1 TESALONIKA 4:1 - KITAB NU TUMPU ALLA LELE MA'IMAI'

¹ Ahennyo to Utu-utus kami nombee'imo sonto' hi komiu, mosia na komiu tionyo tumuu' da momposanang kinyonyoa nu Tumpu. Memang komiu tinumuu'mo sumo aijo'. Panyo uuka aiya kalana kuasa nu Tumpu Yesus opoita mami totu-totu'u hi komiu da mompaka bala usaha mule' i han anu sumo aijo'!

1 TESALONIKA 4:1 ပူးပေါင်းရင်းမြစ်များ

2 TAWARIKH 17:4

panyo monsombah Tumpu Allah. Ia montuluti iwi-iwi palentah nu Tumpu Allah, ka' kantumuu'annyo madi' sumo to tomu-tomundo nu Israel.

AYUB 17:9

Mian anu ma'ima' na kinyonyoanyo ka' anu madi' ko kasala'annyo, lebemo nu oa'i totu-totu'u na kantumuu'annyo kina'ima' anmo nu Tumpu Allah.

MAZMUR 92:14

Aha sumomo kau' anu sinu'an kiijo' i Laigan nu Tumpu, ka' nodensu'mo na kodaka'nyo kiijo' i Laigan nu Tumpu Allah-nto.

AMSAL 4:18

Jalan nu mian anu ma'idek na kinyonyoanyo pintung sumomo londomi' de malomo. Aha tosumpun ka' motua' madi' nusumbu' nu aha. Panyo mule' ahi' jalan anu nutulu nu mian anu ma'ima' na kinyonyoanyo sumomo ahi' batu nu sinaa bete'mo mae; ko pipinnyo ko jingka-jingkanyomo, sahingga ahennyo mae majingkamo hondo.

YOHANES 15:2

To panga-panga' anu hi beleng-Ku anu madi' mimbua' nu tutu'akon-Nyo, ka' to panga-panga' anu mimbua' nuga'ai na hoon-Nyo ka' nu tetep da lebe mahampe na bua'nyo.

SISIKON NU TO RASUL-RASUL 20:27

Madi' toho' aku mompala'i pakalaja'anku montutuhakon hi komiu iwi-iwi' na tanga'an nu Tumpu.

ROMA 8:8

To mia-mian anu tumuu' mombatuki sipat nu mian, madi' moko posanang Tumpu.

1 KORINTUS 11:23

Kalana pinogulu'akonkumo hi komiu, aijo' ihumpaku lengkat mae hi Tumpu: aijo'mo pihi-pihi salatan i Yesus, Tumpunto kinabisa'anmo, Ia nongalamo roti,

1 KORINTUS 15:1

Ka' uuka aiya, to Utu-utus, gagalanku komiu po'ule' pe'e monginau' Lele Ma'ima' lengkat mae hi Tumpu anu pinolelengkumo u'utu mae hi belemiu. Komiu nontalimamo ka' nompalesayamo i Kristus, kalana Lele Ma'ima' aijo'.

1 KORINTUS 15:58

Mokonyo aijo', to Utu-utus anu ku ku kanonongi, tionyo ahi' komiu mahoson ka' moko ala montahan soba'an. Saja' mokalaja totu-totu'u bau kapentingan nu Tumpu, kalana osumbu' miu, iwi-iwi' na anu obau miu bau kapentingan nu Tumpu, madi' ola palasuma.

2 KORINTUS 10:1

Uuka aiya aku i Paulus, monsisikmo apa-apaa hi beleyum. Aku aiya de koonyo nu mian manonong de mompaha ahop tiba komiu, panyo baani de to majo'onanmo. Jadi, kalana kanonongan ka' ka'ima'an nu kinyonyoa i Kristus,

2 KORINTUS 13:11

Ahennyo, to Utu-utus, sabole-bole ahi' komiu lame', ka' bala usaha da timbali ganap. Ala na pokinde'ku iwi-iwi'. Sabole-bole ahi' komiu momposa'angu' kinyonyoa ka' mompaha hongo-hongo. Tumpu Allah Anu talalo Mongkalibosi ka' saja' mompodame, aijo' na saja' monjagai komiu.

2 KORINTUS 5:9

Kalana aijo' kami bala usaha totu-totu'u da momposanang kinyonyoa-Nyo, maumu kami daagi' hau-haunyo jojoong i laigan mami aiya, kabai pe'e i kiita'mo mae.

2 KORINTUS 6:1

Kalana kami mokalaja hingga-hinggat tiba Tumpu, mokonyo aijo' opoita mami sabole-bole boli komiu monsia-siakon ka'ima'an nu kinyonyoa nu Tumpu aijo'.

GALATIA 6:1

To Utu-utus! De daagi' ko samian o humpak mombau dosa', sahanyo komiu anu tumuu' mombatuki Roh nu Tumpu mompotiju' mian aijo' minsusule' i jalan anu totu'u. Panyo komiu mompotiju' aijo' boli kopesa-pesa ka' jaga da boli sampe posi komiu tagoda mule'.

EFESUS 4:1

Aijo' na sababnyo aku – mian anu tinalungku'mo, anu tinalungku'mo kalana nombaumo anu pinalentahkon nu Tumpu – momoita sabole-bole hi belemiu: da kantumuu'anum sumo ahi' mian anu i lagamo nu Tumpu mo'imboa tiba apaa na makisutnyo komiu i lagamo.

EFESUS 4:20

Panyo i Kristus Yesus anu sinumbu'mo miu misa' sumo aitu!

EFESUS 5:17

Boli ponga', panyo oselidiki apaa na anu nukahanda'i nu Tumpu.

FILIPI 1:27

Jadi, anu penting uuka aiya aijo'mo da komiu tumuu' pokakana tiba apaa na anu nukahanda'i nu Lele Ma'ima' mongkona i Kristus aijo'. Tiba jalan anu sumo aijo' pa' aku moko ala singkabot tiba komiu, kabai madi'mo, ku hongoje na kahosonan nu posa'angu'an miu ka' mogogia' hingga-hinggat i sa'angu' na kahanda' ka' sa'angu' na tanga'an; aijo'mo kapalesaya'an anu pokakana tiba Lele Ma'ima' anu lengkat mae hi Tumpu aijo'.

FILIPI 1:9

Aiyamo na do'angku toka hi komiu: o'amalakon da komiu mompaka kalibosi Tumpu ka' sangko gampa, ka' ko pintu-pintuangnyo na monsumbu' anu totu'u ka' mimpikilan pande.

FILIPI 3:14

Mokonyo aijo' aku sapopopadeka'nyo mompanjolongi anu okahanda'i i ka'ahenannyo mae da mohumpak ka'untungan, aijo'mo kantumuu'an i suluga'; makisut aijo' na Tumpu nolaga kita palesaya hi Kristus Yesus.

KOLOSE 1:10

Tiba jalan anu sumo aijo' komiu timbali tumuu' montuluti kahanda' nu Tumpu, ka' saja' momposanang kinyonyoa-Nyo, sahingga i uno nu iwi-iwi na apaa komiu moko ala mohasinakon hahan anu ma'ima'. Ka' mosia na komiu monsumbu' Tumpu mompaka pintuang suele.

KOLOSE 2:6

To Utu-utus nontalimamo i Kristus Yesus salaku Tumpu. Mokonyo aijo' tionyo ahi' komiu tumuu' mosa'angu'mo tiba Ia,

1 TESALONIKA 3:12

O amalakon hi Tumpu da mompotimbali komiu lebe saja' mongkalibosi samian ka' samian, sahingga kalibosanum ko pintu-pintuangnyo, pokakana sumo kalibosan mami hi komiu.

1 TESALONIKA 4:2

Kalana komiu nonsumbu'mo pompotiju' anu binee'mo mami hi komiu kalana kuasa nu Tumpu Yesus.

1 TESALONIKA 5:12

To Utu-utus, opoita mami da sabole-bole komiu mongangga'i to mia-mian anu mokalaja itina' hi komiu; aijo'mo aha anu pinile'anmo nu Tumpu da molaya' ka' mompokinde'i komiu.

2 TESALONIKA 1:3

To Utu-utus, kami saja' tionyo montaloakon talima kase hi Tumpu kalana komiu. Ka' konanyomo na kami mombau sumo aijo', kalana komiu nompaka palesayamo hi Kristus, ka' komiu lebemo nompaha kali-kalibosimo samian ka' samian.

2 TESALONIKA 2:1

Mongkona katokaan nu Tumpunto i Yesus Kristus, ka' mongkona kita saidi' mae Nu pisihukmo da jojoongmo tiba Ia, aiyamo na anu ku poita sabole-bole hi komiu:

2 TESALONIKA 3:1

Ka' mule' to Utu-utus, do'akon mae na kami. Balado'a da lele lengkat mae hi Tumpu saja' sampa tolele ka' otalima ma'i-ma'ima' susumo anu toho'mo jinadi hi komiu u'utu mae.

2 TESALONIKA 3:13

Panyo komiu boli ma'osa na mombau anu ma'ima'.

1 TIMOTIUS 5:21

I ahop nu Tumpu, Kristus Yesus ka' to mala-malaikat anu pinile'anmo kupoita sabole-bole beleyum mombatuki pokinde' haha aiya madi' pilenje mompisala'i maumo pa' ihe ka' boli mosi tinjo-tinjo, paimpisa-pisala'ian.

2 TIMOTIUS 4:1

I Kristus Yesus daagi' po'ule' toka i dunia aiya da momputusimo to mia-mian anu tumuu' ka' anu sinilakamo; ka' Ia toka mae da mompalentah sumo Tomundo. Mokonyo aijo' ku poita sabole-bole hi komiu i ahop nu Tumpu ka' hi Kristus Yesus:

IBRANI 11:6

De madi' bala'iman, madi' ko samian pe'e timbali moko ala momposanang kinyonyoa nu Tumpu. Kalana mian anu toka hi bele nu Tumpu tionyo ahi' palesaya saba' Tumpu daagi', ka' Tumpu mombalosije mian anu molio Ia.

IBRANI 13:16

Boli okolilimi na mombau anu ma'ima' ka' mompaha tulu-tulungi, kalana aijo'mo na koloban anu momposanang kinyonyoa nu Tumpu.

IBRANI 13:22

Ku poita da komiu sabaan na mongintomakon pokinde' haha aijo' iwi-iwi' aiya, kalana sulatku aiya madi' talalo mantan.

2 PETRUS 3:18

Tionyo ahi' belemiu lebemo mongoa'i balakat i Yesus Kristus, Tumpu ka' Tomundo anu Momposalamat kita, ka' tionyo ahi' belemiu lebemo mule' monsumbu' Ia. O puji' na Ia, uuka aiya ka' sampe toka sidu-sidutu'! Amin. Tabea' mami, I Petrus 9

1 YOHANES 3:22

Ka' apaa na anu opoitanto hi Ia, o humpakto, kalana kita tinulu-tulutanmo i palentah-Nyo iwi-iwi' ka' nombaumo apaa na anu momposanang kinyonyoa-Nyo.