1 TESALONIKA 2:9 - KITAB NU TUMPU ALLA LELE MA'IMAI'

⁹ Tantu komiu daagi' tonginau' mosia na kosigonyo na kami bala usaha ka' bakalaja. Sinaa ka' pihi kami mokalaja da kami madi' monsusa'i mau ola samian anu itina' hi komiu, tempo'nyo kami nompolele Lele Ma'ima' anu lengkat mae hi Tumpu aijo' toka hi komiu.

1 TESALONIKA 2:9 ပူးပေါင်းရင်းမြစ်များ

2 TOMU-TOMUNDO' 6:2

Pobee' mae na kami mamba montaa' kau' kiijo' mae koko kaunyo Yordan, ka' mombaumo kajojoonganto kiijo' mae.” “Sahanyo ii',” tinaaman i Elisa.

NEHEMIA 5:15

Iwi-iwi' na gubernur anu nompalentahmo momona ma'isa pe'e aku nompalentah, tinimbalimo tanggungan nu mian da'isan kalana aha montuntut patompulu' na doi salaka, na otalima sansinaa pombayan anu o kaan ka' anggur. Pakalaus mule' to mia-mian anu kopangkat aijo' hi aha suele nonsakisamo mian da'isan. Panyo aku madi' mongka'oho' mombau sumo aijo' kalana aku mabuhuk hi Tumpu Allah.

NEHEMIA 5:18

Sansina-sinaa anu ku posi posadia na ongkos sa'angu' na sapi', anom na domba anu toto lompo-lompo' ka' mule' manuk suele manjoo'. Ka' mule' de sampulu'anmo na kopinnyo ku paka sadiai mule' nu anggur. Maumo sumo aijo' aku madi' mongka'oho' mompoita gajingku salaku anu ko pangkatnyo gubernur, kalana ku sumbu' tanggungan nu mian da'isan talalomo naboat.

MAZMUR 32:4

Sinaa tiba pihi Belento mompeedakon mae aku, o Tumpu hosonku ku oa'i ningkotmo sumomo ahi' anu sinosopmo nu singit anu mapengges hondo

MAZMUR 88:1

Nyanyian. Mazmur nu aha sa'anakan mae i Korah. Anu mongkapalai panyanyi. Ingala i lagu nu nyanyian: Mahalat Leanot, Nyanyian pangajalan i Heman, mian nu Ezrahi.

AMSAL 31:18

Nu sumbu' saba' iwi-iwi' na anu nu bau mompo 'untung; ia mokalaja sampe tonga' pahu.

YEREMIA 9:1

Ma'ima' hondo de ubaku sumo bubung anu pinobuke'anmo nu uee, ka' mataku sumo soluduk anu saja' mo ili na ueenyo! Sahingga aku timbali saja' humang sinaa tiba pihi, mohangi to mia-mian bubuu' bansangku anu pinateanmo nu sampobali'.

LUKAS 18:7

Yo, te Tumpu madi' montinjohi palakala nu mian anu palesayamo hi Ia, anu momoita tulung hi Ia sinaa ka' malom? Te Ia montunda-tunda tempo' na montulungi aha?

LUKAS 2:37

i Hana binalumo, ka' uuka umunnyo uwalumpulu'mo opat na taun. Madi' toho' ia mompala'i Laigan nu Tumpu. Sinaa ka' malom, ia monsombah i kiijo' hi Tumpu balado'a ka' bapuasa'.

SISIKON NU TO RASUL-RASUL 18:3

lantas jinojoong i kiijo' tiba aha ka' nokalaja hingga-hinggat aha, kalana bau polio nu aha pokakana tiba i Paulus, aitumo mongka'ut kemah.

SISIKON NU TO RASUL-RASUL 20:24

Panyo aku madi' mompajuli kantumuu'anku aiya, asan aku moko ala mompomingkot kalaja anu binee'mo nu Tumpu Yesus hi belengku ka' asan aku tulu-tulutan toka imihinyo nu kantumuu'anku mompolele Lele Ma'ima' aijo' mongkona balakat nu Tumpu.

SISIKON NU TO RASUL-RASUL 20:31

Kalana aijo' o bala'ingati! Inau' sabab totolu' na taun na kino pinnyo nonjujuhakon lolu', sinaa pihi aku madi' toho' milawe na mongajan komiu toto samian.

ROMA 1:1

To Utu-utus iwi-iwi' i Roma anu nunukalibosi nu Tumpu ka' anu ilagamo nu Tumpu da timbali mian-Nyo anu palesayamo. Tumpu nompile'imo ka' nongangkatmo aku samata-mata da mompolele Lele Ma'ima' lengkat mae hi Tumpu.

ROMA 15:16

Ia nompotimbalimo aku posaihon i Kristus Yesus da osai hi to bansa-bansa anu misa' Yahudi. Ka' aku nompojalanmo sumo salaku imam, anu mompolele Lele Ma'ima' lengkat mae hi Tumpu, da to mia-mian anu misa' Yahudi timbalimo salaku anu osombahkon hi Tumpu Allah anu timbali Nutalima. O amalakon da Roh nu Tumpu mompotimbali aha da timbali salaku anu osombahkon samata-mata hi Tumpu.

ROMA 15:19

ka' mule' tiba hahan anu okabangangi ka' anu ma'isa toho' tinimbali; iwi-iwi' aijo' kalana kuasa nu Roh nu Tumpu Allah. Lele Ma'ima' mongkona i Kristus pinolelengkumo iwi-iwi' hi to mia-mian nolengkat pe'e mae i Yerusalem tinoka-toka i Ilirikum.

1 KORINTUS 4:12

Kami pagala mombau apa-apaa molio kaanon. De kami ototobi'akon obalosi mami nu mondo'akon da obalakati; de kami osakisa, kami sabaan;

1 KORINTUS 9:15

Panyo ma'isa toho' aku nompake hak haha aijo' mau pe'e sangahan. Ka' aku nontulis sulat aiya misa' mule' ko kahanda' da anu haha aijo' obee'mo uuka hi belengku. Lebe ma'ima' aku silaka ka' de mule' ola talabakas na anu ku kabubuulakon aijo'.

1 KORINTUS 9:18

Desumo aijo', tambongku apaa? Aiya na tambonyo: aijo'mo aku moko ala mompolele Lele Ma'ima' aijo' madi' pilenje mompiboati samian pe'e da mongongkosi aku, kalana aku madi' mompagala momoita te hak ku salaku anu mompolele Lele Ma'ima' aijo'.

1 KORINTUS 9:4

Te aku madi' ko hak mongala kaanon ka' anu o inum kalana kalaja anu binaungkumo?

2 KORINTUS 11:27

Aku mokalaja totu-totu'u nongusahakon mompai patemo: toto minsan madi' hoyot, madi' mongkaan, madi' monginum, saja' mongintim ohop, mabakin kalana madi' sukup na baju' ka' madi' ko tampat kajojoongan.

2 KORINTUS 11:9

De tempo'nyo aitu aku kinakulanganmo, aku madi' toho' nomposusa' samian pe'e itina' hi komiu. Iwi-iwi' na anu kupalalui tinoukan mae nu to Utu-utus anu tinoka lengkat mae i Makedonia. Pagala pinimpalianku ima-ima' da aku madi' momposusa' komiu i uno nu han mau mule' pa' apaa, ka' saja' kupimpali da sabole-bole sumo aijo'.

2 KORINTUS 6:5

kami sinakisa, tinalungku', ka' opatei; kami nokalajamo make-makeke, toto minsan madi' hoyot ka' toto minsan madi'mo ko anu okaan.

FILIPI 4:16

Tempo'nyo aku i Tesalonika nompalalui da otulungi mae, madi'mo ola minsan na komiu nompakatu mae pontulungi hi belengku.

1 TESALONIKA 2:2

Komiu monsumbu' saba' ma'isa pe'e kami tinoka hi komiu i Tesalonika, kami po'ule'mo kinabisa'an ka' pinopo'ambang kiijo' mae i Filipi. Panyo mau mule' manjoo' na mian mombahakon kami, Tumpunto nombee'imo kami kabaanian da mompolele hi komiu Lele Ma'ima' anu lengkat mae hi Ia.

1 TESALONIKA 2:6

Kami madi' mule' mompagala da mohumpak pompuji' lengkat hi mian – kabai hi komiu kabai hi mian sangga'at. Anu sahondo-hondonyo salaku rasul i Kristus, kami timbali ahi' montuntut apa-apaa lengkat hi komiu.

1 TESALONIKA 3:10

Sinaa ka' pihi okakase mami hi Ia nu kinyonyoa anu totu-totu'u da posi kami na singkabot tiba komiu da mompahaposampa' apaa na anu okahanda'i miu da palesayamo hi Kristus susumo anu sahondo-hondonyo.

1 TIMOTIUS 1:11

Ajalan aijo' daagi' i uno nu Lele Ma'ima' ka' anu mompolele pinalesayakonmo hi belengku, aijo'mo Lele Ma'ima' lengkat mae hi Tumpu anu opopodaka' ka' anu patut o puji'.

1 TIMOTIUS 4:10

Aijo' na sababnyo kita mompagala ahi' bala usaha mokalaja totu-totu'u, kalana kita montaha'imani ahi' totu-totu'u hi Tumpu Allah anu tumuu'; Iamo na anu Momposalamat iwi-iwi' na mian, ka' anu talalo hondo to mia-mian anu pinalesayamo.

1 TIMOTIUS 5:5

Balu anu totu-totu'u me butong sausa', ka' madi'mo ko anu pa' ihe na anu timbali montombuati, ia me taha'iman hi Tumpu. Sinaa ka' pihi ia la saja' balado'a hi Tumpu momoita da Nu montulungi.

2 TIMOTIUS 1:3

Aku montalima kase hi Tumpu anu binaungkumo na palentahnyo nu kinyonyoa anu ma'ima' sumo anu binaumo nu mompolee'ku naipuan mae. Aku saja' montalima kase hi Tumpu ka' ku inau' na beleyum i uno nu do'a, mau sinaa mau mule' pihi.