1 TESALONIKA 2:6 - KITAB NU TUMPU ALLA LELE MA'IMAI'

⁶ Kami madi' mule' mompagala da mohumpak pompuji' lengkat hi mian – kabai hi komiu kabai hi mian sangga'at. Anu sahondo-hondonyo salaku rasul i Kristus, kami timbali ahi' montuntut apa-apaa lengkat hi komiu.

1 TESALONIKA 2:6 ပူးပေါင်းရင်းမြစ်များ

ESTER 1:4

Inganom na bitu'on na kinopinnyo na i tomundo' lewa' nompotoa kakaya'annyo anu kiijo' ilaigan nu tomundo' ka' mule' ko ima'nyo ka' mule' katalasanggoan nu kalaja'annyo.

ESTER 5:11

Lantas i Haman nolabi-labimo na notatae hi aha ka' nontakabunakonmo kakaya'annyo, konjoo'nyo nu to ana-anaknyo to momo'ane, pangkatnyo anu daka', anu binee' i tomundo, ka' mule' pangkatnyo anu matangkas aijo' anu molingkudui anu ko pangkatnyo sangga'at.

AMSAL 25:27

Madi' ma'ima' na monginum juu' talalo mo manjoo' sumo aitu mule' madi' ma'ima' de manjoo' na montaeakon mompuji-puji'.

DANIEL 4:30

aku notatae, “Soba toa na ko ima'nyo na kota' Babel aiya! Akumo aiya na nombau da tinimbali puso nu kota' nu negara da bau pomponyata kakuasa'anku ka' mule' kahosonanku, katalasanggoan, ka' kahebatanku!”

YOHANES 12:43

Aha lebee mongka'ima'i nu puji' nu mian molingkudui pongangga'i nu Tumpu.

YOHANES 5:41

Aku madi' molio da o puji' nu mian.

YOHANES 5:44

Mosia na komiu timbali palesaya, de komiu molio da o puji' nu bubu komiu ka' madi' bala usaha molio pompuji' anu lengkat mae hi Tumpu, anu ola-olamo Ia na Tumpu?

YOHANES 7:18

Mian anu mombee' posi pangajalannyo, molio da o'adati na butongnyo. Panyo mian anu molio da o'adati na anu nonsai mae Ia, mian aijo' hodi' madi' baleko' na ia.

1 KORINTUS 11:9

Mo'ane madi' pinotimbali da bau kapentingan nu boune, panyo boune pinotimbali da bau kapentingan nu mo'ane.

2 KORINTUS 13:10

Mokonyo aijo' aku nontulismo sulat aiya tempo'nyo aku ma'isa itina' hi komiu. Desumo aijo', de aku tokamo saidi' mae, madi'mo pilenje mapohos na aku mompalentah komiu mompake kakuasa'an anu binee' nu Tumpu hi belengku. Kakuasa'an aijo' binee' da pombangonakon komiu, misa' da bau pohansuni.

2 KORINTUS 4:5

Lele anu opotokakon mami aijo' misa' lele mongkona posi butong mami. Lele aijo' te lele mongkona i Yesus Kristus; saba' Iamo aijo' na Tumpu; ka' kami te to posa-posaihon miu kalana Ia.

GALATIA 1:10

Pa' tiba jalan aijo' aku otoa so'o-so'omo montaha'imani da nu puji' nu manusia? Totu-totu'unyo i madi'! Aku ola ahi' montaha'imani anu ingakuanmo nu Tumpu. Pa' ko anumo binaungku da bau pongala kinyonyoa nu manusia da nu kanonongi nu mian? De aku daagi' mombau sumo aitu, aku misa'mo posaihon i Kristus.

GALATIA 5:26

Kita madi'mo timbali takabun, ka' mompaha saki-sakiti kinyonyoa, ka' mongka'ideki samian ka' samian.

GALATIA 6:13

Mau mule' to mia-mian anu nombatukimo atulan nu sunat, madi' ahi' mompojalan atulan nu agama. Panyo aha mongkahanda'i da komiu o sunatmo, da aha timbali mombuulakon, kalana komiu nontulutimo atulan aijo'.

1 TESALONIKA 2:9

Tantu komiu daagi' tonginau' mosia na kosigonyo na kami bala usaha ka' bakalaja. Sinaa ka' pihi kami mokalaja da kami madi' monsusa'i mau ola samian anu itina' hi komiu, tempo'nyo kami nompolele Lele Ma'ima' anu lengkat mae hi Tumpu aijo' toka hi komiu.

1 TIMOTIUS 5:17

Polaya' nu jama'at anu mompojalan kalaja ma'i-ma'ima', patut obee'i bau ponginau' kalajanyo pinduan lipat, lebe-lebe aha anu make-makeke na mompogreja ka' mongajan.