1 TAWARIKH 6:60 - KITAB NU TUMPU ALLA LELE MA'IMAI'

⁶⁰ I Da'erah tulunan mae nu aha bansa Benyamin, aha nohumpak kampung haha aiya tibamo hemputnyo: Geba, Alemet, ka' Analot. Iwi-iwi'mo 13 na kampung na bau kajojoongan nu aha sa'anakan.

1 TAWARIKH 6:60 ပူးပေါင်းရင်းမြစ်များ

1 TOMU-TOMUNDO' 2:26

Lapas aijo' notataemo na i Tomundo' Salomo hi Imam Abyatar, “Lako'mo i kampung nu beleyum kiijo' i Anatot. Beleyum mohumpakmo hukuman opatei, panyo' sinaa aiya ma'isa aku mompatei beleyum, kalana beleyum daagi' tempo'nyo nosangalu tuumangku, beleyum suele nongoa'imo iwi-iwi' na kasusa'an ka' beleyum suele na lewa' nongkalesang Peti' Palajanjian nu Tumpu.”

1 TAWARIKH 6:61

Sampulu' na kampung nu aha tulunan nu bansa Manasye anu i sasu kinsoban Kaunyo nu Yordan binee'mo hi aha to au-auwan sa'anakan mae i Kehat anu ma'isa nohumpak tano'.

1 TAWARIKH 8:6

Lee' i Ehud aijo'mo i Naaman, i Ahia, tiba i Gera. Aha aijo'mo na to tu'a-tu'anyo nu auwan anu jinojoong u'utu mae i Geba. Panyo aha i laa'mo nosabat i kiijo', lantas tempo'nyo aitu i Geramo na binau polaya' nu aha, aha nambamo i Manahat ka' jinojoongmo i kiijo'. I Gera kino anak ua'aha: i Uza tiba i Ahihud.

NEHEMIA 12:29

Lengkat mae i Bet-Gilgal, Geba tiba Asmawet.

YESAYA 10:30

Poloboo'mo, o, belemiu anu jojoong i Galim! Potombihing, o, mian anu jojoong i Laisya! Taami mae, o, mian anu jojoong i Anatot!

YEREMIA 1:1

Kitab aiya isinyo potatae i Yeremia anak i Hilkia, sala'samian na imam anu lengkat mae i kota' Anatot i uno nu daerah Benyamin.

YEREMIA 11:23

Aku nontantukanmo tempo'nyo bau pompotokan mae balaa' hi aha mian nu Anatot, ka' de tempo'nyomo nu hukuman anu onabu'akon hi aha aijo' tokamo, madi' daagi' ko samian na anu madi' nu kona nu balaa'.”

YEREMIA 37:12

Sahingga aku nompala'imo Yerusalem ka' nambamo idaerah Benyamin da montalimamo pombagian buden lengkat hi to to utu-utusku.

1 SAMUEL 13:3

Lantas i Yonatan nompateimo kapala nu suludadu nu aha Filistin anu matangkas na pangkatnyo kiijo' i Gibea, ka' ihongomo nu aha bansa Filistin na han aijo'. Lantas pinalentahmo i Saul da opo onyi'mo na tolompet i songko-songko na lipu' bau polaga aha mian nu Ibrani da mamba mahampate.