1 TESALONIKA 4:10 - KITAB NU TUMPU ALLA LELE MA'IMAI'

¹⁰ Ka' han aiya pinotoamo miu hi aha iwi-iwi' na to utu-utus anu sa'a-sa'angu' na kapalesaya'an i songko-songko na Makedonia. Panyo, to Utu-utus, opoita mami totu-totu'u da kantumuu'an miu timbali lebe ma'ima' mule'.

1 TESALONIKA 4:10 ပူးပေါင်းရင်းမြစ်များ

ROMA 15:26

Kalana to jama'-jama'at i Makedonia ka' i Akhaya nonsetujuimo mombee'i pontulungi to Utu-utus anu kasiasi, hi mian anu palesayamo hi Tumpu kiijo' mae i Yerusalem.

EFESUS 1:15

Mokonyo aijo' salatanmo pe'e aku nohongo tukoonyo belemiu pinalesayamo hi Tumpu Yesus, ka' komiu mongkalibosimo iwi-iwi' mian anu palesayamo hi Tumpu,

FILIPI 1:9

Aiyamo na do'angku toka hi komiu: o'amalakon da komiu mompaka kalibosi Tumpu ka' sangko gampa, ka' ko pintu-pintuangnyo na monsumbu' anu totu'u ka' mimpikilan pande.

1 TESALONIKA 1:7

Tiba anu sumo aijo' komiu timbali sonto' hi iwi-iwi' mian Kristen i Makedonia ka' Akhaya.

1 TESALONIKA 3:12

O amalakon hi Tumpu da mompotimbali komiu lebe saja' mongkalibosi samian ka' samian, sahingga kalibosanum ko pintu-pintuangnyo, pokakana sumo kalibosan mami hi komiu.

1 TESALONIKA 4:1

Ahennyo to Utu-utus kami nombee'imo sonto' hi komiu, mosia na komiu tionyo tumuu' da momposanang kinyonyoa nu Tumpu. Memang komiu tinumuu'mo sumo aijo'. Panyo uuka aiya kalana kuasa nu Tumpu Yesus opoita mami totu-totu'u hi komiu da mompaka bala usaha mule' i han anu sumo aijo'!

2 TESALONIKA 1:3

To Utu-utus, kami saja' tionyo montaloakon talima kase hi Tumpu kalana komiu. Ka' konanyomo na kami mombau sumo aijo', kalana komiu nompaka palesayamo hi Kristus, ka' komiu lebemo nompaha kali-kalibosimo samian ka' samian.

2 TESALONIKA 3:4

Ka' kami palesaya hondo-hondo hi Tumpu apaa na anu jinadimo hi komiu, kalana komiu nombaumo ka' sabole-bole mombau apaa na anu pinoto'imo mami hi komiu.

2 PETRUS 3:18

Tionyo ahi' belemiu lebemo mongoa'i balakat i Yesus Kristus, Tumpu ka' Tomundo anu Momposalamat kita, ka' tionyo ahi' belemiu lebemo mule' monsumbu' Ia. O puji' na Ia, uuka aiya ka' sampe toka sidu-sidutu'! Amin. Tabea' mami, I Petrus 9