1 TESALONIKA 1:10 - KITAB NU TUMPU ALLA LELE MA'IMAI'

¹⁰ Aha notatae mule' mongkona mosia na komiu montaha'imani katokaan nu Anak nu Tumpu lengkat mae i suluga', aijo'mo i Yesus, anu sinilakamo po'ule'mo pinotumuu' nu Tumpu. I Yesusmo ai-aijo' na anu momposalamat kita i tambuha' nu Tumpu anu saidi' mae toka.

1 TESALONIKA 1:10 ပူးပေါင်းရင်းမြစ်များ

KAJADIAN 49:18

O Tumpu, kasalamatan anu obee' nu Belento aijo'mo na anu kupo-kupopea'.

MATIUS 1:21

I Maria mohampeakonje samian na anak mo'ane. Anak aijo' tionyo nu sanggohi i Yesus, kalana Ia na momposalamat mian anu palesayamo hi Ia lengkat i dosa' nu aha.”

MATIUS 16:27

Madi'mo pin Anak nu Mian, mohingga-hinggatmo tiba to mala-malaikat-Nyo tokamo mae tiba kuasa nu Tuuma-Nyo. Tempo'nyo aitu Ia mombalosimo toto samian sitimbang tiba i palabuatannyo.

MATIUS 16:28

Da osumbu' anu daagi' aiya hi komiu, daagi' ko anu madi' silaka, de ma'isa pe'e montoa Anak nu Mian toka mae sumo Tomundo.”

MATIUS 3:7

Manjoo' suele na mian nu Farisi tiba Saduki tinoka hi Yohanes da o palamandikan. Panyo tempo'nyo ia nontoa aha tinokamo mae ia notatae hi aha, “Komiu mian ma'idek! Ihe na nontaloakon komiu timbali molapas lengkat i hukuman nu Tumpu anu tokaje mae?

LUKAS 2:25

Tempo'nyo aijo' i Yerusalem daagi' ko samian sanggonyo i Simeon. Ia mian anu ma'ima', anu mabuhuk hi Tumpu, ka' hau-haunyo montanda'i tempo'nyo Tumpu momposalamat Israel. Roh nu Tumpu monsangalui ia,

LUKAS 3:7

Manjoo' na mian toka hi Yohanes, da o palamandikan. I Yohanes notatae hi aha, “Komiu mian ma'idek! Ihe na nontaloakon komiu madi' mohumpak hukuman lengkat hi Tumpu anu toka mae?

SISIKON NU TO RASUL-RASUL 1:11

“Hee, to mia-mian nu Galilea,” koonyo nu ua'aha na mian haha aijo', “kadaka' komiu ola tuminjo atina' monsinda langit? I Yesus anu tinoa miu tinalahangkatmo nokiita' i suluga' atina' i ahop miu, po'ule'je minsusule' mae susumo atina' anu tinoamo miu u'uka aiya.”

SISIKON NU TO RASUL-RASUL 17:31

Kalana Ia nontantukanmo sa'angu' na tempo' da momputusi adi-adin songko-songko na dunia aiya. Kalaja aijo' nubauje nu samian anu noko pile'anmo nu Tumpu na mombau aijo'. Ka' da iwi-iwi' na mian palesaya totu-totu'u i han aijo', sahingga mian anu sinilakamo po'ule'mo pinotumuu' nu Tumpu!”

SISIKON NU TO RASUL-RASUL 2:24

Panyo Tumpu po'ule' nompotumuu' Ia lengkat i totonga' nu to mia-mian mate. Ia kinona nu kapatean, panyo Tumpu na nolapasakon Ia, kalana madi' timbali Ia saja'mo nu kuasai nu kapatean.

SISIKON NU TO RASUL-RASUL 2:32

I Yesusmo aiya na po'ule' pinotumuu' nu Tumpu lengkat i kapatean. Kami iwi-iwi' nosi sakisimo han aijo'.

SISIKON NU TO RASUL-RASUL 3:15

To utu-utus mompateimo Ia, padahan Iamo na pinolengkatan nu kantumuu'an bau kapentingan nu iwi-iwi' mian. Ka' Tumpu po'ule'mo nompotumuu' ia lengkat i kapateannyo. Kami nonsakisimo han aijo'.

SISIKON NU TO RASUL-RASUL 3:21

Ia tionyo jojoong i suluga' sampe Tumpu mompotimbalimo iwi-iwi' bu'ou sumo anu tinaloakonmo nu Tumpu hi to nabi-nabi-Nyo, anu pinotokanyo hi komiu daagi' pe'e u'utu mae.

SISIKON NU TO RASUL-RASUL 4:10

Jadi, to Tutuuma iwi-iwi' tionyo monsumbu' ka' iwi-iwi' bansa Israel tionyo monsumbu' saba' mian aiya tuminjo uuka aiya tiba butong anu sehat i ahop nu to Tutuuma, kalana kahosonan ka' kakuasa'an lengkat mae hi Yesus Kristus mian nu Nazaret aijo'. To Tutuuma nonsalibmo i Yesus aijo', panyo Tumpu po'ule' nompotumuu' Ia.

ROMA 1:4

panyo salaku Tumpu Ia memang Anak nu Tumpu. Aijo' nyata' i kuasa anu madi' ko gampanyo kalana mau sinilakamo na Ia panyo po'ule' tinumuu'.

ROMA 2:7

Tumpu mombee'i kantumuu'an kopian ka' sidu-sidutu' hi aha anu sabaan mombau anu ma'ima' da pohumpakan anu ko angga'nyo, anu opopodaka' ka' toka sidu-sidutu'.

ROMA 4:25

I Yesus aijo' binee'mo da o patei kalana dosa-dosa'to, lantas Ia po'ule' pinotumuu' nu Tumpu da mompotimbali kita po'ule' mompaha maima' tiba Tumpu.

ROMA 8:34

Pa' daagi' ko mian anu mongka'oho' mompo sala' kita? I Kristus Yesus na montinjohi kita! Ia na anu sinilakamo, kabai memanga Iamo na po'ule'mo pinotumuu' salatan Ia sinilaka ka' kiita'mo mae hi Tumpu i tampat anu mongkuasai.

1 KORINTUS 1:7

sahingga sa'angu' pe'e na balakat madi' maga'a hi komiu, hau-haunyo komiu montanda'i Tumpunto i Yesus Kristus toka ka' nutoa nu mian iwi-iwi'.

GALATIA 3:13

Panyo i Kristus nompobebasmo kita da boli nu kona nu kutuk ola kalana atulan nu agama. Ia nombau han aijo' nompopilayamo butong-Nyo kinutukan kalana monginau' kita. Kalana i uno nu Kitab nu Tumpu tinulismo, “Kinutukanmo na mian anu sinilakamo pinokalayo' i ohi' kau'.”

FILIPI 3:20

Panyo kita aijo' mian nu Kalaja'an Suluga'. Lengkat mae kiita' suele na pinolengkatan nu Tomundo Anu Momposalamat kita, Tumpunto i Yesus Kristus anu saidi' mae toka. Iamo na anu saja' o'indinto otanda'i.

KOLOSE 1:18

Iamo na kapala nu butong-Nyo, aijo'mo jama'at, kalana Ia na pinolengkatan nu kantumuu'an nu jama'at aijo'. Iamo na anak anu tumpe, anu sini-sinilaka ka' momonanyo po'ule' pinotumuu', da ola posi Ia na anu timbali tahahumo penting molingkudui iwi-iwi na apaa.

1 TESALONIKA 1:7

Tiba anu sumo aijo' komiu timbali sonto' hi iwi-iwi' mian Kristen i Makedonia ka' Akhaya.

1 TESALONIKA 2:16

Ka' aha nontewa'mo kami mompolele hi aha to bansa-bansa anu misa' Yahudi, lele anu timbali momposalamat bansa haha aijo'. Tiba jalan anu sumo aijo' komiu mian nu Yahudi aijo' saja'mo montuangi to dosa-dosa' nu aha sampe konjoo'nyo sampa'mo. Ahennyo uuka aiya aha nu konaimo nu tambuha' nu Tumpu.

1 TESALONIKA 2:7

Panyo sipat mami manonong de kami itina' hi komiu, sumo samian na tina mongkalesang to ana-anaknyo.

1 TESALONIKA 5:9

Tumpu nompile'imo kita misa' da o hukum, panyo da o posalamat montului Tumpunto i Yesus Kristus.

2 TIMOTIUS 4:1

I Kristus Yesus daagi' po'ule' toka i dunia aiya da momputusimo to mia-mian anu tumuu' ka' anu sinilakamo; ka' Ia toka mae da mompalentah sumo Tomundo. Mokonyo aijo' ku poita sabole-bole hi komiu i ahop nu Tumpu ka' hi Kristus Yesus:

TITUS 2:13

Uuka aiya kita hau-haunyomo montanda'i Sinaa anu o ima-imaninto aijo'; i Sinaa aijo' dunia montoaje i Yesus Kristus anu talasanggo; aijo'mo Tumpu Anu Matangkas na Kuasanyo ka' Tomundo anu Momposalamat kita.

IBRANI 10:27

Me sa'a-sa'angu'nyomo na anu daagi' hi kita, aijo'mo mongahopimo pomputusian nu Tumpu, ka' apu nu tambuha'-Nyo anu mongangoti to mia-mian anu mongewa Ia!

IBRANI 9:28

Sumo aitu mule' na i Kristus ola minsan na sinombahkon salaku koloban mompobelesi dosa' nu mian da'isan. Ia po'ule'je toka kopinduannyo, misa' pa' kahanda' mongulusmo palakala nu dosa', panyo momposalamatmo to mia-mian anu saja' montanda'i katokaan-Nyo.

1 PETRUS 1:21

Kalana Ia sahingga komiu pinalesayamo hi Tumpu anu po'ule'mo nompotumuu' Ia sinilaka ka' nompopodaka'mo Ia. Jadi Tumpu Allah ahi' na anu opalesaya nu belemiu, ka' hi Tumpu ahi' na bau kataha'imanan nu belemiu.

1 PETRUS 1:3

Imbo' na kita montalima kase hi Tumpu, Tuuma Tumpunto i Yesus Kristus! Ia talalo mongkalibosi kita, aijo' na pu'unnyo Ia nombee'imo kantumuu'an bu'ou hi kita, aijo'mo i Yesus Kristus sinilaka po'ule'mo pinotumuu'. Aiya mompokeman kita da mahoson na montaha'imani.

1 PETRUS 2:21

Aijo' na kahanda'nyo Tumpu nolagamo belemiu. Kalana posi Kristus nongoa'imo sansala kalana bau kapentingan miu, tiba jalan anu sumo aijo' Ia nombee'imo belemiu sa'angu' na sonto', da belemiu mombatuki sonto' i uno nu kantumuu'an-Nyo.

1 PETRUS 3:18

Kalana i Kristus sinilaka ola minsan sampe toka sidu-sidutu' kalana dosa' nu manusia – samian anu madi' ko sala'nyo sinilaka kalana monsawani mian anu ko sala'nyo. I Kristus nombau sumo aijo' da Ia timbali molaya' belemiu toka hi Tumpu. Ia sinilakan ola butongnyo biasa, panyo po'ule' pinotumuu' nimbutongmo nu rohani.

2 PETRUS 3:12

hau-haunyo komiu montanda'i ka' mongindi Sinaa katokaanmo nu Tumpu. I Sinaa aijo' langit motoyo'mo iwi-iwi', ka' kalana panasnyo sahingga apa-apaa na anu aita' i langit moe'mo sumo uee.

2 PETRUS 3:14

Kalana aijo', to utu-utus anu okanonongi, hau-haunyo belemiu montanda'imo Sinaa aijo', bala usaha totu-totu'u da tumuu' susi' ka' madi' ko alunyo i ahop nu Tumpu. Ka' opokopiani ima-ima' na pompahasumbu'an tiba Tumpu.

ANU PINOTO'I HI YOHANES 1:18

Akumo na Ia anu tinumuu'mo! Aku sinilakamo, panyo toamo, Aku tumuu'mo sampe toka sidu-sidutu'. Aku mongkuasai kapatean, ka' i dunia nu mian anu i natemo.

ANU PINOTO'I HI YOHANES 1:7

Toa, Ia toka mae nu saput nu kundom! Iwi-iwi' na mian montoa Ia, ka' suele aha anu nonjalo'mo Ia. Iwi-iwi' na bansa i dunia mohangi Ia. Memang, totu-totu'u! Amin!