1 TESALONIKA 3:6 - KITAB NU TUMPU ALLA LELE MA'IMAI'

⁶ Uuka i Timotius ninsusule'mo mae ka' nompotokamo hi kami lele anu moko lame' mongkona mosia na komiu palesaya hi Kristus, ka' mompaha kali-kalibosi. Ia nompoto'imo hi kami tukoonyo komiu saja' montutugi hahan anu ma'ima' mongkona kami i kinyonyoa miu. Ka' komiu ko kahanda' mompahakabot tiba kami, pokakanamo sumo kami mule' ko kahanda' mompahakabot tiba komiu.

1 TESALONIKA 3:6 ပူးပေါင်းရင်းမြစ်များ

AMSAL 25:25

Montalima lele anu ma'ima' lengkat mae i lipu'anu majo'on sumomo monginum uee' anu molino de megotmo.

YESAYA 52:7

Talalo hondo sanang na montoa katokaan nu mian anu sinai mae; ia lumajang notulu i bungkutnyo ka' nomboa lele ma'ima', lele anu moko bilahi kantumuu'an, lele kasalamatan hi aha Sion; koonyo, “Tumpu nu beleyum Tomundo!”

SISIKON NU TO RASUL-RASUL 16:1

I Paulus i lumajang mule' nokiijo' i Derbe, lapas aitu nokiijo'mo i Listra. I kiijo' daagi' ko samian na anu saja' mombatuki Yesus sanggonyo i Timotius. Tinanyo mian nu Yahudi, anu pinalesayamo hi Yesus; panyo tuumanyo mian nu Yunani.

SISIKON NU TO RASUL-RASUL 18:1

Lapas aitu, i Paulus nompala'imo Atena ka' namba nokiijo' i Korintus.

SISIKON NU TO RASUL-RASUL 18:5

Salatan i Silas ka' i Timotius tinokamo lengkat mae i Makedonia, i Paulus nonggunaakon iwi-iwi' na kasampatannyo da mompolele lele lengkat mae hi Tumpu toka hi to mia-mian Yahudi tukoonyo i Yesus aijo'mo na Tomundo' anu Momposalamat anu jinanjimo nu Tumpu.

1 KORINTUS 11:2

Kupuji' na komiu kalana komiu saja' monginau' aku, ka' mohongo-hongo pokinde' anu binee'kumo hi komiu.

1 KORINTUS 13:13

Jadi, tempo' aiya totolu' na han anu tionyo saja' obaunto: palesaya, montaha'imani, ka' mompaha kali-kalibosi. Anu talalo hondo penting i anu totolu' aiya, aijo'mo, mongkalibosi to mia-mian sangga'at.

GALATIA 5:6

Kalana de kita mosa'angu'mo tiba i Kristus Yesus, han mombatuki kabai madi' mombatuki atulan nu sunat, madi'mo mongkuka. Anu palalu hondo ola ahi' palesayamo hi Kristus, ka' aijo' oponyata' i uno nu kita mongkalibosi mian sangga'at.

FILIPI 1:8

Tumpu na monsumbu', saba' aku totu-totu'u molibos hondo hi komiu, kalana kalibosan anu tahahumo lengkat mae hi Kristus Yesus.

KOLOSE 4:18

Salan do'a lengkat hi belengku, i Paulus. Posi aku na nontulis bagian aiya. Boli okolilimi mae na aku, daagi' i uno nu talungku'! O'amalakon da Tumpu mombalakati komiu. Tabea' mami, I Paulus 12

1 TESALONIKA 2:17

Panyo to utu-utus, tempo'nyo pe'e kami noga'a-ga'atmo madi' talalo pinin komiu – noga'at i mata, panyo misa' i kinyonyoa – kami saja'mo hondo nolibos hi komiu ka' nongusahakonmo totu-totu'u da mompahakabot mule' tiba komiu.

1 TESALONIKA 2:9

Tantu komiu daagi' tonginau' mosia na kosigonyo na kami bala usaha ka' bakalaja. Sinaa ka' pihi kami mokalaja da kami madi' monsusa'i mau ola samian anu itina' hi komiu, tempo'nyo kami nompolele Lele Ma'ima' anu lengkat mae hi Tumpu aijo' toka hi komiu.

1 TESALONIKA 3:7

Aijo' na sababnyo to utu-utus i uno nu kasusa'an iwi-iwi' ka' kasansala'an mami, kami ingindeeke'mo nu lele anu lengkat mae hi komiu. Palesaya miu hi Kristus nomposanangmo kinyonyoa mami,

2 TESALONIKA 1:3

To Utu-utus, kami saja' tionyo montaloakon talima kase hi Tumpu kalana komiu. Ka' konanyomo na kami mombau sumo aijo', kalana komiu nompaka palesayamo hi Kristus, ka' komiu lebemo nompaha kali-kalibosimo samian ka' samian.

1 TIMOTIUS 1:5

Kahanda' nu pokinde'ku aijo', atina'mo da mian timbali ko kinyonyoa anu ma'ima' ka' kinyonyoa anu ma'ima' ka' susi', tiba mule' totu-totu'u palesaya hi Tumpu, ka' tiba jalan anu sumo aijo' yo aha timbali mongkalibosi sangalunyo.

2 TIMOTIUS 1:3

Aku montalima kase hi Tumpu anu binaungkumo na palentahnyo nu kinyonyoa anu ma'ima' sumo anu binaumo nu mompolee'ku naipuan mae. Aku saja' montalima kase hi Tumpu ka' ku inau' na beleyum i uno nu do'a, mau sinaa mau mule' pihi.

FILEMON 1:5

Kalana i hongongkumo, taalu' kita Utus totu-totu'u pinalesayamo hi Tumpu Yesus ka' mongkalibosi iwi-iwi' mian anu pinalesayamo hi Tumpu.

IBRANI 13:3

O inau' na to mia-mian i uno nu talungku', au'aitu komiu suele kiijo' i uno nu talungku' tiba aha. Ka' to mia-mian anu lewa' okabisa'i, tionyo ahi' o inau' miu na aha au'aitu komiu suele binaumo sumo aijo'.

IBRANI 13:7

Boli okolilimi na to pola-polaya' miu anu mompotoka potuunon nu Tumpu hi belemiu. Opalahatikan mosia na aha tumuu' ka' mosia na aha silaka, ka' obau sonto' na iman nu aha.

1 YOHANES 3:23

Anu pinalentahkon-Nyomo hi kita atina'mo: Kita tionyo ahi' palesaya hi Anak-Nyo, aijo'mo i Yesus Kristus ka' kita tionyo ahi' mompaha kali-kalibosi, susumo anu pinalentahkonmo i Kristus hi kita.