1 TAWARIKH 6:31 - KITAB NU TUMPU ALLA LELE MA'IMAI'

³¹ Salatanmo pe'e Peti' Palajanjian i lalinmo i tampat ponsomban Tumpu i Yerusalem, i Tomundo' Daud nompile'imo to mia-mian anu mompangakui lewa' manyanyi bau pompuji-puji' Tumpu i Laigan nu Tumpu.

1 TAWARIKH 6:31 ပူးပေါင်းရင်းမြစ်များ

2 SAMUEL 6:17

Peti' Palajanjian aijo' pino una'mo i tampatnyo anu pinotokamo i Daud i uno nu kemah. Lapas aijo' i Daud nonsombahkonmo hi Tumpu koloban anu opotunu ka' koloban paladamean.

1 TOMU-TOMUNDO' 8:4

ka' binoamo nu aha i Laigan nu Tumpu. Kemah nu Tumpu ka' iwi-iwi', na pakakasnyo i lalinmo suele binoamo i Laigan nu Tumpu nu to ima-iman ka' aha mian nu Lewi.

1 TAWARIKH 15:1

I Daud nombaumo laigan tino pia-piangkuka i kota' Daud bau kajojoongannyo, ka' nomposadiamo tampat pompo'una'an Peti' Palajanjian nu Tumpu Allah, lantas nombaumo kemah pompo'una'an Peti' aijo'.

1 TAWARIKH 15:25

Sahingga nambamo na i Tomundo' Daud tiba aha to pola-polaya' nu Israel, ka' to sulu-suludadu anu toto tangka-tangkas na pangkatnyo hi laigan i Obed-Edom mongala Peti' Palajanjian aijo', dinaka' hondo na nolame'akon.

1 TAWARIKH 15:27

Tempo'nyo aitu i Daud nompusok jubah hude Lenan anu ma'ima' hondo na kina'ut, sumo aitu mule' an aha anu mahaik musik ka' i Kenanya kapala nu aha ka' aha to mia-mian nu Lewi anu nonsimbu Peti' Palajanjian aijo'. I Daud suele nompusok baju' efod.

1 TAWARIKH 6:30

i Simea, i Hagai, i Asaya.

1 TAWARIKH 6:32

Aha manyanyi mobolo-bolos i Kemah nu Tumpu tempo'nyo ma'isa pe'e i Tomundo' Salomo nombau Laigan nu Tumpu.

1 TAWARIKH 9:33

Sambagian na mian nu aha Lewi sangga'at mongala bahagian manyanyi i Laigan nu Tumpu. To tu'a-tu'anyo nu auwan nuaha jojoong i Laigan daka' anu pa' sangkuka na konjoo'nyo kiijo' i Laigan nu Tumpu. Aha madi'mo binee'an kalaja sangga'at, kalana aha binee'anmo kalaja sinaa ka' malom.

EZRA 3:10

Salatan to mia-mian anu mokalaja i laigan aijo' nontampu'unimo nombau mesen bau pompotinjoan Laigan nu Tumpu, to ima-imam nompusokmo baju' jubah, ka' sika-sika toong na tolompet ka' singkap motinuminjo toto samian. Aha to mia-mian nu Lewi anu sa'anakan mae i Asaf suele tinuminjomo i kiijo' ka' sika-sika toong na gong toto ise-ise'. Aha nompuji-puji'mo Tumpu susumo koonyo nu atulan anu tinantukanmo salatanmo pe'e tempo'nyo i Tomundo Daud.

MAZMUR 132:14

Ia notatae, “I aiyamo na kajojoongan-Ku sampe toka sidu-sidutu', Aku kahanda'mo mompalentah i tampat aiya.

MAZMUR 132:8

Tokamo mae ka' jojoongmo i Laigan nu Belento, o, Tumpu, hingga-hinggat tiba Peti' Palajanjian anu momponyata' kakuasa'an nu Belento.

YEHEZKIEL 40:44

Lapas mule' mo'ane aijo' nomboamo aku ipopasan sasu unonyo. Ikiijo' daagi' ko laigan ohua', sa'angu' isohipi' nu sabatan daka' sasu utara ka' mongahopi salatan ka' sa'angu' mule' isohipi' nu sabatan daka sasu salatan ka' mongahopi utara.