1 TESALONIKA 3:4 - KITAB NU TUMPU ALLA LELE MA'IMAI'

⁴ Tempo'nyo kami daagi' hingga-hinggat tiba komiu, kami nompoto'imo hi komiu momonanyo, saba' kita tionyo mongoa'i sansala. Ka' aijo' totu-totu'u tinimbalimo; posi komiu nonsumbu'mo.

1 TESALONIKA 3:4 ပူးပေါင်းရင်းမြစ်များ

MATIUS 24:25

Jadi, o inau'! Aku mompoto'imo hi komiu i moonanyo ma'isa pe'e han aijo' jadi saidi' mae.

SISIKON NU TO RASUL-RASUL 17:1

I Paulus ka' i Silas nolausakonmo lajang nu aha montulu i Amfipolis ka' i Apolonia lantas tinoka i Tesalonika. I kiijo' mae daagi' ko laigan pogalejaan nu mian Yahudi.

SISIKON NU TO RASUL-RASUL 17:13

Salatan to mia-mian Yahudi i Tesalonika nohongomo saba' i Paulus nompolelemo suele potatae nu Tumpu i Berea, aha suele tinokamo i Berea monsale'i ka' nongkakeha'i to mia-mian i kiijo' da madi' sinanang.

SISIKON NU TO RASUL-RASUL 20:24

Panyo aku madi' mompajuli kantumuu'anku aiya, asan aku moko ala mompomingkot kalaja anu binee'mo nu Tumpu Yesus hi belengku ka' asan aku tulu-tulutan toka imihinyo nu kantumuu'anku mompolele Lele Ma'ima' aijo' mongkona balakat nu Tumpu.

1 TESALONIKA 2:14

To utu-utus, han anu ingoa'anmo miu ingoa'anmo suele nu jama'at nu Tumpu i Yudea anu tinimbalimo i Kristus Yesus na tumpu-Nyo. Komiu nongoa'i kasansala'an lengkat i posi bansa miu, sumomo anu ingoa'an nu to jama-jama'at nu Tumpu i Yudea, aijo' lengkat mae hi to mia-mian nu Yahudi.

1 TESALONIKA 2:2

Komiu monsumbu' saba' ma'isa pe'e kami tinoka hi komiu i Tesalonika, kami po'ule'mo kinabisa'an ka' pinopo'ambang kiijo' mae i Filipi. Panyo mau mule' manjoo' na mian mombahakon kami, Tumpunto nombee'imo kami kabaanian da mompolele hi komiu Lele Ma'ima' anu lengkat mae hi Ia.

2 TESALONIKA 2:5

Boli okolilimi aku toho'mo nompoto'i iwi-iwi' aijo', tempo'nyo aku daagi' itina' hi komiu.

2 TESALONIKA 3:10

Tempo'nyo kami daagi' itina' hi komiu, kami nombee'imo atulan sumo uuka, “Mian anu madi' mongka'oho' mokalaja, madi' timbali mongkaan.”