1 TAWARIKH 9:1 - KITAB NU TUMPU ALLA LELE MA'IMAI'

¹ Iwi-iwi' na mian nu Israel tinulis toto sa'angu' na auwan. Daputan aijo' tinulis i kitab nu to Tomu-tomundo' Israel. Salaku bau pinohukum kalana aha nombaumo dosa', aha mian da'isan nu Yehuda binoamo i lipu' pinompojoongan.

1 TAWARIKH 9:1 ပူးပေါင်းရင်းမြစ်များ

1 TOMU-TOMUNDO' 14:19

Sisikon sangga'at mongkona i Tomundo' Yerobeam monsisikakon ia nompalentah ka' nahampate ia na nongkapalai tinulismo i kitab anu Monsisikakon to Tomu-tomundo' nu Israel.

2 TOMU-TOMUNDO' 24:14

I Tomundo' Yoyakhin, tinanyo, to bengke-bengkele'nyo, to mia-mian anu ko pangkatnyo tiba to pola-polaya' nu Yehuda – iwi-iwi'mo 7.000 na mian anu toto pande-pande – i hakopmo ka' binoamo i Babel. Ka' suele anu toto pande-pande na mombau apa-apaa ka' tukang besak konjoo'nyo 1.000 na mian. Iwi-iwi' anu toto hoso-hoson ka' to babaani mahampate. To mia-mian lee' nu tomundo' ka' to mia-mian anu talasanggo suele binoamo i tampat pompojoongan – iwi-iwi'mo 10.000 na mian. Kinoboli' iwi-iwi'mo na mian anu jojoong i Yerusalem pinaha boamo; anu jinojoong me mian anu kasiasi hondo.

1 TAWARIKH 8:40

To ana-anak i Ulam iwi-iwi' tinimbali suludadu anu toto babani ka' pande hondo mompana'. To maku-makumpunyo anu toto momo'ane iwi-iwi' aha 150 na mian. Aha iwi-iwi' ninsoop tulunan nu bansa Benyamin.

2 TAWARIKH 33:11

Mokonyo aijo' pinotokamo mae nu Tumpu na to tale-talenga'nyo nu suludadu nu aha Asyur nontumbuhi Yehuda. I Manasye i hakop nu pongkakait lantas pinungumo ka' binoamo i Babel.

EZRA 2:1

Manjoo' na to mia-mian anu binoa i Babel nompala'imo da'erah Babel lantas ninsusule'mo i Yerusalem ka' Yehuda, toto samian ninsusule'mo i posi kota'nyo. Aha tinumuu'mo i Babel anu pinomboan aha salatanmo pe'e aha ingato i tomundo Nebukadnezar.

EZRA 2:59

To mia-mian anu nolengkat mae i kota Tel-Melah, Tel-Harsa, Kerub, Adan ka' Imer, konjoo'nyo 652 na mian. Aha ninsoop sa'anakan mae i Delaya, i Tobia tiba i Nekoda, panyo aha madi'mo noko ala nompobukuti pa' aha aijo' daagi' lee' mae nu bansa Israel.

NEHEMIA 11:1

To pola-polaya' jinojoongmo tataap i Yerusalem ka' mule' mian da'isan nompile'imo suele ihe na jojoong i kota' aijo' binuangakon onde na nompile'i, to sampulu' na duan, sa'angu' na auwan na jojong i kota' susi' Yerusalem. Anu madi' kinona nu pompile'i jojoong i to kota-kota' sangga'at.

NEHEMIA 7:5

Kalana aitu Tumpu Allah nombalakatimo aku da noko ala nomposihuk mian da'isan ka' to pola-polaya'nyo, ka' mule' to tu'a-tu'anyo nu aha, da timbali ku bilang na aha anu tuli-tulis i daputan nu tundulan nu aha. Tempo'nyo aitu i humpakumo na tulisan mongkona aha to mia-mian anu momona ninsusule' mae lengkat i Babel pinomboan aha. Lantas aiyamo na anu sinisikakon i kitab daputan anu i humpakumo na tulisan aijo':

YESAYA 3:2

to suludadu anu toto babani tiba tiba to sulu-suludadu biasa, to mia-mian kopian, to mia-mian anu lewa' montahi'i ka' mule' to mia-mian anu lewa' mompokinde'i,

YEREMIA 13:19

Sinin na kota' nu Yehuda anu ibahagian salatan hau-haunyomo tinumbuhan, ka' madi'mo daagi' ko anu noko ala nopalai aha tinumbuhan aijo'. Iwi-iwi' na aha mian nu Yehuda binoamo itampat pinompojoongan.”

YEREMIA 39:9

Ahennyo mian da'isan anu daagi' tinontuha' ikota' tiba aha anu nopalaimo ka' naninggalumo hi aha Babel, binoamo i Nebukadnezar i Babel, kamundan nu suludadu nu Babel.

DANIEL 1:2

Tumpu nom poloasmo ia nompatundu' i Tomundo Yoyakim ka'nompahuhuakonmo sambahagian na to bala-balang anu mahan na olinyo i Laigan nu Tumpu. To mia-mian anu ihakop binoanyomo i kuil poponsombannyo pilogot i Babel ka' mule' to bala-balang anu mahan na olinyo pipinahuhuakonnyo, pino una'mo i uno nu gudang nu kuil haha aijo'.