1 TESALONIKA 2:13 - KITAB NU TUMPU ALLA LELE MA'IMAI'

¹³ Daagi' mule' ko sa'angu' na han anu sangga'at, anu mombau kami saja' montalima kase hi Tumpu. Han aijo' aitumo, saaba' tempo'nyo kami nompotokakon lele lengkat mae hi Tumpu Allah toka hi komiu, komiu nohongomo ka' montalimamo lele aijo' misa' sumo lele lengkat hi mian, panyo sumo lele anu totu-totu'u lengkat mae hi Tumpu. Iamo na anu mokalaja i uno nu butong miu anu pinalesayamo hi Kristus.

1 TESALONIKA 2:13 ပူးပေါင်းရင်းမြစ်များ

YEREMIA 44:16

“Kami madi'mo mongka'oho' mohongo apaa anu nu poto'i mae nu beleyum hi kami atas sanggo nu Tumpu.

HAGAI 1:12

Lapas aijo' i Zerubabel tiba Yosua ka' iwi-iwi' na mian Israel anu ninsusule'mo mae lengkat itampat pinomboan ka' pinompojoongan kiijo' mae i Babel nontulutimo potatae i Hagai posaihon nu Tumpu aijo'. Aha nombaumo apaa na anu pinalentahkonmo nu Tumpu hi aha kalana nabuhukmo hi Tumpu.

MATIUS 10:20

Kalana anu motatae tempo'nyo aijo' misa' komiu, panyo Roh nu Tuuma i suluga' na montaloakon hi komiu.

MATIUS 10:40

“Mian anu montalima komiu, montalima Aku. Ka' mian anu montalima Aku, montalima Ia anu nonsai Aku.

LUKAS 11:28

Panyo i Yesus nontaami, “Lebe bilahi mule' na mian anu mohongo potatae nu Tumpu ka' mombau palentah-Nyo!”

LUKAS 5:1

Daagi' ko tempo' sa'angu' i Yesus tinuminjo i biwi nu Dowiwi Genesaret. Da'isan na mian anu nompaha genso-gensotmo da mohongo sisik lengkat mae hi Tumpu.

LUKAS 8:11

“Aiya na alati'nyo nu kantuangan aijo': Bine' aijo', aijo'mo potatae nu Tumpu.

LUKAS 8:21

Panyo i Yesus notatae hi aha, “To mia-mian anu mohongo potatae nu Tumpu ka' montuluti, ahamo na tina ka' to utu-utus-Ku.”

YOHANES 15:3

Komiu binalasinmo, kalana pokinde' anu binee'-Ku hi komiu.

YOHANES 17:17

Potimbali na aha matungka' kita Tuuma na tumpunyo, aijo' nyata' i kahondoan; potatae nu kita Tuuma aijo'mo na kahondoan.

YOHANES 17:19

Bau kapalaluan nu aha, Aku mombee' butong-Ku da osumbu' ahi', taalu' kita Tuuma na tumpunyo, da aha suele timbali matungka' kita Tuuma na tumpunyo, aijo' nyata' i hahan anu hondo.

SISIKON NU TO RASUL-RASUL 10:33

Aijo' na sababnyo aku nalia-lia' nonsai mian mamba molaga i Tuan. Ka' i Tuan totu'u ma'ima' na kinyonyoa da toka mae. U'uka aiya kami iwi-iwi' silimu'mo i ahop nu Tumpu, da mohongo iwi-iwi' anu osaiakon nu Tumpu da otaloakon i Tuan hi kami.”

SISIKON NU TO RASUL-RASUL 13:48

Tempo'nyo to mia-mian bansa sangga'at anu misa' Yahudi nohongo aijo', aha sinanangmo hondo, lantas nompuji-puji'mo potatae nu Tumpu. Ka' to mia-mian anu tinantukanmo nu Tumpu da mohumpak kantumuu'an ma'ima' ka' sampe toka sidu-sidutu', mian haha aijo' pinalesayamo.

SISIKON NU TO RASUL-RASUL 16:14

Samian anu lengkat aijo' hi aha, aijo'mo na anu lewa' mompobaluk hude mingkamumu', sanggonyo i Lidia nolengkat mae i Tiatira. Ia mongkalibosi Tumpu, sahingga Tumpu nohenggoakon kinyonyoanyo da ia montalima apaa na anu no ajanakon i Paulus hi ia.

SISIKON NU TO RASUL-RASUL 17:11

To mia-mian i Berea madi' mompohowini apaa na anu i uno nu kinyonyoanyo, madi' pokakana to mia-mian i Tesalonika. Sanang hondo na kinyonyoa nu aha mohongo lele mongkona i Yesus, ka' toka nu sansina-sinaa aha monselidiki Kitab nu Tumpu, da nusumbu' nu aha pa' totu'u na pangajalan i Paulus aijo'.

SISIKON NU TO RASUL-RASUL 17:32

Salatan to mia-mian aijo' nohongo mongkona anu natemo po'ule' tinumuu', daagi' ko anu lengkat aijo' hi aha nongkokojoimo i Paulus. Daagi' mule' ko anu notatae, “Kami ka'oho' mohongo kita Utus motatae mule' mongkona han uuka.”

SISIKON NU TO RASUL-RASUL 2:41

Manjoo' na mian palesaya i anu nu taloakon i Petrus, lantas aha pinalamandikan. Sahingga konjoo' nu mian palesaya i sinaa aitu nintuang mule' totolu' na madala na mian.

SISIKON NU TO RASUL-RASUL 8:14

To Rasul-rasul i Yerusalem nohongo tukoonyo nu aha to mia-mian nu Samaria nontalimamo potatae nu Tumpu. Kalana aijo' aha nonsai i Petrus ka' i Yohanes namba nokiijo'.

ROMA 10:17

Mokonyo aijo' to mia-mian timbali palesaya kalana aha mohongo lele, ka' lele o hongo kalana daagi' ko mian anu mompolele pa' mosia na i Kristus anjo'.

2 KORINTUS 3:18

Uuka aiya ohupto iwi-iwi' madi'mo kinukumbungan nu kukumbung, ka' kita monjingkakonmo lonyingkaban nu i Tumpu Yesus. Ka' kalana aijo' kita saja' obali'i susumo ia lebe pin lebe timbalimo lonyingkaban na kita. Anu mompolonyingkaban aijo' lengkat mae hi Roh, ka' Roh aijo'mo na Tumpu.

GALATIA 4:14

Tempo'nyo aitu komiu madi' nongkahumimi'i aku, maumo ka'ada'an nu butongku sumomo salaku bau ponsobai anu talalomo hondo hi komiu. Komiu ola ahi' nontalimamo aku sumo montalimamo malaikat nu Tumpu kabai sumo nontalimamo i Kristus Yesus.

KOLOSE 1:6

Lele lengkat mae hi Tumpu aijo' tinogilelemo i songko-songko na dunia, ka' kantumuu'an nu mian lajangmo binalakatan nu lele aijo', pokakana sumo kantumuu'an miu binalakatanmo salatan pe'e tempo'nyo komiu nohongomo balakat nu Tumpu, ka' totu-totu'u ingoa'anmo.

IBRANI 4:12

Potatae nu Tumpu aijo'mo na potatae anu tumuu' ka' mahoson; molingkudui tajom nu bajak anu ko matanyo ohua'. Potatae aijo' monsusuk toka-toka i kinyonyoa ka' santuu'; toka-toka i to losu-losuan ka' touak na buku, sahingga monsumbu' totu-totu'u pikilan ka' tanga'an nu mian.

IBRANI 4:2

Kalana Lele Ma'ima' aijo', pinolelemo hi kita pokakana sumo hi aha. Panyo hi aha lele aijo' madi' kino kaliangannyo. Kalana mau mule' i hongomo nu aha, aha madi' ahi' palesaya.

YAKOBUS 1:18

Posi pongka'oho'-Nyo na Ia nompotimbalimo kita to ana-anak-Nyo kalana nohongomo potatae-Nyo anu totu'u. Binau-Nyo sumo aijo' da kita mohumpak tampat anu talasanggo molingkudui iwi-iwi' anu ko nyawa-Nyo anu pinotimbalimo nu Tumpu.

1 PETRUS 1:23

Kalana potatae anu tumuu' ka' sampe toka sidu-sidutu' lengkat mae hi Tumpu aijo', belemiu pinotimbalimo manusia bu'ou anu misa' i hampeakon nu manusia, panyo lengkat mae hi Tuuma anu tumuu' sampe toka sidu-sidutu'.

1 PETRUS 1:25

panyo potatae nu Tumpu tataap sampe toka sidu-sidutu'.” Potatae nu Tumpu aijo' Lele Ma'ima' anu binebakonmo hi belemiu.

1 PETRUS 2:2

Tionyo ahi' komiu timbali sumo bunga mea' anu sala'je i hampe, saja' megot kahanda' monginum susu nu rohani anu madi' ko galo'nyo. Desumo aitu yo belemiu tumuu' ka' oposalamat.

2 PETRUS 3:2

Ku poto'i da belemiu monginau' iwi-iwi' na potatae anu naipuan mae tinaloakonmo nu to nabi-nabi nu Tumpu, ka' palentah suele lengkat mae hi Tumpu, Tomundo anu Momposalamat, anu pinotokamo hi belemiu nu to rasul-rasul.

1 YOHANES 3:3

Iwi-iwi' na mian anu montaha'imani i Kristus susumo aiya, mompokopiani ahi' butongnyo da totu-totu'u susi', belesi' madi' baladosa' sumo i Kristus susi'.