1 TAWARIKH 5:26 - KITAB NU TUMPU ALLA LELE MA'IMAI'

²⁶ Kalana aijo' Tumpu Allah nompotuka'mo hi kinyonyoa i Pul tomundo' nu aha Asyur, sahingga i lambanannyomo tinumbuhan na lipu' aijo'. I Pul suele salakumo i Tiglat-Pileser. Lantas aha tulunan nu bansa Ruben, Gad, tiba tulunan nu bansa Manasye anu i sasu kabete'an Kaunyo nu Yordan binoamo nu aha salaku anu i hakop ka' mambamo pinojoong nu aha i Halah, i Habor, i Hara, ka' sa'angu' na tampat koko Kaunyo Gozan. I Kiijo' mae aha tinataapmo na jinojoong sampe sinaa uuka aiya.

1 TAWARIKH 5:26 ပူးပေါင်းရင်းမြစ်များ

2 SAMUEL 24:1

Tumpu pinusa mule' hi mian nu Israel, lantas sinale'annyo mule' na i Daud da oposusa' mule' na bansa aijo'. Koonyo nu Tumpu hi ia, “Lekengmo na aha mian nu Israel tiba mian nu Yehuda.”

2 TOMU-TOMUNDO' 15:19

Tempo'nyo i Pul tomundo' nu Asyur nontumbuhimo Israel, binee'anmo i Menahem na ia 34.000 kilogram na salaka da ia montulungi i Menahem da sabole-bole ia mompalentah Israel, ka' mongkuasai Israel.

2 TOMU-TOMUNDO' 15:29

Tempo'nyo i Pekah nompalentah, i Tiglat-Pileser tomundo' nu aha Asyur nongalamo kota' Iyon, Abel-Bet-Makha, Yanoah, Kedes-Hazor, da'erah Gilead, Galilea tiba Naftali. Miannyo anu jojoong i kota' haha aijo' suele binoanyomo salaku mian anu i hakop binoa i Asyur.

2 TOMU-TOMUNDO' 16:7

I Ahas nonsaimo mian namba hi Tiglat-Pileser tomundo' nu Asyur, pinotuunyo sumo uuka, “Aku posaihon nu belento anu tulu-tulutan; kalana aijo' ku poita sabole-bole hondo toka mae potuu'akon na aku da boli nupatei i tomundo' Siria ka' i tomundo' nu Israel anu nontumbuhimo mae aku aiya.”

2 TOMU-TOMUNDO' 17:6

– anu ko osio'nyomo na taun na i Hosea nompalentah – i Salmaneser nongalamo Samaria. Lantas mian nu Israel binoanyomo nokiijo' i Asyur salaku mian anu i hakop. Sambagian na aha pinojoong i kota' Halah, ka' sambagian mule' koko Kaunyo Habor i da'erah Gozan, ka' sambagian mule' i to kota-kota' i lipu' Madai.

2 TOMU-TOMUNDO' 18:11

Lapas aijo' binoamo nu tomundo' Asyur na to mia-mian nu Israel i Asyur salaku mian anu i hakop; sambagian na aha pinojoong i kota' Halah, sambagian koko Kaunyo Habor i da'erah Gozan, sambagian mule' i kota-kota' i lipu' nu aha Madai.

2 TOMU-TOMUNDO' 19:12

Tempo'nyo mompolee'ku nongideimo kota' Gosan, Haran tiba Rezef, ka' mule' nompateimo mian nu Eden anu jojoong i Telasar madi' ko sa'angu' pe'e na to pilo-pilogot nu aha na noko ala nomposalamat aha.

1 TAWARIKH 9:1

Iwi-iwi' na mian nu Israel tinulis toto sa'angu' na auwan. Daputan aijo' tinulis i kitab nu to Tomu-tomundo' Israel. Salaku bau pinohukum kalana aha nombaumo dosa', aha mian da'isan nu Yehuda binoamo i lipu' pinompojoongan.

2 TAWARIKH 28:20

I Tomundo Asyur tinoka mae misa' da montulungi i Ahas, panyo ola mule' ahi' nomposusa' ia.

2 TAWARIKH 30:6

Kalana pinalentahkonmo i tomundo ka' to mia-miannyo anu ko pangkatnyo sinaimo na mian namba i songko-songko na Yehuda ka' Israel momboa sulat haha aijo' anu onyi'nyo sumo uuka, “O mian da'isan nu Israel! Belemiu madi'mo kinuasan nu mian Asyur. Uuka aiya belemiu po'ule'mo mae palesaya hi Tumpu, Tumpu Allah anu nu sombah i Abraham, Ishak tiba i Yakub, da ia po'ule'je montulungi belemiu.

2 TAWARIKH 33:11

Mokonyo aijo' pinotokamo mae nu Tumpu na to tale-talenga'nyo nu suludadu nu aha Asyur nontumbuhi Yehuda. I Manasye i hakop nu pongkakait lantas pinungumo ka' binoamo i Babel.

EZRA 1:5

Lapas aijo' to kapa-kapala nu aha toto sa'anakan mae nu tulunan Yehuda ka' Benyamin, to ima-imam ka' to mia-mian nu aha Lewi, ka' toto samian anu pinotuka'mo nu Tumpu Allah na kinyonyoanyo, mosadiamo ninsusule' i Yerusalem ka' po'ule'mo mombau Laigan nu Tumpu.

YESAYA 37:12

Tempo'nyo mompolee'ku mae nohansunimo kota' Gozan, Haran tiba Resef ka' mule' nompateimo aha mian nu Eden anu jojoong i Telasar, madi' kosamian pe'e na pilogot nu aha haha aijo' na noko ala nomposalamat aha.

YESAYA 37:18

Kami iwi-iwi' nonsumbu'mo, o, Tumpu nu to tomu-tomundo' nu aha Asyur manjoo'mo na bansa-bansa pinatean nu aha ka' mule' nohansunimo iwi-iwi na lipu' nu aha.