1 TAWARIKH 9:2 - KITAB NU TUMPU ALLA LELE MA'IMAI'

² Aha anu momona ninsusule' mae po'ule' namba i posi tano' nu aha i kota' haha aijo', to tu'a-tu'anyo, to ima-imam, aha mian nu Lewi ka' anu mokalaja i Laigan nu Tumpu.

1 TAWARIKH 9:2 ပူးပေါင်းရင်းမြစ်များ

EZRA 2:1

Manjoo' na to mia-mian anu binoa i Babel nompala'imo da'erah Babel lantas ninsusule'mo i Yerusalem ka' Yehuda, toto samian ninsusule'mo i posi kota'nyo. Aha tinumuu'mo i Babel anu pinomboan aha salatanmo pe'e aha ingato i tomundo Nebukadnezar.

EZRA 2:43

Aiyamo na daputan nu aha sa'anakan mae anu mokalaja i Laigan nu Tumpu anu ninsusule'mo lengkat mae i Babel anu pinomboan aha: I Ziha, i Hasufa, i Tabaot, i Keros, i Siaha, i Padon, i Lebana, i Hagaba, i Akub, i Hagab, i Samlai, i Hanan, i Gidel, i Gahar, i Reaya, i Rezin, i Nekoda, i Gazam, i Uza, i Paseah, i Besai, i Asna, i Neunim, i Nefusim, i Bakbuk, i Hakufa, i Harhur, i Bazlut, i Mehida, i Harsa, i Barkos, i Sisera, i Temah, i Neziah, tiba i Hatifa.

EZRA 2:58

Aha sa'anakan anu mokalaja i Laigan nu Tumpu ka' anu mongulus kaanon i Salomo, anu ninsusule'mo mae lengkat i Babel anu pinomboan aha konjoo'nyo 392 na mian.

EZRA 2:70

To ima-imam, to mia-mian nu Lewi ka' sambahagian na mian da'isan anu jinojoongmo i Yerusalem ka' i iwi-iwi' na kota' anu madi' majo'on i Yerusalem. To mia-mian anu lewa' manyanyi, to mia-mian anu monjagai sabatan i Laigan nu Tumpu ka' to mia-mian Israel sangga'at jinojoongmo i iwi-iwi' na kota' anu kinajojoongan nu mompolee' nu aha naipuan mae.

EZRA 8:20

Ka' mule' daagi' ahi' ko sangga'atannyo aha 220 na mian anu mokalaja i Laigan nu Tumpu anu tuli-tulis i daputan na sanggonyo. Mompolee' mae nu aha naipuan mae anu i hangkatmo i Tomundo Daud ka' to mia-mian anu matangkas na pangkatnyo i kalaja'an da montulungi aha mian nu Lewi.

NEHEMIA 10:29

Kami iwi-iwi' mosa'angu'mo tiba to pola-polaya' mami ka' basumpa'mo da montulutimo atulan nu Tumpu Allah anu binee'-Nyomo hi Musa, posaihonnyo aijo'. O'amalakon mami da Tumpu Allah mongkutuki mae kami de kami madi'mo mombau apaa na anu jinanji'mo mami aiya. Kami basumpa'mo da montulutimo totu-totu'u palentah iwi-iwi'; atulan ka' apaa na anu ingatunmo nu Tumpu, Tumpu Allah mami.

NEHEMIA 11:1

To pola-polaya' jinojoongmo tataap i Yerusalem ka' mule' mian da'isan nompile'imo suele ihe na jojoong i kota' aijo' binuangakon onde na nompile'i, to sampulu' na duan, sa'angu' na auwan na jojong i kota' susi' Yerusalem. Anu madi' kinona nu pompile'i jojoong i to kota-kota' sangga'at.

NEHEMIA 7:60

Iwi-iwi' na lee' mae nu aha anu nokalajamo i Laigan nu Tumpu ka' to posa-posaihon i Salomo anu ninsusule'mo mae lengkat i Babel pinomboan aha, konjoo'nyo 392 na mian.

NEHEMIA 7:73

To ima-imam, to mia-mian nu Lewi, to mia-mian anu monjagai sabatan daka' i Laigan nu Tumpu, to panya-panyanyi kanjoo'annyo na aha te mian da'isan biasa anu mokalaja i Laigan nu Tumpu, osainsanggo-sanggomo iwi-iwi' na mian da'isan nu aha Israel, jojoong i to kota-kota' ka' i kampung toto ise-ise' i da'erah Yehuda.