' o'inau' apaa na anu tinimbalimo hi mompolee'to, tempo'nyo aha nombatuki i Musa. Aha iwi-iwi' i hohungan nu kundom, ka' mule' sinalamat na aha notaap i Ambai Momea'.

1 KORINTUS 12:1

Uuka aiya mongkona to bala-balakat anu binee'mo nu Roh nu Tumpu. Mongkona han aijo', pongka'oho'ku to Utu-utus monsumbu' ahi' anu sahondo-hondonyo.

1 KORINTUS 15:6

Lapas aijo' Ia nompotoa butong-Nyo mule' hi lima atu na anu saja' mombatuki Ia, aitu pe'e ugaat molabi tempo'nyo aitu. Kanjoo'annyo na mian haha aijo' daagi' tumuu' tempo' uuka aiya, ola toto sangga'at na sinilakamo.

2 KORINTUS 1:8

To Utu-utus! Pongka'oho' mami da osumbu' miu na kasusa'an anu ingoa'anmo mami i tano' nu Asia. Sansala anu sinumbu'mo mami aijo' talalo maboat na o'oa'i mami, sahingga kami madi'mo nontaha'imani daagi' tumuu';

EFESUS 2:12

Tempo'nyo aitu komiu ma'isa nosa'angu' tiba i Kristus, komiu mian anu i salipu'an anu madi' minsoop i mian anu pinile'anmo nu Tumpu. Komiu madi' sinegotan nu palajanjian anu binaumo nu Tumpu Allah tiba mian anu palesayamo hi Ia. Komiu tumuu' i uno nu dunia aiya madi' ko anu otaha'imani, ka' madi' pilenje ko Tumpu.

EFESUS 2:3

Naipuan mae kita iwi-iwi' suele pokakanamo tiba aha; kita tumuu' nombatukimo tabiat nu mian ka' nombaumo apaa na anu moko sanang butong ka' pikilanto. Tempo'nyo aitu kita singkona to mia-mian anu tinambuha'anmo nu Tumpu. Pokakanamo sumo to mia-mian sangga'at.

1 TESALONIKA 4:14

Kita palesaya i Yesus sinilakamo ka' nompo'ule'mo tinumuu'. Aijo' na sababnyo kita palesaya suele, saba' Tumpu mompo'ule'je mompotumuu' iwi-iwi' na mian anu pinalesayamo hi Yesus ka' anu sinilakamo, da aha tumuu'mo tiba Ia.

1 TESALONIKA 4:15

Mongkona han aijo', aiyamo na ajalan nu Tumpu anu kahanda' opotokakon mami hi komiu: Salatan i Tumpu Yesus tokamo, misa' kita anu daagi' tumuu' na opopohimonakon lantas to mia-mian anu sinilakamo na imihije.

1 TESALONIKA 5:10

Ia sinilaka kalana kita, da de Ia mompo'ule'mo toka – pa' kita daagi' tutuu', pa' kita sinilakamo – kita timbali tumuu' hingga-hinggat tiba Ia.

1 TESALONIKA 5:6

Kalana aijo' kita madi' timbali sahoyo-hoyotnyomo sumo mian sangga'at. Kita tionyo basadia ka' pikilanto tionyo matantu.

2 PETRUS 3:4

nu potatae sumo uuka, “Tukoonyo Tumpu nonjanji'mo toka! Uuka iya na Ia? To tutuuma mompolee'to sinilakamo, panyo iwi-iwi na apa-apaa daagi' ahi' pokakana sumo salatanmo pe'e dunia pinotimbali!”

2 PETRUS 3:8

Panyo to utu-utusku, sa'angu' na han aiya boli okolilimi nu belemiu: kalana hi Tumpu sansinaa madi' mosi sangalasan tiba samadala na taun – ohu-ohua' aijo' pokakana de hi Ia.