1 TAWARIKH 9:4 - KITAB NU TUMPU ALLA LELE MA'IMAI'

^4-6 Aha 690 na auwan nu tulunan nu bansa Yehuda anu jinojoong i Yerusalem, tiba lee' mae nu to ana-anak i Yehuda, sanggo nu aha, i Peres, i Syela tiba i Zerah. Lee' i Peres kinapalaan i Utai, lundu-lunduannyo nu lee' mae i Utai o tundun sule-sule' aijo'mo, i Utai, i Amihud, i Omri, i Imri tiba i Bani. Lee' i Zerah kinapalaan i Yeuel.

1 TAWARIKH 9:4 ပူးပေါင်းရင်းမြစ်များ

KAJADIAN 46:12

I Yehuda to ana-anaknyo: I Syela, i Peres, ka' i Zerah, ka' mule' anak i Yehuda sangga'at, aitumo i Er ka' i Onan sini-sinilakamo i Kana'an. To ana-anak i Peres: I Hezron ka' i Hamul.

1 TAWARIKH 2:5

I Peres kino anak mo'ane ua'aha, aijo'mo i Herzon, tiba i Hamul.

1 TAWARIKH 4:1

Ka' mule' aiya sambagian na lee' i Yehuda: i Peres, i Hezron, i Karmi, i Hur tiba i Syobal.

NEHEMIA 11:4

Daagi tino pia-piangkuka na tulunan mae i Yehuda ka' i Benyamin jinojoongmo i Yerusalem. Aiya na daputan nu sanggo nu aha: To mia-mian tulunan nu bansa Yehuda; I Ataya anak i Uzia ka' makumpu mae i Zakharia. Daagi' mule' tino pia-piangkuka na mompolee' mae nu aha aijo'mo: i Amarya, i Sefaca ka' i Mahalaleel, i Peres, i Yehuda. Konjoo'nyo nu aha 468 na mian anu toto babaani. I Maasyea anak i Barukh ka' makumpu i Kolhoze. Daagi' mule' tino pia-piangkuka na mompolee' mae nu aha aijo'mo: i Hazaya, i Adaya, i Yoyarib, i Zakharia, i Syela, i Yehuda.

NEHEMIA 8:7

Lapas aijo' aha po'ule'mo tinuminjo aijo' i kinatinjoan nu aha toto samian, lantas aha mian nu Lewi anu i kiijo' nontutuhakonmo Atulan aijo' hi aha. Mian nu Lewi haha aijo' atina'mo: i Yesua, i Bani, i Serebya, i Yamin, i Akub, i Sabetai, i Hodia, i Maaseya, i Kelita, i Azarya, i Yozabad, i Hanan tiba i Pelaya.