1 TESALONIKA 3:8 - KITAB NU TUMPU ALLA LELE MA'IMAI'

⁸ sahingga uuka kami nongoa'imo totu-totu'u daagi' tutuu', asan komiu tataap tuminjo mahoson mosa'angu' tiba Tumpu.

1 TESALONIKA 3:8 ပူးပေါင်းရင်းမြစ်များ

MAZMUR 30:5

Nyanyi na nyanyian bau pompuji-puji' Tumpu, o mian anu palesayamo hi Ia ka' tulu-tulutan ka' mule' pontalimakasehmo hi Ia Anu Susi' hondo.

YOHANES 15:4

Tataap mosa'angu' tiba aku, ka' Aku mule' tataap mosa'angu' tiba komiu. Posi panga' madi' moko pimbua', beilako' de ia tataap i kau'nyo. Sumo aitumo na komiu moko ala mimbua', de saja' mosa'angu' tiba Aku.

YOHANES 15:7

De komiu saja' mosa'angu' tiba Aku, ka' pangajalan-Ku maninguna' i kinyonyoaum, poita hi Tuuma mau mule' apaa na o kahanda'i miu; anu opoita miu atina' tantu obee'.

YOHANES 8:31

Lapas aitu i Yesus notataemo hi to mia-mian Yahudi anu pinalesayamo hi Ia, “De komiu tumuu' mombatuki pokinde'-Ku, komiu totu-totu'u anu saja' mombatuki Aku.

SISIKON NU TO RASUL-RASUL 11:23

Ka' salatan i Barnabas tinokamo kiijo' mae, ka' nontoa mosia na Tumpu nombalakatimo to mia-mian aijo', ia ilame' hondo. Lantas ia nompoita da aha totu-totu'u mohongo-hongo Tumpu nu iwi-iwi' na kinyonyoa.

1 KORINTUS 15:58

Mokonyo aijo', to Utu-utus anu ku ku kanonongi, tionyo ahi' komiu mahoson ka' moko ala montahan soba'an. Saja' mokalaja totu-totu'u bau kapentingan nu Tumpu, kalana osumbu' miu, iwi-iwi' na anu obau miu bau kapentingan nu Tumpu, madi' ola palasuma.

1 KORINTUS 16:13

O jaga mae ahi' na komiu ka' opohoson na kapalesaya'an i uno nu kantumuu'an salaku mian Kristen. Obau babaani ka' boli mabuhuk na palesaya.

GALATIA 5:1

Kita uuka aiya binebasmo kalana i Kristus nompobebasmo kita! Kalana aijo' otoongi dodo-dodo na kabebasan miu, ka' bolimo mongka'oho' obotuani mule'.

EFESUS 3:17

Ku'amalakon kalana komiu pinalesayamo hi Kristus, i Kristus jojoongmo i uno nu kinyonyoa miu, ka' kantumuu'an miu mompintoongimo ka' nu kuasaimo nu kalibosan.

FILIPI 1:21

Kalana hi belengku, kantumuu'anku olamo samata-mata hi Kristus! Ka' de silakamo alati'nyo ka'untunganku.

FILIPI 1:27

Jadi, anu penting uuka aiya aijo'mo da komiu tumuu' pokakana tiba apaa na anu nukahanda'i nu Lele Ma'ima' mongkona i Kristus aijo'. Tiba jalan anu sumo aijo' pa' aku moko ala singkabot tiba komiu, kabai madi'mo, ku hongoje na kahosonan nu posa'angu'an miu ka' mogogia' hingga-hinggat i sa'angu' na kahanda' ka' sa'angu' na tanga'an; aijo'mo kapalesaya'an anu pokakana tiba Lele Ma'ima' anu lengkat mae hi Tumpu aijo'.

FILIPI 4:1

Mokonyo aijo', to Utu-utusku anu kuku kanonongi, sumo aitumo na komiu tionyo ahi' totu-totu'u palesaya hi Tumpu. Kinyonyoangku saja' montutugi hi komiu! Komiumo na anu kuku kabilahiakon ka' anu nompolame'mo aku.

KOLOSE 1:23

Panyo tantu komiu tataap ahi' saja' palesaya, ka' tuminjo hoso-hoson i kapalesaya'an miu. Boli saidi' mae komiu molapasakonmo anu otaha'imani, anu binee'mo hi komiu salatan komiu nontalimamo Lele Ma'ima' lengkat mae hi Tumpu. Lele aijo' pinokalebamo hi toto samian i songko-songko na dunia. Ka' kalana aijo' suele aku, i Paulus, tinimbalimo posaihon.

1 TESALONIKA 3:7

Aijo' na sababnyo to utu-utus i uno nu kasusa'an iwi-iwi' ka' kasansala'an mami, kami ingindeeke'mo nu lele anu lengkat mae hi komiu. Palesaya miu hi Kristus nomposanangmo kinyonyoa mami,

IBRANI 10:23

Kita tionyo ahi' mintoongmo hoso-hoson i anu otaha'imaninto, anu ingakuantomo kalana Tumpu timbali opalesaya, ka' apaa na anu jinanji'-Nyomo tionyo ahi' Nupodaagi'.

IBRANI 3:14

Kita iwi-iwi' mosangalumo tiba i Kristus, i sa'angu' na tanga'an asan kita sampe toka imihinyo na montoongi hoso-hoson kapalesaya'an anu totu-totu'u anu daagi'mo hi kita salatanmo pe'e imoonanyo.

IBRANI 4:14

Mokonyo aijo' kita tionyo ahi' mintoong hoso-hoson i pangakuan nu kapalesaya'anto. Kalana kita daagi' ko Imam Daka' anu talasanggo, anu ninsoopmo sampe tinoka i ahop nu Tumpu Allah – atina'mo i Yesus anak nu Tumpu.

1 PETRUS 5:10

Panyo salatan lapasmo na komiu mongoa'i kasansala'an, Tumpu Allah na saidi' mae mompotimbali belemiu talakana'. Ia na mompotinjo ka' mompohoson belemiu ka' mule' mompotantu belemiu. Kalana Iamo na Tumpu anu manonong hondo, anu nolagamo belemiu da suele mongoa'i katalasanggoan-Nyo anu sampe toka sidu-sidutu' kalana i Kristus.

2 PETRUS 3:17

Panyo belemiu, to utu-utus anu okanonongi, nonsumbu'mo han aijo'. Kalana aijo', obala'ingati boli sampe belemiu mombatukimo kasala'an nu to mia-mian anu palaganta sahingga belemiu manabu'mo ka' madi'mo manintinjo i tampat miu aijo' anu mahoson hondo.

ANU PINOTO'I HI YOHANES 3:11

Aku malia-lia' toka! Jagaimo ma'i-ma'ima' apaa na anu daagi'mo hi belemiu, da madi' ko samian pe'e na anu mongagoi tamboonyo nu ka'untungan miu, i uno nu kasabalan.

ANU PINOTO'I HI YOHANES 3:3

Jadi, po'ule' o inau' apaa na anu ingajanakonmo hi belemiu u'utu mae, ka' apaa na anu i hongomo miu. Pojalanmo na aijo' ka' balatobatmo i to dosa-dosa' miu. De belemiu madi' mobula, Akuje na toka hi belemiu sumo anu montomang; ka' madi' osumbu' miu hipian na tempo'nyo Aku tokamo mae.

1 SAMUEL 25:6

monsingkaboti i Nabal da mompotoka salando'a i Daud hi ia. Ia nonsai aha mompoto'i sumo uuka hi Nabal, “Salando'angku da mohumpak ka'ima'an na belento ka' mule' belemiu salaigan tiba iwi-iwi' apaa na anu nu belento.