1 TAWARIKH 9:14 - KITAB NU TUMPU ALLA LELE MA'IMAI'

^14-16 To mia-mian nu Lewi haha aiya anu jojoong i Yerusalem: I Semaya anak i Hasub; mompolee'nyo mae nu aha aijo'mo i Azrikam tiba i Hasabya lengkat mae hi aha sa'anakan i Merari i Bakbakar, i Heres tiba i Galal i Matanya anak i Mikha; mompolee'nyo mae nu aha aijo'mo i Zikri tiba i Asaf i Obaja anak i Semaya; mompolee'nyo mae nu aha aijo'mo i Galal tiba i Yedutun i Berekhya anak i Asa, makumpu i Elkana, ia jojoong i da'erah nu kota' Netofa.

1 TAWARIKH 9:14 ပူးပေါင်းရင်းမြစ်များ

1 TAWARIKH 26:1

Aiya na pombagian nu aha mian Lewi anu monjagai Laigan nu Tumpu. Anu lengkat mae hi aha sa'anakan i Korah, i Meselemya na tiniju' anak i Korah lengkat mae hi auwan i Ebyasaf. Ia kino anak aha 7 na mo'ane anu tinulismo i daputan ka' binatukakon i tatusan nu umun nu aha: i Zakharia, i Yediael, i Zebaja, i Yatniel, i Elam, i Yohanan, i Elyo'enai.

1 TAWARIKH 26:26

I Selomit tiba to julu-julunyo monjagai ka' montoa iwi-iwi' apaa na anu nu bee' ka' nu sombahkon i Tomundo' Daud, ka' anu nu bee' nu to tu'a-tu'annyo nu auwan, ka' to pola-polaya' nu auwan, ka' to sulu-suludadu anu toto tangka-tangkas na pangkatnyo.

1 TAWARIKH 6:19

I Mahli tiba i Musi, aijo'mo na to ana-anak i Merari.

1 TAWARIKH 6:29

Lundu-lunduannyo mae nu lee' i Merari aijo'mo: i Mahli, i Libni, i Simei, i Uza,

1 TAWARIKH 6:63

Ka' mule' suele ingondeakon, na to au-auwan nu aha sa'anakan i Merari nohumpak 12 na kampung i da'erah nu aha tulunan nu bansa Ruben, Gad tiba Zebulon.

1 TAWARIKH 9:13

To ima-imam anu salaku tu'anyo nu auwan iwi-iwi' aha 1.760 na mian. Aha pande hondo na mombau apa-apaa anu okalaja i Laigan nu Tumpu.

NEHEMIA 12:23

Panyo mongkona mae aha, to tu'a-tu'anyo, nu sa'anakan mae aha mian nu Lewi tinulis ola sampe tinoka hi Yonatan makumpu i Elyasib.

NEHEMIA 12:24

I Hasabya, i Serebya, i Yesua, i Binui tiba i Kadmiel na mongatun aha to mia-mian nu Lewi da binagi-bagi toto santompuk. Minsan mohumpak kalaja aha ohua' na tompukannyo, anu mompuji' Tumpu ka' montalima kase hi ia mobolobosan montuluti susumo anu ingatunmo i Tomundo' Daud Posaihon nu Tumpu Allah aijo'.

NOMBILANGMO 26:57

Tulunan nu bansa aha Lewi, aijo'mo aha sa'anakan mae i Gerson, i Kehat ka' i Merari.