1 TESALONIKA 1:8 - KITAB NU TUMPU ALLA LELE MA'IMAI'

⁸ Kalana tinampu'unan lengkat mae hi komiu, na lele mongkona Tumpu tinogilelemo toka-toka i Makedonia ka' i Akhaya. Ka' misa' ola aitu; panyo lele mongkona mosia na komiu palesaya hi Tumpu Allah tinokamo iyaya mae, sahingga kami madi'mo palalu montaloakon apa-apaa.

1 TESALONIKA 1:8 ပူးပေါင်းရင်းမြစ်များ

NOSABATMO 18:9

Nohongo iwi-iwi' aijo', i Yitro i lame'mo,

YESAYA 2:3

aha iwi-iwi' motatae, “Imbo' da kita mokiita' mindako i ‘Bungkutnyo nu Tumpu,’ ilaigan nu Tumpu Israel. Laje na mongajan mae kita apaa na anu tionyo ahi' obaunto. Kita mombatukimo kajalanan-Nyo kalana ajalan nu Tumpu molengkat mae i Yerusalem, Ia motatae lengkat mae i Sion.”

YESAYA 52:7

Talalo hondo sanang na montoa katokaan nu mian anu sinai mae; ia lumajang notulu i bungkutnyo ka' nomboa lele ma'ima', lele anu moko bilahi kantumuu'an, lele kasalamatan hi aha Sion; koonyo, “Tumpu nu beleyum Tomundo!”

YESAYA 66:19

Aku mompo'una'mo sa'angu' na tanda aijo' hi aha. Madi' manjoo' na anu aijo' hi aha na anu Ku posalamat. Aha Kusai mamba hi to bansa-bansa, ilipu' anu toto jo'o-jo'on, anu ma'isa toho' nohongo lele mongkona Aku kabai nontoa katalasanggoan tiba kuasang-Ku: mamba i Spanyol, i Libia, tiba i Lidia tiba anu to pande-pande na mompana', mamba i Tubal, tiba i Yunani. Aha saidi' mae mombebakonmo katalasanggoan-Ku i bansa haha aijo'.

SISIKON NU TO RASUL-RASUL 18:12

Salatan i Galio tinimbalimo gubernur nu Akhaya, to mia-mian Yahudi nosa'angu'mo mongewa i Paulus ka' nomboamo ia mokiijo' hi anu momputusi.

ROMA 1:8

Momonanyo aku montalima kaseh hi Tumpu, kalana i Yesus Kristus ka' mule' hi to Utu-utus iwi-iwi'; kalana songko-songko na dunia nohongomo saba' komiu pinalesayamo hondo hi Kristus.

ROMA 15:26

Kalana to jama'-jama'at i Makedonia ka' i Akhaya nonsetujuimo mombee'i pontulungi to Utu-utus anu kasiasi, hi mian anu palesayamo hi Tumpu kiijo' mae i Yerusalem.

ROMA 16:19

Iwi-iwi' na mian nonsumbu'mo, komiu mohongo-hongo hondo pangajalan mongkona Lele Ma'ima' anu nolengkat mae hi Tumpu. Ka' aku mule' sanang i han anu sumu aijo' hi komiu. Kugagan da komiu pande i hahan anu ma'ima', ka' ponga' i hahan anu ma'idek.

1 KORINTUS 14:36

Pa' potatae nu Tumpu aijo' nolengkat mae hi komiu? Kabai ola hi beleyum na pompotokan potatae aijo'?

2 KORINTUS 2:14

Panyo talima kase hi Tumpu! Ia saja' nolaya' kami nombatuki balondaan i kamenangan i Kristus kalana kami tumuu' nosa'angu'mo tiba Ia. Tumpu nompake kami da lele mongkona i Kristus tolele sumo nohong anu monohongi iyaya mae.

2 KORINTUS 3:4

Kami motatae sumo aijo' kalana palesaya mami totu-totu'u hi Tumpu anu i humpak hi Kristus.

KOLOSE 3:16

To panga-pangajalan i Kristus anu nobuke'mo nu balakat tionyo ahi' oposoop i uno nu kinyonyoa miu. Komiu sabole-bole ahi' mompaha pogu-pogulu' ka' mompaha bebee'i pokinde' da pande. O nyanyi na mazmur ka' anu bau pompuji-puji' tiba to elo-elok nu rohani; o nyanyiakon hi Tumpu bau pontalima kase i uno nu kinyonyoa miu.

2 TESALONIKA 1:4

Mokonyo aijo' kadaka' kami saja' monsisik komiu, de kami mambamo molenga to jama-jama'at nu Tumpu. Obuulakon kami na monsisik mosia na komiu tataap mahoson na palesaya hi Kristus i uno nu ponsakisa'an ka' kasansala'an anu ingoa'anmo miu.

2 TESALONIKA 3:1

Ka' mule' to Utu-utus, do'akon mae na kami. Balado'a da lele lengkat mae hi Tumpu saja' sampa tolele ka' otalima ma'i-ma'ima' susumo anu toho'mo jinadi hi komiu u'utu mae.

1 TIMOTIUS 2:8

Ku kahanda'i da mau mule' iya mae na to momo'ane balado'a ming kinyonyoa ahi' anu susi', madi' pusa kabai ko po'uwalian.

2 TIMOTIUS 2:9

Kalana mompolele Lele Ma'ima' aijo', nonsaduakonmo aku sinilaka; pinaka mule' i lante' sumo samian anu uesan. Panyo potatae nu Tumpu madi' opoko ala o lante'.

3 YOHANES 1:12

Iwi-iwi' na mian mompuji' i Demetrius. Maumo Tumpu suele mompuji' ia. Kami suele mompuji' ia, ka' osumbu' nu kita Utus saba' apaa na anu pinotokakonmo mami timbali opalesaya.

ANU PINOTO'I HI YOHANES 14:6

Lantas aku nontoa samian na malaikat sangga'at anu i lumahap tangka-tangkas aita' i langit. Malaikat aijo' momboa lele mongkona Lele Ma'ima' anu sampe toka sidu-sidutu' da opotokakon hi mian i dunia aijo'mo, toka hi iwi-iwi' na bansa, tulunan, basa', ka' negara.

ANU PINOTO'I HI YOHANES 22:17

Roh nu Tumpu ka' Boting Boune aijo' notatae, “Imbo'mo!” Ihe na mian anu mohongo aiya, tionyo suele motatae, “Imbo'mo!” Ihe na anu megot, tionyo ia toka! Ka' ihe na anu mongkamilui, tionyo ia mongala uee anu mombee'i kantumuu'an aijo' madi' opai oli.