1 TESALONIKA 3:11 - KITAB NU TUMPU ALLA LELE MA'IMAI'

¹¹ O amalakon hi Tumpu Tuumanto ka' Tumpunto, i Yesus mombee'i kasampatan hi kami da singkabot tiba komiu!

1 TESALONIKA 3:11 ပူးပေါင်းရင်းမြစ်များ

YESAYA 63:16

Te misa' Belentomo ahi' na Tuuma mami? I Abraham tiba i Yakub madi' Monsumbu' kami. Panyo belento o, Tumpu atina'mo ahi na Tuuma mami anu Nomposalamatmo kami daagi' pe'e naipuan mae.

YEREMIA 31:9

Aha lumajang humang Ku hase' ka' mule' Ku laya' na aha. Ku boa na aha montulu tampat-tampat anu manjoo' na ueenyo, montulu jalan daka' itampat nu aha lumajang aha madi' tosumpun. Kona hi aha Israel Aku sumomo ahi' tuuma nu aha; i Efraim aijo'mo na anak-Ku momo'ane anu tumpenyo.”

MALEAKHI 1:6

Tumpu Anu Daka' na kuasanyo notataemo hi to ima-imam, “Samian na anak mongadati tuumanyo, ka' mule' samian na posaihon mongadati tuannyo. Aku aiya Tuuma nu beleyum; kadaka' belemiu madi' mongadati Aku? Aku aiya tuan nu beleyum; kadaka' belemiu madi' mabuhuk hi beleng-Ku? Belemiu mongalu Aku, panyo belemiu mompokilawa, ‘Tiba jalan nosia na kami nongalumo Belento?’

MATIUS 6:14

De komiu mongampuni mian anu mombau sala' hi beleyum, Tuumaum i suluga' suele mongampunije kasala'anum.

MATIUS 6:18

da madi' ko anu monsumbu' saba' komiu bapuasa', sangadinyo Tuumaum anu madi' kantoan aijo'. Ia montoa palabuatanum anu sulu-suluk aijo', ka' mombee'ije tamboonyo hi komiu.”

MATIUS 6:26

Toa na tomonsi' i langa. Aha madi' mosu'an, madi' mompadak, ka' madi' mule' mompolimu' hasin anu sinu'annyo i uno nu alang. Mau mule' sumo aitu Tuumaum anu i suluga' mompotuu' aha! Te misa' komiu lebe ko angga'nyo molingkudui tomonsi'?

MATIUS 6:32

Hahan aijo' saja' pagala o lio nu to mia-mian anu madi' monsumbu' Tumpu. Padahan Tuumaum anu i suluga' monsumbu', saba' komiu mompalalui iwi-iwi' aijo'.

MATIUS 6:4

Bakas na palabuatanum aijo' madi' nu sumbu' mau pe'e ihe, boli mompiakon Tuumaum i suluga'. Ia montoa palabuatanum anu sulu-suluk aijo', ka' mombee'je tamboonyo hi beleyum.”

MATIUS 6:6

Panyo de komiu balado'a, pinsoop i salipi' ka' tumban na sabatan, lantas balado'a hi Tuumaum anu madi' kantoan aijo'. Saba' Tuumaum na montoa palabuatanum anu sulu-suluk mombee'je tamboonyo hi beleyum.

MARKUS 1:3

Daagi' ko mian molo-moloboo' i padang bone', ‘Posadiamo na jalan hi Tumpu; pohatakon na to jala-jalan anu Nu tului.’ ”

LUKAS 12:30

Hahan sumo aijo' nu tumput nu mian anu madi' monsumbu' Tumpu. Padahan Tuumaum, monsumbu', komiu mompalalui iwi-iwi' aijo'.

LUKAS 12:32

“Komiu anu ola sangkiding na konjoo'nyo, boli mabuhuk! Kalana Tuumaum sanang mombee' hi beleyum balakat lengkat mae i Kapalentahan-Nyo.

YOHANES 20:17

“Boli o toongi na Aku,” koonyo i Yesus hi ia, “kalana Aku ma'isa noliba' namba hi Tuuma. Panyo lako'mo hi to utu-utus-Ku, ka' poto'iakon hi aha, taalu' uuka aiya Aku moliba'mo mamba hi Tuumang-Ku, ka' Tuumaum Tumpung-Ku, ka' Tumpuum.”

ROMA 1:3

Lele Ma'ima' aijo' mongkona Anak nu Tumpu, Tumpunto i Yesus Kristus. Salaku Ia mian, Ia aijo' lee' mae i Daud,

2 KORINTUS 6:18

Aku timbalimo Tuuma miu, ka' komiu timbalimo to ana-anak-Ku, sumo aitu na koonyo nu Tumpu Anu Matangkas na kuasanyo.”

GALATIA 1:4

Mohongo-hongo pongka'oho' nu Tumpu Tuumanto, i Kristus nombee'mo butong-Nyo kinolobanakon pinontokong to dosa-dosa'to, da kita nu posalamat i tempo' anu ma'idek aiya.

KOLOSE 1:2

Salaku rasul i Kristus Yesus, – kalana ingangkatmo nu Tumpu Allah – aku, i Paulus hingga-hinggat tiba utusto i Timotius, monginde'i ka' nongamalakon da Tumpu Tuumanto mombee'i balakat ka' kabilahian hi komiu.

1 TESALONIKA 3:13

Tiba jalan anu sumo aijo' Tumpu mompohosonje kinyonyoa miu, sahingga komiu susi'mo ka' madi' ko alunyo i ahop nu Tumpu Tuumanto, de Tumpunto i Yesus tokamo hingga-hinggat tiba iwi-iwi' na mian anu Iamo na tumpu-Nyo.

1 TESALONIKA 4:16

Malaikatje anu talasanggo hondo atina'je na motatae daka-daka', ka' tolompet nu Tumpu opo onyi'mo salaku bau sa'angu' na tanda. Lantas i Tumpu Yesus mintatau'mo lengkat mae i suluga', ka' to mia-mian Kristen anu sinilakamo na po'ule' opotumuu' momona.

1 TESALONIKA 5:23

O amalakon da posi Tumpuje na mombee'i kita ka'ima'an, mompotimbali komiu mian anu totu-totu'u tumuu'mo samata-mata hi Tumpu. O amalakon da Tumpu monjagai butong miu, iwi-iwi' mau mule' roh, santuu' kabai pe'e butong miu, sahingga madi' ko ideknyo de Tumpunto i Yesus Kristus mompo'ule'mo mae toka.

2 TESALONIKA 2:16

O amalakon hi Tumpunto Yesus Kristus ka' Tumpu Tuumanto mongindeko' ka' mompohosonakon kinyonyoa miu da komiu timbali mongkalaja ka' mompolele apaa na anu ma'ima'. Kalana Tumpu mongkalibosi kita, ka' kalana kanonongan nu kinyonyoa-Nyo, Ia nompotimbalimo kita saja' sabaan ka' montaha'imani anu ma'ima'.

2 TESALONIKA 3:16

Tumpu pinolengkatan nu ka'ima'anto. O amalakon hi Ia da saja' mombee'i komiu ka'ima'an i uno nu iwi-iwi' na han. O amalakon da Tumpu saja' monjagai to Utu-utus iwi-iwi'.

2 TESALONIKA 3:5

O amalakon da Tumpu saja' mompotingaan komiu, da lebe mangalati', hi Tumpu anu mongkalibosi komiu, ka' kalana i Kristus nombee'imo kasabalan hi komiu.

1 YOHANES 3:1

Soba toa na Tumpu nongkalibosimo hondo sahingga kita ingakuannyomo sumomo to ana-anak-Nyo. Ka' memang kita to ana-anakmo nu Tumpu. Mokonyo aijo' dunia anu na'idekmo aiya madi' monsumbu' kita kalana dunia madi' monsumbu' Tumpu.

ANU PINOTO'I HI YOHANES 21:3

Lantas aku nohongomo potatae lengkat mae i kasuhangan aijo' notatae mae daka-daka', “Tempo' uuka tampat kajojoongan nu Tumpu tibamo mian! Ia tumuu'mo tiba aha, ka' aha timbalimo mian anu palesayamo hi Ia. Tumpu jojoongmo tiba aha, ka' timbalimo Tumpu nu aha.