1 TESALONIKA 2:17 - KITAB NU TUMPU ALLA LELE MA'IMAI'

¹⁷ Panyo to utu-utus, tempo'nyo pe'e kami noga'a-ga'atmo madi' talalo pinin komiu – noga'at i mata, panyo misa' i kinyonyoa – kami saja'mo hondo nolibos hi komiu ka' nongusahakonmo totu-totu'u da mompahakabot mule' tiba komiu.

1 TESALONIKA 2:17 ပူးပေါင်းရင်းမြစ်များ

KOLOSE 2:5

Kalana mau mule' aku to majo'onan tiba komiu, panyo o'anggapmo ahi', au'aitu aku sumo-sumomo daagi' itina' hi komiu. Ka' aku i lame'mo na montoa komiu nosa'angu'mo na kinyonyoa ka' nahosonmo na pinalesaya hi Kristus.

1 KORINTUS 5:3

Butongku majo'on hi komiu, panyo kinyonyoangku itina' hi komiu. Jadi, aku mongka'oho' mongatun susumo au'aitu aku itina' hi komiu, “Tiba sanggo i Tumpu Yesus Kristus, kupoto'i saba' mian anu nombaumo bauon anu mahenyu aijo', tionyo o hukum!” De komiu mogombu, o anggap taalu' aku sumo-sumomo daagi' itina' hi komiu, kalana kuasa nu Tumpunto i Yesus,

1 TESALONIKA 3:6

Uuka i Timotius ninsusule'mo mae ka' nompotokamo hi kami lele anu moko lame' mongkona mosia na komiu palesaya hi Kristus, ka' mompaha kali-kalibosi. Ia nompoto'imo hi kami tukoonyo komiu saja' montutugi hahan anu ma'ima' mongkona kami i kinyonyoa miu. Ka' komiu ko kahanda' mompahakabot tiba kami, pokakanamo sumo kami mule' ko kahanda' mompahakabot tiba komiu.

ROMA 1:13

To Utu-utusku! Ku indi da osumbu' miu taalu' saja'mo na aku mompai kahanda'i montoa komiu, panyo saja' ko anu monsalempodi. Ku indi da itina' hi komiu suele kalajangku ko hasinnyo susumo kalajangku anu kinohasinnyomo hi to mia-mian anu misa' Yahudi i tampat-tampat sangga'at.

ROMA 15:23

Panyo u'uka aiya kalajangku i da'erah haha aijo' i ningkotmo. No tau-taunmo na kopinnyo aku nontanto mamba montoa komiu.

LUKAS 22:15

Lantas ia notataemo hi aha, “Aku mongka'oho' hondo mongkaan kaanon nu Paskah aiya tiba komiu hau-haunyo aku ma'isa mongoa'i sansala!

MAZMUR 63:1

Mazmur i Daud, tempo'nyo ia kiijo' mae i tampat anu mateges hondo i tano' Yehuda.

SISIKON NU TO RASUL-RASUL 17:10

Pihi-pihi aitu to mia-mian palesaya i kota aijo' nompokaumo i Paulus ka' i Silas namba nokiijo' i Berea. Sinaintoka i kiijo', mae i Paulus ka' i Silas nambamo i laigan pogalejaan nu Yahudi.

2 TOMU-TOMUNDO' 5:26

Panyo i Elisa notataemo, “Kinyonyoangku kiijo' mae tempo'nyo i Naaman nintatau'mo i karetanyo nonsingkaboti beleyum. Uuka misa'mo tempo'nyo na mongala doi ka' bau pongoli ale' nu zaitun, ale' nu anggur, domba ka' sapi' tiba to posa-posaihon!

2 SAMUEL 13:39

panyo salatan i Daud madi'mo sinusa' na kinyonyoanyo, ia daagi ahi' saja' nonginau i Absalom.

KAJADIAN 48:11

Lantas notataemo na i Yakub hi Yusuf, “Madi'mo tinaha'imananku daagi' singkabot tiba beleyum, panyo uuka aiya Tumpu Allah ahi' na nompobee' aku da montoa to ana-anak nu beleyum.”

KAJADIAN 45:28

Ia notataemo: “Anakku i Yusuf daagi' tutuu'! Ola aijo' na anu ku kahanda'i! Aku tionyo ahi' mambamo ka' montoa ia da ma'isa pe'e aku silaka!”

KAJADIAN 31:30

Ku sumbu' na beleyum nambamo mae, aijo' kalana mongka'oho'mo minsusule' mae, panyo kadaka' beleyum nontomangmo mae patong anu bau ponjagai kami salaigan?”

LUKAS 12:58

De ko mian anu mongkalak komiu hi mian kopian, sabole-bole o usahakon da o putusi na komiu hau-haunyo komiu daagi' i tonga' nu jalan. De madi' nuhela'mo na komiu mokiijo' i ahop nu mian kopian, sahingga Pulisi momposoopmo komiu i uno nu talungku'.