1 TESALONIKA 3:3 - KITAB NU TUMPU ALLA LELE MA'IMAI'

³ Tiba jalan anu sumo aijo' madi' ko samian pe'e itina' hi komiu na anu tolo sule' kalana saja' mongoa'i kasansala'an-kasansala'anto anu sumo aiya. Posi komiu monsumbu'mo saba' kasansala'an-kasansala'an anu sumo, aijo' ninsoopmo i uno nu tanga'an nu Tumpu kona hi kita.

1 TESALONIKA 3:3 ပူးပေါင်းရင်းမြစ်များ

AYUB 23:14

Apaa na anu tinanga'an-Nyomo obau hi belengku, nu baumo, ka' daagi' manjoo'na anu tinanga'an-Nyomo misa' ola aijo'.

MAZMUR 112:6

Mian anu manonong saja' nu humpak na anu nu kahanda'i; ia saja' o inau' sampe toka sidu-sidutu'.

LUKAS 21:12

Panyo ma'isa pe'e iwi-iwi' aijo' toka, komiu o hakopmo ka' o sakisa. O putusi na palakala miu i Laigan Pogalejaan ka' oposoop i uno nu talungku'. Ka' komiu o hela' ka' opokiijo'akon i ahop nu to tomu-tomundo tiba anu batu-batu ko kuasa, kalana komiu anu mombatuki Aku.

YOHANES 16:2

Komiu osabatakon i laigan anu saja-saja' pogalejaan. Ka' tokaje na tempo'nyo saba' mian anu mompatei komiu tukoonyo ia mombau anu nu palentahkon nu Tumpu.

YOHANES 16:33

Iwi-iwi' aiya Ku taloakon da komiu mohumpak ka' ima'an, kalana mosa'angu' tiba Aku. I dunia komiu sansala, panyo potataap na kinyonyoa miu! Ihungku'ankumo na dunia!”

SISIKON NU TO RASUL-RASUL 14:22

I kota-kota aijo' aha nompaka pohoson kinyonyoa nu anu saja' mombatuki Yesus ka' nompokinde'i anu saja' mombatuki aijo' da tataap palesaya hi Yesus. “Kita tionyo manjoo' na mongoa'i sansala i moonanyo, atina'je ka' kita mongoa'i ka'ima'an nu Dunia Bu'ou nu Tumpu,” sumo aitumo na to rasul-rasul aijo' mongajanakon hi anu saja' mombatuki Yesus i to kota-kota haha aijo'.

SISIKON NU TO RASUL-RASUL 2:25

Mongkona i Yesus aiya, i Daud toho'mo notatae, ‘Aku montoa Tumpu saja' i ahopku; Ia saja' i sohipi'ku, da aku madi' nugeleguda nu mau mule' apaa.

SISIKON NU TO RASUL-RASUL 21:11

Ia tinoka hi kami lantas nongala pombutu' i Paulus. Tiba pombutu' aijo' ia nonsegoti tengke ka' limanyo lantas notatae, “Aiyamo na anu tinaloakon nu Roh nu Tumpu: Tumpunyo nu pombutu' aiya o puuti sumo aiya i Yerusalem nu to mia-mian Yahudi, ka' o bee' hi to mia-mian anu misa' Yahudi.”

SISIKON NU TO RASUL-RASUL 21:13

Panyo tinaamannyo, “Apaa na gunanyo kita Utus humaang sumo aiya sahingga monsaduakon kinyonyoangku ma'idekan? Aku noko sadiamo misa' ola da o hakop i kiijo' mae, panyo maumo o patei pe'e kalana i Tumpu Yesus.”

SISIKON NU TO RASUL-RASUL 9:16

Ka' Ku potoaje hi ia iwi-iwi' na kasansala'an anu tionyo nu oa'i kalana Aku.”

ROMA 5:3

Ka' misa' ola aijo', kita mule' lame' i uno nu kasansala'an, kalana osumbu'to kasansala'an mombau mian timbali tapakuun,

1 KORINTUS 15:58

Mokonyo aijo', to Utu-utus anu ku ku kanonongi, tionyo ahi' komiu mahoson ka' moko ala montahan soba'an. Saja' mokalaja totu-totu'u bau kapentingan nu Tumpu, kalana osumbu' miu, iwi-iwi' na anu obau miu bau kapentingan nu Tumpu, madi' ola palasuma.

1 KORINTUS 4:9

Kalana de mombatuki pikilanku, kami to rasul-rasul pinotimbalimo nu Tumpu sumo anu lewa' otoa i ahop nu mian tiba to mala-malaikat. Kami sumo to mia-mian anu madi' opajuli, anu pinokakanamo hukuman mate i ahop nu mian da'isan ka' sola' ohagai nu dunia.

EFESUS 3:13

Mokonyo aijo', anu kupoita, aijo'mo: boli bata-bata mongkona apaa na anu ingoa'ankumo, aku sinansala kalana komiu, kalana iwi-iwi' aijo' da bau ka'ima'an miu.

FILIPI 1:28

Tionyo ahi' komiu saja' baani; boli mabuhuk hi sampo bali' miu, tiba jalan anu sumo aijo' komiu momponyata'mo saba' aha tantu saidi' mae mahungku'mo, ka' komiu na saidi' mae untungmo, kalana posi Tumpu Allah na mombee'i ka'untungan hi komiu.

KOLOSE 1:23

Panyo tantu komiu tataap ahi' saja' palesaya, ka' tuminjo hoso-hoson i kapalesaya'an miu. Boli saidi' mae komiu molapasakonmo anu otaha'imani, anu binee'mo hi komiu salatan komiu nontalimamo Lele Ma'ima' lengkat mae hi Tumpu. Lele aijo' pinokalebamo hi toto samian i songko-songko na dunia. Ka' kalana aijo' suele aku, i Paulus, tinimbalimo posaihon.

1 TESALONIKA 5:9

Tumpu nompile'imo kita misa' da o hukum, panyo da o posalamat montului Tumpunto i Yesus Kristus.

2 TESALONIKA 1:4

Mokonyo aijo' kadaka' kami saja' monsisik komiu, de kami mambamo molenga to jama-jama'at nu Tumpu. Obuulakon kami na monsisik mosia na komiu tataap mahoson na palesaya hi Kristus i uno nu ponsakisa'an ka' kasansala'an anu ingoa'anmo miu.

2 TIMOTIUS 1:8

Mokonyo aijo' boli ma'ambang na mombee'i katalangan mongkona Tumpunto, ka' boli mongka'ambangakon aku, anu tinalungku' kalana Ia. Panyo ahi' tionyo beleyum tiba kahosona anu lengkat mae hi Tumpu suele mongoa'i sansala kalana Lele Ma'ima' aijo'.

1 PETRUS 2:21

Aijo' na kahanda'nyo Tumpu nolagamo belemiu. Kalana posi Kristus nongoa'imo sansala kalana bau kapentingan miu, tiba jalan anu sumo aijo' Ia nombee'imo belemiu sa'angu' na sonto', da belemiu mombatuki sonto' i uno nu kantumuu'an-Nyo.

ANU PINOTO'I HI YOHANES 2:10

Boli mabuhuk i kasansala'an anu madi'mo daagi' pin tionyo o'oa'imo miu. O inau', Ibilis momposoopje sambahagian anu atina' hi komiu i uno nu talungku' monsobai miu. Komiu mongoa'ije sansala sampulu' na sinaa na kopinnyo. Tionyo ahi' komiu tulu-tulutan hi beleng-Ku sampe mate, sahingga aku mombee'ije hi beleyum kantumuu'an kopian ka' sampe toka sidu-sidutu' salaku tamboo inguntungmo, i uno nu kasabalan.

ANU PINOTO'I HI YOHANES 2:13

Ku sumbu' iya na kajongan miu, aijo'mo i tampat kajojoongan nu Ibilis. Komiu nohongo-hongomo Aku. Aitu pe'e tempo'nyo i Antipas, sakising-Ku anu mohongo-hongo aijo', pinateanmo i ahop miu i tampat nu Ibilis, belemiu madi' nompojalo aku, panyo belemiu palesaya ahi' hi beleng-Ku.