1 TESALONIKA 2:5 - KITAB NU TUMPU ALLA LELE MA'IMAI'

⁵ Posi komiumo na monsumbu' saba' madi' kami motatae anu to tami-tami', kabai mongakali ko kahanda' da momposuluk to nia-niat mangoa. Tumpu na sakisi!

1 TESALONIKA 2:5 ပူးပေါင်းရင်းမြစ်များ

AYUB 16:19

Ku sumbu' saba' anu montinjohi aku kiita' mae i suluga'; Ia na nontutuhakon tukoonyo aku madi' baladosa'.

AYUB 17:5

Susumo koonyo nu kantuang, ihe na mongkalak sangalu kalana molio ka'untungan, to ana-anaknyo saidi' mae na mohumpak balosnyo.

AMSAL 20:19

Mian anu sanang lewa' monsisik mian sangga'at, madi' moko ala monguna' lahasia; boli mogandi-gandi tiba mian anu ola' manjoo na potatae.

AMSAL 26:28

Mombaleko'i mian sumomo mongka'ideki ia. Potatae anu matami' monsaduakon kasilaka'an.

AMSAL 28:23

Mian anu mombee'i pokinde ahennyo lebe o'angga'i nulingkudui na mian anu ola saja' mompuji-puji'.

YESAYA 30:10

Aha nontaloakon hi to nabi-nabi, “Gunggumi na nganga' nu belemiu! Boli mae mompoto'i hi kami hahan anu totu'u, panyo ola ahi' apaa na anu oka'ima'i mami ohongo. Bakas da kami ola saja' mompopikilakon anu madi' mingkaliangan.

YESAYA 56:11

Aha susumo ahi' dedeng anu majoko' anu madi' toho' mobosu. To pola-polaya' haha aijo' madi' mangalati'. Toto samian mombau apaa na anu nu kai' ma'i nu aha ka' molio posi ka'untungan nu aha.

YEREMIA 6:13

Aha iwi-iwi', anu tu'amo tiba anu daagi' anak, molio ka untungan tiba jalan anu madi' hodi'. Paka laus mule' nabi tiba imam suele nongakalimo miam.

YEREMIA 8:10

Kalana aijo' ale' nu aha Ku bee'mo hi tumpu nu tano' sangga'at, ka' mule' bengkele' nu aha Ku bee'mo hi mian sangga'at. Aha iwi-iwi' tu'anyo tiba anak molio ka untungan tiba jalan anu tageo'. Pakalaus mule' nabi tiba imam suele ahi' mongakali mian.

MIKHA 3:5

Bansaku ingakalanmo nu to nabi-nabi anu lewa'mo nongkila-kilakon, mohumpakmo anu ma'ima' na mian anu lewa' mombee'i doi, panyo mongka'ideki ka' madi'mo mompalahatikan mian anu madi' mombee'i apa-apaa. Aha to nabi-nabi anu susumo aijo' Tumpu notatae,

MALEAKHI 1:10

Tumpu Anu Daka' na Kuasanyo notataemo, “Lebe ma'ima' tumban nu Laigan-Ku otumbanmo kalana palasuma ahi' na belemiu mompomoak apu i mezbah-Ku. Madi'mo Ku ka'ima'i na belemiu ka' mule' madi'mo mongka'oho' mongala palasombahan nu belemiu.

MATIUS 22:16

Saba' aha nonsai anu saja' mombatuki aha mamba hi Yesus tiba to pia-piangkuka na mian anu monsangaja'i Herodes. To mia-mian aijo' notatae hi Yesus, “Tuumangku Gulu', osumbu' mami na kita Tuuma madi' mongakali. Kita Tuuma mongajan totu-totu'u mongkona kahanda' nu Tumpu hi mian, madi' mompajuli pikilan mau pe'e pa' ihe, sabab kita Tuuma madi' mompile'i mian.

MATIUS 23:13

“Silakamo na komiu to gulu-gulu' agama ka' to mia-mian nu Farisi! Komiu saja' mombau pula-pula. Komiu ola monsaduakon da mian madi' totu-totu'u timbali mian anu palesayamo hi Tumpu Allah. Posi komiu pe'e madi' mongka'oho' mian anu palesayamo hi Tumpu, ka' mian sangga'at anu oka'oho', miu da boli palesaya. [

SISIKON NU TO RASUL-RASUL 20:33

Ma'isa toho' aku nongkamilui doi kabai pakean lengkat hi toto samian.

ROMA 1:9

Aku saja' monginau' komiu de aku balado'a. Tumpu na nonsakisi apaa na anu tinaloakonkumo aijo' memang totu'u. Iamo na Tumpu anu kuku hongo-hongo buke-buke' na kinyonyoangku, aijo'mo mompolele Lele Ma'ima' mongkona Anak-Nyo.

ROMA 16:18

Kalana to mia-mian anu mombau sumo aijo', misa' mokalaja bau kapentingan i Kristus Tumpunto, panyo ola da mompatika'osa apaa na anu nuka'ima'i i uno nu posi kinyonyoa nu aha. Pagala nusale'i nu potatae nu aha anu toto mata-matami', aha mongakali to mia-mian anu madi' ko anu nupisumbu-sumbu'.

ROMA 9:1

Apaa na anu kutaloakon aiya memang totu'u, kalana aku i Kristusmo na tumpunyo. Aku madi' baleko'. Kinyonyoangku anu pinotiju'mo nu Roh nu Tumpu mompohoson pikilanku, memang potataengku aiya totu'u.

2 KORINTUS 12:17

Iya na toho'! Pa' aku mongala to mia-mian anu kusai hi komiu aijo', aku molio da mohumpak ka'untungan hi komiu?

2 KORINTUS 2:17

Kami madi' sumo mian da'isan anu mompotimbali lele lengkat mae hi Tumpu ola sumo balu-balukon. Pongka'oho' mami anu sahondo-hondonyo, kalana kami binee'anmo kalaja nu Tumpu. Ka' Tumpu na nosi toamo saba' kami nompotokamo lele aijo' susumo to posa-posaihon i Kristus.

2 KORINTUS 4:2

Kami madi' mompake hahan anu oposuluk ka' mongambangi. Kami madi' mongka'oho' mokalaja mongakali kabai monggeo-geo'akon potatae nu Tumpu. Hodi-hodi' na kinyonyoa mami mohongo-hongo apaa na koonyo nu Tumpu mombatuki pongka'oho'-Nyo. Mokonyo aijo' o'inde'i mami da mian iwi-iwi' mompopikilakon kami ima-ima' i uno nu kinyonyoanyo.

2 KORINTUS 7:2

Talima na kami i uno nu kinyonyoa miu. Kami madi' ko sala' hi samian pe'e, ka' madi' toho' ko mian anu pinolugi'mo mami. Kami madi' hondo-hondo nongala ka'untungan mau mule' pa' hi he.

GALATIA 1:20

Apaa na anu tinuliskumo aiya totu'u. Tumpu na monsumbu' saba' aku aiya madi' ahi' baleko'!

1 TESALONIKA 2:10

Kami tumuu' susi', totu'u ka' madi' ko kasala'an hi komiu anu pinalesayamo hi Kristus. Komiumo na to saki-sakisi mami, ka' suele mule' Tumpu.

1 TIMOTIUS 3:3

boli mian anu saja' malangu, kabai anu mongka'ima'i mahantuda'. Sumo aitu mule' ia tionyo ahi' boli buhingison ka' mongka'ima'i baladame. Ia madi' timbali mompopodaka' doi.

1 TIMOTIUS 3:8

Pabantun nu jama'at tionyo ahi' suele mian anu ma'ima' ka' madi' tageo' na kinyonyoanyo; madi' mompopodaka' doi, ka' madi' talalo mongka'ima'i monginum anggur manjoo'.

TITUS 1:7

Polaya' nu jama'at atina'mo mian anu mongatun pakalaja'an nu Tumpu, ia madi' timbali ko kasala'annyo. Ia madi' timbali kobubuun kabai saja' pusa, kabai saja' malangu, kabai mongka'ima'i mahantuda', kabai kinyonyoa saja' mompopikilakon doi.

1 PETRUS 5:2

da belemiu molaya' tompukan nu domba anu pinalesayakonmo nu Tumpu hi belemiu. Oposanang na kinyonyoa de molaya' aha susumo anu nukahanda'i nu Tumpu, ka' boli maboat na kinyonyoa. Boli mule' belemiu mokalaja kahanda' da mohumpak dale', panyo kalana komiu totu-totu'u mongka'oho' mongkalesang.

2 PETRUS 2:18

Aha saja' monsisik anu toto ima-ima' ka' madi' ko kaliangannyo, napisu da masala' nupake nu aha bau pontua to mia-mian anu sala'je montampu'uni mae mompala'i to mia-mian anu tumuu' ginumpomo.

2 PETRUS 2:3

Kalana aha mangoa, sahingga to gulu-gulu' anu madi' totu'u aijo' nonsisikakonmo hi belemiu to sisi-sisik anu o posi kalang da bau pohumpakan ka'untungan hi belemiu. Panyo anu momputusi monabu'akonmo hukuman hi aha pininmo na pinosadia, ka' kabinasa'an anu tinantukanmo bau bagi nu aha hau-haunyomo montanda'imo aha.

YUDAS 1:11

Silaka na aha! Kalana aha nombatukimo jalan anu tinuluanmo i Kain. Da mohumpak doi, aha nontuamo butong nu aha i uno nu kasala'an, pokakana sumo i Bileam. Ka' aha mule' pinateanmo kalana notomuhukmo susumo i Korah.