1 TAWARIKH 4:9 - KITAB NU TUMPU ALLA LELE MA'IMAI'

⁹ Daagi' ko samian na mo'ane sanggonyo; i Yabes; ia na lebe o'angga'i, panyo to utu-utusnyo sangga'at madi'. Ia sinanggohan nu tinanyo i Yabes, kalana talalo hondo nonsansala tinanyo tempo'nyo nohampeakon ia.

1 TAWARIKH 4:9 ပူးပေါင်းရင်းမြစ်များ

KAJADIAN 3:16

Lantas Tumpu notataemo hi boune aijo', “Ku paka posakit na beleyum de beleyum poboamo ka' de beleyum mohampeakonmo. Panyo mau mule' sumo aijo', beleyum daagi' saja' ko kinyonyoa moduhus tiba langkai' nu beleyum, ka' mule' beleyum tionyo tulu-tulutan hi ia.”

KAJADIAN 34:19

Sahingga i Sikhem malia-lia' na nongganapi poitaon aijo' kalana ia nongka'ima'imo i Dina. Hi aha iwi-iwi' sampoto utusannyo, i Sikhem-mo na anu talalo opopodaka'.

KAJADIAN 35:18

Panyo i Rahel tinokamo na ukunnyo, ka' salatan ia kahanda'mo nompopupus napasnyo, sinanggohannyomo na anak aijo' i Ben-Oni panyo tuumanyo nonsanggohi ia i Benyamin.

1 TAWARIKH 4:10

Panyo i Yabes binalado'amo hi Tumpu Allah anu osombah nu mian Israel, ia notatae “O Tumpu Allah, balakatiakon mae de timbali na aku ka' podaka'akon mae na da'erah-ngKu. Jagaiakon mae na aku, ka' pojo'onakon mae na balaa' da aku madi' sansala.” Ka' anu pinoitanyomo aijo', tinalimamo nu Tumpu Allah.

1 TAWARIKH 4:8

I Anub tiba i Hazobeba aijo'mo na to ana-anak mo'ane i Kos, mompolee' mae nu aha sa'anakan i Aharhel, anak i Harum.

1 TAWARIKH 7:23

Lapas mae i Efrai noduhusmo mule' tiba bengkele'nyo, lantas bengkele'nyo aijo' pinoboamo ka' nohampeakonmo samian na anak mo'ane. Anak aijo' sinanggohan i Efraim: i Beria, kalana balaa' anu ingoa'anmo nu aha aijo'.

AMSAL 23:25

O'amalakon da tuuma tiba tina nu beleyum sanang na montoa beleyum; o'amalakon da mohumpak kantumuu'an ma'ima' na boune anu nohampeakon beleyum.

YESAYA 43:4

Beleyum na ko angga'nyo ahi' imatang-Ku, Aku mohalagai ka' mule' mongkalibosi ahi' beleyum; sahingga Ku bee'imo mian salaku baumo pombolosi beleyum, to bansa-bansa salaku baumo pombolosi santuu' nu beleyum.

SISIKON NU TO RASUL-RASUL 17:11

To mia-mian i Berea madi' mompohowini apaa na anu i uno nu kinyonyoanyo, madi' pokakana to mia-mian i Tesalonika. Sanang hondo na kinyonyoa nu aha mohongo lele mongkona i Yesus, ka' toka nu sansina-sinaa aha monselidiki Kitab nu Tumpu, da nusumbu' nu aha pa' totu'u na pangajalan i Paulus aijo'.

1 SAMUEL 4:21

Anak aijo sinanggohannyo, i Ikabod kalana koonyo, “Tumpu Allah Anu Daka' na kuasanyo madi'mo jinojoong hi aha mian Israel” – alati'nyo nu potatae aijo', mongkona Peti' Palajanjian ingagoanmo ka' mule' moniannyo tiba langkai'nyo sinilakamo. Kalana aijo' aha notataemo “Tumpu Allah Anu talasanggo madi'mo jinojoong hi aha mian Israel kalana Peti' Palajanjian nu Tumpu Allah ingagoanmo”.