1 TESALONIKA 2:10 - KITAB NU TUMPU ALLA LELE MA'IMAI'

¹⁰ Kami tumuu' susi', totu'u ka' madi' ko kasala'an hi komiu anu pinalesayamo hi Kristus. Komiumo na to saki-sakisi mami, ka' suele mule' Tumpu.

1 TESALONIKA 2:10 ပူးပေါင်းရင်းမြစ်များ

YEREMIA 18:20

Pa' pantas na palabuatan anu ma'ima' obalosakon nu palabuatan anu ma'idek? Panyo aha nongkekemo bolo' da aku manabu' i unonyo. Inau'akon mae kalana aku nontinjohimo aha i ahop nu Belento, da Belento bolimo montambuha'i aha.

NOMBILANGMO 16:15

I Musa notambuha'mo hondo ka' notataemo hi Tumpu, “Tumpu, boli mongala palasombahan nu aha. Madi' toho' aku mompolugi' mau pe'e samian anu aijo' hi aha; ka' sa'angu' pe'e na keledai ma'isa toho' ingalangku aijo' hi aha.”

LUKAS 23:41

Ola hukuman hi kita ohua' yo timbangnyomo tiba anu binaunto! Panyo Ia madi' hondo ko sala'nyo!”

SISIKON NU TO RASUL-RASUL 20:18

Salatan aha tinokamo, i Paulus notataemo hi aha, “To Utu-utus monsumbu'mo mosia na aku tinumuu' sumo uukamo na kopinnyo atina' hi komiu daagi' pe'e i sinaa momonanyo aku tinoka i Asia.

SISIKON NU TO RASUL-RASUL 20:26

Mokonyo aitu totu-totu'u hondo na kutaeyakon hi komiu sinaa uuka aiya, saba' de daagi' ko anu atina' hi komiu silaka saidi' mae, atina' misa' sala'ku.

SISIKON NU TO RASUL-RASUL 24:16

Mokonyo aijo' aku saja' bala usaha ima-ima', da kinyonyoangku belesi hi Tumpu, ka' belesi hi sangko mian.

2 KORINTUS 1:12

Kami sanang kalana kinyonyoa mami na mompohoson kami, saba' kantumuu'an mami i dunia aiya – anu talalo hondo pompahasumbu'an mami tiba kita Utus – pinojalanmo mami ma'i-ma'ima' ka' sahondo-hondonyo. Kami nombau aijo' misa' kalana kapandean nu mian, panyo kalana kahosonan anu binee' nu Tumpu Allah.

2 KORINTUS 11:11

Kadaka' aku motatae sumo aitu? Ugaat kalana aku madi' mongkalibosi komiu? Nu sumbu' nu Tumpu na aku mongkalibosi komiu!

2 KORINTUS 11:31

Tumpu Tuuma i Tumpu Yesus monsumbu' saba' aku madi' baleko'. Puji' na sanggo-Nyo sampe toka sidu-sidutu'.

2 KORINTUS 4:2

Kami madi' mompake hahan anu oposuluk ka' mongambangi. Kami madi' mongka'oho' mokalaja mongakali kabai monggeo-geo'akon potatae nu Tumpu. Hodi-hodi' na kinyonyoa mami mohongo-hongo apaa na koonyo nu Tumpu mombatuki pongka'oho'-Nyo. Mokonyo aijo' o'inde'i mami da mian iwi-iwi' mompopikilakon kami ima-ima' i uno nu kinyonyoanyo.

2 KORINTUS 5:11

Osumbu' mami apaa na alati'nyo mabuhuk hi Tumpu; mokonyo aijo' kami bala usaha da mian monsumbu' hondo-hondo butong mami. Tumpu monsumbu' hondo kami, ka' suele ku poita na komiu da monsumbu' kami i uno nu kinyonyoa miu.

2 KORINTUS 7:2

Talima na kami i uno nu kinyonyoa miu. Kami madi' ko sala' hi samian pe'e, ka' madi' toho' ko mian anu pinolugi'mo mami. Kami madi' hondo-hondo nongala ka'untungan mau mule' pa' hi he.

1 TESALONIKA 1:5

Kalana kami mompotokakon Lele Ma'ima' hi belemiu misa' ola potatae, panyo mule' tiba kuasa ka' tiba Roh nu Tumpu, ka' kami palesaya hondo na kahondoan lengkat i Lele Ma'ima'. Osumbu' miu mosia na kami tinumuu' nombaumo kapentingan miu tempo'nyo kami jinojoong itina' hi komiu.

1 TESALONIKA 2:5

Posi komiumo na monsumbu' saba' madi' kami motatae anu to tami-tami', kabai mongakali ko kahanda' da momposuluk to nia-niat mangoa. Tumpu na sakisi!

2 TESALONIKA 3:7

Posi komiu monsumbu'mo, saba' komiu tionyo ahi' montiho' sonto' kami. Kami madi' lewa' moluluk tempo'nyo kami daagi' itina' mae hi komiu.

1 TIMOTIUS 4:12

Boli mompojohok maumo ola samian na monsangka beleyum madi' kogunanyo kalana beleyum daagi' olitau. Panyo ola ahi' tionyo beleyum timbali bau sonto' hi to mia-mian anu palesayamo i sisik nu beleyum ka' kalakuan nu beleyum i uno nu han beleyum mongkalibosi sangko mian ka' palesaya hi Yesus Kristus, ka' kantumuu'anum mule' ma'ima'.

2 TIMOTIUS 3:10

Panyo beleyum nontulutimo to aja-ajalanku, kalakuanku, ka' patuju nu kantumuu'anku. Beleyum nosi toamo mosia na aku totu-totu'u palesaya hi Yesus Kristus ka' mongkalibosi sangko mian. Beleyum mule' monsumbu' kasabalan ka' kahosonan nu kinyonyoangku.

1 PETRUS 5:3

Boli mompalentah sumo anu mongkuasai aha anu pinalesayakonmo hi komiu, panyo timbali ahi' sonto' hi aha.