1 TAWARIKH 5:20 - KITAB NU TUMPU ALLA LELE MA'IMAI'

²⁰ Suludadu haha aijo' palesaya hi Tumpu Allah ka' nomoitamo tulung hi Ia, sahingga pinopoi'mo nu Tumpu na anu pinoita nu aha ka' nombee'imo ka'untungan nahampate na aha mian nu Hagri haha aijo' tiba anu nonsangaja'imo aha.

1 TAWARIKH 5:20 ပူးပေါင်းရင်းမြစ်များ

KAJADIAN 25:21

Kalana i Ribka madi' nohumpak anak, i Ishak nondo'akonmo bengkele'nyo hi Tumpu. Ka' Tumpu nompopo ii'mo do'a i Ishak, sahingga i Ribka pinoboamo.

KAJADIAN 49:19

I Gad, beleyum nutumbuhi nu tololang, panyo po'ule' suele nutololangi nu beleyum na aha.

1 TOMU-TOMUNDO' 22:32

Jadi salatan tinoamo nu aha na i tomundo' Yosafat, aha iwi-iwi' nonsangkamo tukoonyo nu aha, aijo'mo na tomundo' nu Israel. Kalana aijo' tinumbuhanmo nu aha na ia.

1 TAWARIKH 5:21

Kalana aha nahampate aijo' sinitujuanmo nu Tumpu Allah, sahingga manjoo' na sampo bali' nu aha anu pinateanmo nu aha. Aha mule' nohakopmo ka' nomboamo aha 100.000 na mian ka' nompahuhuakonmo 50.000 na unta, 250.000 na domba, ka' 2.000 na keledai. Lapas aijo' aha jinojoongmo i da'erah aijo' sampe tinokamo na tempo'nyo nu bansa Israel i hakopmo ka' binoamo i lipu' pinompojoongan.

2 TAWARIKH 13:18

Mian nu Yehuda na inguntung nahampate, kalana aha montaha'imani samata-mata balakat nu Tumpu Allah na montulungi aha, aijo'mo Tumpu Allah nu mompolee' mae nu aha.

2 TAWARIKH 18:31

Jadi salatan tinoamo nu aha na i tomundo Yosafat, koonyo nu aha iwi-iwi' aijo'mo na tomundo Israel. Kalana aijo' tinumbuhanmo nu aha na ia. Panyo i Yosafat nolobo'mo, lantas tinulunganmo nu Tumpu na ia, ka' madi'mo nontumbuhi aijo', panyo nongahopimo sangga'at.

2 TAWARIKH 20:12

Belentomo na Tumpu Allah mami! Hukumo na aha, kalana kami aiya madi' moko ala mongewa suludadu anu talalo hondo manjoo' aijo', anu kahanda'mo montumbuhi mae kami. Madi'mo osumbu' mami pa' mo sia na mombau, kalana aijo' kami toka hi belento momoita tulung.”

2 TAWARIKH 26:7

Tumpu Allah na nontulungi ia nompatundu' mian nu Filistin, ka' mian nu Arab anu jojoong i Gur-Baal ka' mian nu Meunim.

2 TAWARIKH 33:13

Tumpu Allah nohongomo do'a i Manasye ka' po'ule'mo nonsule'akon ia namba i Yerusalem da po'ule' mule' mompalentah. Kalana apaa na anu jinadimo hi Manasye aijo' sahingga ia pinalesayamo hondo-hondo tukoonyo taalu' memang Tumpu aijo'mo na Tumpu Allah.

EZRA 8:23

Sahingga binapuasa'mo na kami ka' binalado'amo hi Tumpu Allah mongkakaase da nutoa mae na kami sahingga nu bee mae na anu pinoita nu do'a.

MAZMUR 37:39

Nu posalamat nu Tumpu na mian anu bala iman hondo; ka' Nu jagai na aha de ko kasusa'anmo.

MAZMUR 37:40

Nu tulungi na aha ka' mule' Nu posalamat ka' Nu poluput na aha da madi' nu silakai nu to mia-mian anu ma'idek na kinyonyoanyo, kalana aha ninsondo'mo hi Ia.

MAZMUR 46:1

Mazmur nu aha sa'anakan i Korah. Aku mongkapalai panyanyi. Lagunyo lagu nu Alamot.

MAZMUR 9:10

Tumpu aijo' tampat pinsendo'an nu mian anu sinakisamo, tampat pingkongan de kasusa'anmo.

NOSABATMO 17:11

De i Musa daagi' montangkakon limanyo, mian nu Israel untung na mahampate. Panyo de i Musa montauhakonmo limanyo, mian nu Amelek untungmo na mahampate.

AMSAL 29:25

Mabuhuk hi pongka'oho' nu mian, monsaduakon kasusa'an. Palesayamo hi Tumpu, sahingga beleyum madi'mo ko anu mompoposia.

YEREMIA 39:18

Beleyum madi' mule' opatei kalana Aku na momposalamatmo beleyum. Nyawa nu beleyum salamatmo kalana beleyum saja' ahi' montaha'imani Aku. Aku, Tumpu notataemo.”

DANIEL 6:23

Tumpungku nonsaimo mae malaekat-Nyo nonggintumo nganga' nu singa haha aijo' sahingga aha madi'mo nompoposia aku. Ia nomposalamatmo aku aiya kalana Nu sumbu' na aku aiya madi' ko kasala'an hi Ia ka' mule' hi belento Tuanku.”

NAHUM 1:7

Tumpu aijo' manonong, Ia monjagai mian-Nyo anu pinalesayamo tempo'nyo aha sinusi'mo; Ia monjagai mian anu ninsoopmo palesaya hi Ia.

EFESUS 1:12

Bakas, da kita na momonanyo taha'iman hi Kristus, mompuji' Tumpu kalana Ia talasanggo.

YOSUA 10:14

Madi' toho' jinadi' ka' mule' madi'mo daagi' jadi na sinaa susumo aijo', aijo'mo Tumpu nombatukimo pongka'oho' nu manusia. Tumpu nahampatemo nonsangalui Israel.

YOSUA 10:42

Ola minsan na nahampate, i Yosua nohungku'imo tomundo haha aijo' iwi-iwi' ka' nompatundu'mo da'erah iwi-iwi' anu nu kuasai nu aha, kalana Tumpu, Tumpu Allah nu Israel nahampatemo nonsangalui Israel.

YOSUA 23:10

Toto samian atina' hi belemiu moko ala mompatundu' momada-madala na mian, kalana Tumpu Allah nu belemiu na mahampate monsangaja'i belemiu susumo anu jinanji'-Nyomo.

1 SAMUEL 19:15

Panyo aha po ule'mule' pinalentah i Saul namba nokiijo' montoa i Daud da nutoa ahi' nu mata nu aha. Pinalentahnyo sumo uuka; “Boa mae na ia mo uuka, iwi-iwi' tiba tampat kinamale'annyo da ku pateimo.”

1 SAMUEL 7:12

Lapas aijo' i Samuel nompotinjomo sa'angu' na batu i potempasan nu Mizpa tiba Sen. Ia notatae, “Tumpu nontulungimo kita totu-totu'u” – lantas batu aijo' sinanggohannyomo “Batu Nontulungi.”