1 TESALONIKA 2:16 - KITAB NU TUMPU ALLA LELE MA'IMAI'

¹⁶ Ka' aha nontewa'mo kami mompolele hi aha to bansa-bansa anu misa' Yahudi, lele anu timbali momposalamat bansa haha aijo'. Tiba jalan anu sumo aijo' komiu mian nu Yahudi aijo' saja'mo montuangi to dosa-dosa' nu aha sampe konjoo'nyo sampa'mo. Ahennyo uuka aiya aha nu konaimo nu tambuha' nu Tumpu.

1 TESALONIKA 2:16 ပူးပေါင်းရင်းမြစ်များ

KAJADIAN 15:16

Salatan patolapismo na anu o lee'akon, to maku-makumpu nu beleyum po'ule'mo minsusule' mae i aiya, kalana Aku madi' molaa' mian nu Amori, de ma'isa pe'e kalakuan nu aha jadimo ma'idek hondo. Sahingga palalumo ahi' o hukum.”

YESAYA 45:22

O, iwi-iwi' na anu jojoong i dunia, po ule' mae toka hi beleng-Ku da belemiu oposalamat, kalana olanyomo Aku na Tumpu madi'mo daagi' kosangga'atannyo!

DANIEL 8:23

De palabuatan anu ma'idek taha-tahahumo basida saba' aijo'mo na tandanyo kalaja'an haha aijo' malia'mo mingkot, sahingga samian na tomundo' anu bahangihi' ka' mule' pande na mongakali tokamo mae.

MALEAKHI 4:1

Tumpu Anu Daka' na Kuasanyo notataemo, “Tokaje na sinaanyo iwi-iwi' na mian anu buulon tiba mian anu ma'idek na palabuatannyo opapuimo susumo hat. Kona i sinaa aijo' aha opapuimo sampe motanggot iwi-iwi', sahingga aha aijo' madi'mo daagi ko anu tontuha'.

MALEAKHI 4:5

Panyo ma'isa pe'e sinaanyo anu opalias ka' mule' anu okabuhuk aijo' titinantukan-Kumo tokamo mae, Ku palentah pe'e mamba hi belemiu na i Nabi Elia.

MATIUS 12:45

Lantas ia namba ka' nomboa popitu' na roh sangga'at anu lebe ma'idek molingkudui ia. Lantas aha ninsoop i uno nu mian aijo' ka' ia jinojoong i kiijo'. Ka' ahennyo balu-balu'nyo nu mian aijo' timbali lebe ma'idek molingkudui uuka mae momona. Aijo'mo suele na timbali tiba to mia-mian tempo' uuka.”

MATIUS 23:32

De sumo aitu janjulakonmo ka' baumo na to dosa-dosa' anu tinampu'unanmo nu mompolee' miu aijo'!

MATIUS 24:14

Ka' Lele Ma'ima' mongkona mosia na Tumpu mompalentah o polele i songko-songko na dunia, da iwi-iwi' na mian mohongo. Lapas aitu, tokaje na kakiamatan.”

MATIUS 24:6

Komiu mohongoje lintup nu pahampatean ka' lele nu pahampatean, panyo boli mabuhuk. Kalana hahan aijo' tionyo timbali, panyo aijo' misa' alati'nyo tempo'mo nu kakiamatan.

MATIUS 3:12

I lima-Nyo daagi' ko kiapan bau pontapii iwi-iwi' na gandum-Nyo sampe belesi'. Gandum nu polimu' i uno nu alang, panyo iwi-iwi' na ota'-Nyo o papui i uno nu apu anu madi' toho' mate.”

MARKUS 16:16

Mian anu madi' palesaya o hukum. Panyo mian anu palesaya o palamandikan, da salamat.

SISIKON NU TO RASUL-RASUL 13:45

Salatan to mia-mian nu Yahudi nontoa mian da'isan aijo', nasakit hondo na kinyonyoa nu aha. Aha nompopo'ise'mo i Paulus ka' nonggagakonmo iwi-iwi' anu tinaloakonnyo.

SISIKON NU TO RASUL-RASUL 13:50

Panyo to pangka-pangkat daka' i kota aijo', ka' to bouboune gampa nu aha to mia-mian anu ko pangkat matangkas anu mabuhuk hi Tumpu, sinale'anmo nu to mia-mian Yahudi. Aha nonsabapi da mo'uwali tiba hi Paulus ka' i Barnabas, ka' nolaa' ua-ua'aha mompala'i tano' aijo'.

SISIKON NU TO RASUL-RASUL 14:19

To pia-piangkuka na mian nu Yahudi anu tinoka nokiijo' i Listra lengkat mae i Antiokhia i Pisidia ka' lengkat i Ikonium monsale'i mian da'isan aijo', sahingga mian da'isan aijo' nosambiha'mo hi aha. Aha nompahambunu'akon i Paulus nu batu, lapas aijo' i hela' nu aha na ia nosabat nokiijo' i sambiha' nu kota. Aha nonsangka ia i natemo,

SISIKON NU TO RASUL-RASUL 14:2

Panyo to mia-mian Yahudi anu madi' mongka'oho' palesaya, nonsale'imo to mia-mian misa' Yahudi, sahingga nonsabapimo aha mongka'ideki to mia-mian anu palesayamo hi Yesus.

SISIKON NU TO RASUL-RASUL 14:5

Lantas to mia-mian Yahudi tiba to pola-polaya'nyo no hingga-hinggat tiba mian anu misa' Yahudi nomposa'angu'mo tanga'an da monsakisa ka' mompahambunu'akonmo to rasul-rasul aijo' nu batu.

SISIKON NU TO RASUL-RASUL 17:13

Salatan to mia-mian Yahudi i Tesalonika nohongomo saba' i Paulus nompolelemo suele potatae nu Tumpu i Berea, aha suele tinokamo i Berea monsale'i ka' nongkakeha'i to mia-mian i kiijo' da madi' sinanang.

SISIKON NU TO RASUL-RASUL 19:9

Panyo to pia-piangkuka na anu hi to mia-mian aijo' panggaga ka' madi' mongka'oho' palesaya. I ahop nu iwi-iwi' na mian anu binalagombu i kiijo' aha mongalu ajalan mongkona tanga'an nu Tumpu Allah da momposalamat mian hi Yesus. Mokonyo aijo' i Paulus nompala'i aha, lantas namba tiba anu saja' mombatuki Yesus nokiijo' i tampat pongajanannyo i Tiranus. I kiijo' mae toka nu sansina-sinaa ia paimpoki-pokilawan tiba to mia-mian.

SISIKON NU TO RASUL-RASUL 21:21

Ka' uuka aha nohongomo taalu' kita Utus nongajanmo iwi-iwi' mian nu Yahudi anu jojoong hi aha i bansa sangga'at, da madi'mo mohongo atulan i Musa. Kita Utus nompokinde'imo aha, da aha madi'mo monsunat te to ana-anak nu aha kabai mombatuki adat kabiasa'an nu Yahudi.

SISIKON NU TO RASUL-RASUL 23:12

Subu-subu dodododopnyo, to mia-mian Yahudi nontampu'unimo nomposa'angu' tanga'an. Aha binasumpa'mo madi' mongkaan kabai monginum de aha ma'isa pe'e mompatei i Paulus.

SISIKON NU TO RASUL-RASUL 24:9

To mia-mian Yahudi anu i kiijo' suele nontuukmo i Paulus ka' mompototu'u iwi-iwi' anu tinaloakon i Tertulus.

SISIKON NU TO RASUL-RASUL 25:2

I kiijo' mae to kapa-kapala nu imam ka' to pola-polaya' nu Yahudi nompotoka hi ia palakala nu aha mongkona i Paulus. Aha saja'mo monsale'i i Festus

SISIKON NU TO RASUL-RASUL 25:7

Salatan i Paulus tinokamo, to mia-mian nu Yahudi anu tinokamo lengkat mae i Yerusalem tinuminjomo nontikubi ia, ka' nontampu'unimo nontuuk bau pompiboati ia. Panyo aha madi' noko ala nomponyata' pontuuk haha aijo'.

SISIKON NU TO RASUL-RASUL 4:12

Ola ahi' kalana i Yesus mian oposalamat. Kalana i songko-songko nu dunia i totonga' nu mian madi' ko samian pe'e na anu nohumpakmo kakuasa'an lengkat mae hi Tumpu da momposalamat kita.”

SISIKON NU TO RASUL-RASUL 9:23

Salatan tinompoliumo to pia-pia manga, to mia-mian Yahudi nomposa'angu'mo tanga'an da mompatei i Saulus.

1 KORINTUS 10:33

Tumuu'mo susumo aku. Aku bala usaha momposanang kinyonyoa nu mian iwi-iwi' i uno nu lupa-lupa na han, madi' ko kahanda' bau kapentingan nu posi butong. Patujungku ola da aha iwi-iwi' timbali oposalamat.

GALATIA 5:11

Mongkona aku, to Utu-utus, kadaka' aku saja' oka'ideki de aku daagi' mompolele tukoongku atulan nu sunat aijo' daagi' ahi' palalu? De aku memang mompolele sumo aijo', saba' anu ku polele mongkona salib i Kristus madi'mo timbali monsaduakon painggagan.

EFESUS 3:13

Mokonyo aijo', anu kupoita, aijo'mo: boli bata-bata mongkona apaa na anu ingoa'ankumo, aku sinansala kalana komiu, kalana iwi-iwi' aijo' da bau ka'ima'an miu.

EFESUS 3:8

Iwi-iwi' na mian anu palesayamo hi Tumpu, akumo na anu talalo madi' ko angga'nyo. Panyo Tumpu nombee'imo aku balakat aiya: kalaja da mompolele hi to mia-mian anu misa' Yahudi Lele Ma'ima' mongkona kakaya'an i Kristus anu madi' ko kamingkotannyo;

1 TESALONIKA 1:10

Aha notatae mule' mongkona mosia na komiu montaha'imani katokaan nu Anak nu Tumpu lengkat mae i suluga', aijo'mo i Yesus, anu sinilakamo po'ule'mo pinotumuu' nu Tumpu. I Yesusmo ai-aijo' na anu momposalamat kita i tambuha' nu Tumpu anu saidi' mae toka.

2 TESALONIKA 2:10

Ia mompake iwi-iwi' na kapandean anu ma'idek bau pompobingong to mia-mian anu opateimo. Aha tionyo ahi' opateimo sabab madi' montalima ka' madi' mongka'ima'i lele anu totu'u lengkat mae hi Tumpu anu timbali momposalamat aha.

1 TIMOTIUS 2:4

Ia mongka'oho' da iwi-iwi' na mian oposalamat, ka' monsumbu' anu totu'u.

IBRANI 6:8

Panyo de tano' aijo' mohasinakon to pada-padang ka' anu tumuu' kohii'nyo, saba' tano' aijo' madi' ko gunanyo ka' saidi' mae nu kutukimo nu Tumpu ka' ahennyo opapui sampe mingkot.

ANU PINOTO'I HI YOHANES 22:11

Mian anu ma'idek, bakasmo da saja' mombau anu ma'idek; mian anu mahenyu, bakasmo da mahenyu na butongnyo; mian anu mombatuki pongka'oho' nu Tumpu, bakasmo da saja' mombatuki pongka'oho' nu Tumpu, ka' mian anu tumuu' samata-mata hi Tumpu, bakasmo da saja' tumuu' hi Tumpu.”