Polaya' nu lee' mae i Hebron aijo'mo i Yeria. Tinoka i taun ko patompulu'nyomo kapamalentahan i Tomundo' Daud sinelidikanmo ka' i humpakmo na aha taalu' daagi' ko to sulu-suludadu anu toto babaani jojoong i Yazer, i da'erah Gilead.
Belento nombee'imo aha ka untungan nahampate, nongewa to kala-kalaja'an manjoo' hondo ka' mule' to bansa-bansa i tano' anu mompaha tempas tiba tano' nu aha. Hesbon lipu' nu Tomundo' Sihon, kinajojoonganmo nu aha; Basan lipu' nu Tomundo' Og kinajojoonganmo suele nu aha.
Gogohong nu beleyum sumomo manara gading, mata nu beleyum mimbalu-balu' kolam anu kiijo' i Hesybon, koko sabatan daka' Batrabim. Sung nu beleyum sumomo menara anu kiijo' i Bungkutnyo nu Libanon, anu mongahopi kota' Damsyik.
Kalana aijo' mian nu Israel nongkuasaimo iwi-iwi' na kota nu mian Amori, tibamo Hesybon ka' iwi-iwi' na kota toto ise-ise' sangga'atannyo, lantas jinojoongmo na aha ikiijo'.
Lapas aijo' i Musa nonsaimo to mia-mian mamba molio jalan anu ma'ima' hondo na pontumbuhian kota Yaezer. Lantas mian nu Israel nompatundu'mo kota aijo' tiba kota toto ise-ise' sangga'atannyo ka' nolaa'mo mian nu Amori anu jojoong ikiijo' mae.
Tulunan nu bansa Ruben ka' i Gad ka' potuu'on manjoo' hondo. Salatan tinoa nu aha ma'ima' hondo na tano' nu Yaezer ka' tano' nu Gilead bau pompotuu'an binatang,
“Tano' nu kota-kota Atarot, Dibon, Yaezer, Nimra, Hesybon, Eleale, Sebam, Nebo ka' Beon anu kinuasaanmo nu Israel, kalana tinulunganmo nu Tumpu, ma'ima' hondo na pompotuu'an binatang. Jadi kalana potuu'on mami manjoo' hondo,
“Salatan kita noliu-liumo da'erah nu aha Moab, Tumpu notataemo hi kita, ‘Lako'mo uuka aiya potaapmo i Kaunyo nu Arnon. Ku bee'mo hi belemiu na i Sihon, tomundo nu Amori anu mompalentah kiijo' i Hesybon, hingga-hinggat tiba lipu'nyo. Tumbuhimo na ia lantas jojoongimo na tano'nyo.
